لو قابلك انسان اعمى وطلب منك ؟

[Beauty]

لو قابلك انسان اعمى وطلب منك ان تصف له الدنيا كيف ستصفها؟





دعنا نعيد قراءة انفسنا من خلال نظرنتا لهذة الحياة ::




كيف نرى هذة الدنيا




لا اقصد ان نبحث عن اجابات فلسفية او خيالية
او افتراضية بل نريد ان نعرفها تعريف حقيقى



وساختصر هذا الموضوع


بسؤال واحد وارجو من الجميع الاجابة
بصدق وامانة

لو صادفك انسان اعمى ابتلاة الله بفقدان نعمة البصر


واراد ان تكون انت عيونة الذى ستصف لة الدنيا




كيف ستصفها لة وتجعلة يعيشها كما تراها؟؟؟

[| Tears Of The Moon ●]

التوبيك وهمــى
وفكرته حلوة أوى
خصوصا ان فيه جانب انسانى

هقوله الدنيا دى ليها مافهيم كتير
وكل منطقــة فيها مفهوم

فى منطقــة فيها ناس حلوين كتير وفيها تسامح كبير
والناس فيها بيكملوا بعضهم
الصغير بيكمل الكبير
والكبير بيكمل الصغيـر

وفى مناطق زى الغابـة
الكبير بياكل الصغير

وفى مناطق الحب فيها بيعيش وبيسود
والناس بتقدر الحب
وبتتعامل معاه
وبتحاول ترد الحب ده بالحب

وناس لما بتلاقى حد بيحبها
بتتمرد وتتمادى فى القسوة
وممكن تجرح

وناس كافية خيرها شرهــا
يادوب لقمــة ومبسوطين وعايشين زى الفــل ومش عاوزين حاجة اكتــر من كــدا فى الدنيــا

وناس مهما تاخد ما بترضاش ولا بتقتنع باللى فى إيــدها
وعاوزين تانى وتانى وتانى ومش بيشكروا ربنا على أى حاجــة

واللى انت ما تعرفهوش ان هو ده طبع البنى أدم
وده مش كلامــى انا سعادتك
ده كلام مقدس
لو كان لإبن آدم وادى من ذهب لطلب التانى
ولو اتيناه بالتانى
لطلب التالت

وفيها ناس بتصون بعضها
وبيخافوا على بعض من قلبهم

وناس المعاملة المثل بالمثل

وناس مافيش فى قلبها رحمــة



وناس عايشة حياتها من عرق جبينها ونفسها عزيزة اوى عليها
وناس بتذل نفسها اوى علشان تعيش

وناس بتتنك على كل حاجة فى حياتها وفى ناس راضية بكل حاجة

وحاجات كتيرة فى الدنيا شوفناها
وحاجات كتيرة اول ما هشوفها اوعدك انى أقولهالك اول ما أشوفك
بس نلتقــى على خيــر وفى أمان الله وفى حب مع بعض

لحسن هى دى حال الدنيا
تاخد اعز الناس
وتحرمهم من بعضهم

هــــــــــــــــــــــــ ــــــــــــــــــــــــه

To Be Continued

[!..!]

أقولِك على حاجه .. من واقع مريت بيه

الكفيف بيحس أكتر مننا .. أكتر مما نتخيل

ربنا عوضهم بقدرات جميلة جداً ..

يمكن متكونش عند ناس عاديين ..

ولو كان حد منهم سألني عن الدنيا ..

للأسف مكنتش هقدر أفيدهم ..لإني مش شايفاها !!


..

[| سندباد ●]

الدنيا دى متووصفش
الدنيا دى تتشاف بس
لان كل يوم حاجة حلوة وحاجة اوحش ممكن تتوصف فيها


ومش اى وصف بيتحس زى ما بتشوفه


----------------------------------

للأسف صديقى الاعمى ،
ملكش نصيب معانا تشوف الدنيا دى الا بسمعك بس

وهقعد جمبه واعيط

-----------------------------
الحمد لله على نعمة البصر

[Spider GirL(•'.'•)]

الدنيا لا تتوصف ولا تتشاف
دى تتحس
وهو بيحس بيه اكتر زى ما وهم قالت

شكرا ياسوو

[● paradise_z0ne ●]

لو اعمى سالنى

هطلب منه طلب


ان هو يدعى ويقول الحمد لله الذى عافانا مما ابتلى به كثيرا من خلقه


ده احسن حاجة واكيد هو حاسس الدنيا

[| Amino2 ●]

السؤال ده صعب جدا
بس الرد فى كلمتين بس
الدنيا
غموض ومكر وخبث ودهاء

[توته]

ياسو انا مش عارفه هقول ايه لان فى ناس شايفين وقلبهم عاميه وفى ناس عاميه وقلبهم شايفه كل حاجه

[Beauty]

ميرسى اوى اوى يا جماعه على ردودكم ومشركتكم واراءكم الجميله

[| Amino2 ●]

انا هرد تانى
هقوله الحياه بقى لونها بمبى
وانا جنبك وانت جنبى
يعنى ايه بقى لونها بمبى
يعنى بقيت كلها كوسه
وغدر وغش
وكمان بقيت كلها
اللى معاه عيش واللى مش معاه يضرب راسه فى الحيط
ب اجمل حاجه فيها البنات
بس لما انت تضايقهم يعنى عشان تفرح
المهم هقوله خليك اعمى وادى دقنى ان فتحت