محتاجين دعوتكم دلوقتى

**● **MiSs. NeRmOo** ●** · 30-11-2009 10:53 AM

ربنا يشفيك يامحمود انت وكل مرضى المسلميين عشان خاطرك

**!..!** · 30-11-2009 04:07 PM

اللهم رب الناس اذهب البأس واشف أنت الشافي

لا شفاء إلا شفاؤك شفاءً لا يُغادر سقماً

يارب إشفيه وقوّمه بالسلامه يارب

..

**| **Silent Guardian** ●** · 30-11-2009 05:41 PM

ربنا معاك يا محمود
و طبقا لاخر الاخبار على لسان وسام
ان الحالة الحمدلله دلوقتي احسن بكتير
و ربنا يقومه بالسلامة
ان شاء الله

**..●●**آه...لو**●●..** · 30-11-2009 06:02 PM

شكرا يا وسام عالموضوع
ومش عارف اقول غير ان دعواتكم بجد فرقت معانا محمود كويس الحمد لله وعند الدكتور دلوقتي بيتاعبعو
هحكيلكم اللي حصل بس بعتذر بس من كل الناس اللي كلموني وبعتولي رساءل لان انا لسه قايم دلوقتي لاني نايم الساعه تمانيه الصبح وكنت واقف اكتر من عشر ساعات متواصل
كنت في فرح امبارح واخويا برضو كان معزوم في شبكه اخت واحد صاحبنا ورحنا احنا الاتنين
وبعدين
انا قعدت خمس دقايق في الفرح واتخنقت ومشيت مع واحد صاحبنا بعربيتو ومحمود كان بيتفرج ع ماتش البرسا والريال
وروحت ع الساعه 11 كده لقيتو قاعد في البيت فوق ونايم ع الكنبه وبيقول انا بردااان غطينااااه وقلنا نزلت برد لان الاء واسراء اختي كان واخدين الدور
ومره واحده يا جماعه مره واحده
لقيت الحراره طلعت لاربعين ولقيت محمود بيصوت نسالو فيه ايه يقول ظهري
وبعد كده لقيت حاله غريبه مش عارف اوصفها ازاي
وكان جن ركبو "للتشبيه بس"
كل اعضاء جسمو تشنجت تشنج شديد جدا رقبتو وظهرو وفكو وايديه ورجليه ومشط رجلو مفرود لبره ورجلو مرفوعه لفوق مع تصلب قوي جدا جدا في عضلات الرجلين من الساقين والافخاذ مع نص التواء في الجسم يعني من نصو الفوقاني نايم ع جنبو ومن التحتاني رجليه مفروده في الهوا ومبينطقش الكلام ده الساعه 11 ونص
صحيت ماما وبابا
اتصلنا ع دكتو باطنه وحميات واتصلت انا ع الدكتور فوزي ابو طالب اللي بقولو انته اعظم راجل في الدونيا
وكلمتو قلتلو عندنا حقنه رومافيل تقريبا مسكنه نديهالو قال اه اديهالو وتعالالي
رحتلو اخدت من عندو دوا وبقينا سبع افراد نعمل كمادات لكل جسمو
ورحت لقيت الدكتور ايمن وصل وكشف عليه والحاله عماله تشتد في اتصالت ع الدكتور فوزي وقلتلو ع اللي حصل جاب ادويه وجه وسبحاان الله لما وصل كان الادويه اللي جبها من وصف الحاله هيا اللي كتبها الدكتور ايمن وادالو حقنه اسبيجان تقريبا وحقنتين كمان تقريبا واحده اسمها نوريل
ومنوم
وناااام محمود وجسمو بدا يفك بس الللي كان وخدو مش مخدر منوم يعني يعتبر كان حاجز الالم بس منعرفش حتى الان هو فيه ايه وايه اللي عامل كل ده الساعه 12 ونص
روحو الدكاتره وجه خالي وبنت خالي الدكتوره فاطمه والدكتوره هند وقعدو معانا ونعمل كمدات
الحراراه تعلى وتنزل واحنا مش عارفين ايه اللي بيحصل جوااااه ومنعرفش مده المنو قد ايه
الساعه واحده ونص
بنفوق فيه
اول مفتح عنيه وكان كهربا مسكتو نفس الوضع اللي وصفتو واسواء وبكاااااء جامد ومش بيرد ع حد والمره دي نام ع بطنو وكان منظرو خلاااص واتشاهد فعلاااا
جم الدكاتره تاني الساعه اتين وقالو ننقلو المستشفى جبنا الاسعاف ونقلناه ع مشتشفى بتاع دماص اشكر المستشفى طبعا بس مكنتش مجهزه بدكاتره للحاله اللي جايه والحاله عماله تشتد
وخلااااص كتبنا تحويل لللمستشفى طوارئ المنصوره
والاسعاف جت تاني الساعه تلاته
خالي عبد الرحمن عجينه كان تعبااان جدا وجه
واتصل بدكتور من اعظم الدكاتره اسم والدكتور حسين فؤاد حميات برضو بس عارفين من بتوع زمان
وجه شافو وفحصو وقال مفيش مرض عضوي
ومدام مش عارفين نشخص المرض
يبقى نعلالج الاعراض
طبعا كنا استخدمنا جميع انواع المسكنات المعروفه والموجده ولكن مفيش فايده
وكانت كل الصيدلياااات قفلت بتاعت البلد
ورحت للدكتور فوزي البيت وفتحلنا الصيدليه وقال انا هستنى لغايه متقولولي روح
ولقيت ان الدوا اللي الدكتور حسين طلبو والدكتور فوزي استغرب منو
الترامادول
استغربت جدا وافتكر ت فيلم احمد حلمي
ماما
بتضرب تيمو
المره دي اخويا مش ماما
هههههههههه
ودوا اسمو ابيكوتيل لفك التشنجات
وحطناااه في محلول طبعا ببطئ شديد لمده اربع ساعات لغايه الساعه سبعه تقريبا
طبعا الواد ضرب التيمو من هنا
وعينك متشوف الا النور كنت قاعد بموت اانا وفاطمه جنبو
وهو عمال يلعب ويمسك موبايلو ويقولي صورني علشان اوريها لاصحابي
ورجع لطبيعتو الواطيه
قام ودخل الحمام لوحدو
ورجع وكان حافي اه والله كنت شاايلو عالنقاله حافي
وخرجنا من المستشفى الساعه سبعه ونص
ولكن يبقى لغز محنااااش فاهمينو وقالقنا كلنا
ايه اللي حصل ده
ايه المرض ده
.
.
بشكر تاني كل اللي كلموني ومردتش لاني كنت في غيبوبه ولسه صاحي وكتبتلكم اهو اول مصحيت
وهبدا استقبل اتصالاتكم ع هاتف جوال رقم 012345678
بس يا ريت البنات قدام والولاد ورا
علشان بس اقدر الاحق عليكم
بجد انتو اجمل عيله في الدونيا وبحبكم جدا