مناقشه مفتوحه عن جواز الصالونات

**Wezooo**(•'.'•) · 29-11-2009 06:26 PM

يلا يا بنتي جهزي نفسك عشان بكره الساعه 8 جاي عريس يتفرج عليكي
!!!!!!!!!!

تصوروا إن الجمله دي فيه امهات بتقولها فعلا وللاسف ياجماعه انا ملاحظ ان فى بنات كتير لو رفضت انها تشوف العريس يبقى هيه فى حد تانى وتقوم الدنيا

جمله بترخص اى بنت
!

عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

يااااااااااااااااااه

للدرجادي غلا الجواز ورخصت البنات
!

العنوسه زادت ومش زادت وبس

لا

دي بقت الاساس والباقي اللي بيتجوز بيكون هو الاعجوبه في زمننا ده

*
اسئلتي للبنات*

1_
ترضي ان عريس ييجي يشوفك ف بيت اهلك وانتي عمرك ما شفتيه؟

2_
وهيبقي احساسك ايه وهو هيشوفك لاول مره؟

3_
ولو رفضك هتحسي بإيه؟

4_
وياتري هتعيدي التجربه دي مره تانيه؟

*
اسئلتي للشباب*

1_
ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_
هيكون احساسك ايه وانت رايح تشوف عروسه لاول مره؟

3_
شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

**!..!** · 29-11-2009 06:39 PM

أنا مُضربة

بس أحياناً يعني جواز الصالونات بيتحول لحب

حب إيه يا وهم ؟؟

هو في حب في الزمن ده ؟

يمكن ؟

لو رجعت تاني يمكن نناقش ونحكي ونتكلم في الموضوع

بجد

..

**قلب صادق** · 29-11-2009 07:40 PM

ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

انا من راييى لاء طبعا لان الجواز مش بس انسانه كويسه ومحترمه اللى بعد الجواز
ايه يا جماعه هتبقى علاقتنا روتينيه جدا .. لاكن لو فيه حب وتفاهم اعتقد وهحاول جدا
انى اخلى علاقتنا تبقى كلها مرح وسعاده متبقاش روتينيه واعتقد ده يكون افضل ليه وليها

2_
هيكون احساسك ايه وانت رايح تشوف عروسه لاول مره؟

مش هروح اصلا صدقينى هسبب ليها وليه احراج وبعد ما هشوفها
حتى لو جميله بردو معرفتش طباعها ومعرفتش عنها اى شئ ومش هوه ده الجواز والعشره والشئ اللى انا او حتى هيه بنتمناه لشريك الحياه
3_
شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

اعتقد مش بالسن اوى يعنى يعنى للشاب ممكن 25 سنه ده سن مقبول جدا جدا للزواج
بس الاهم من السن العقل والظروف طبعا .. يعنى حتى لو سنى بقى 30 سنه مثلا وظروفى صعبه يبقى افضل احاول وغصب عنى لان ظروف الحياه الوقت الكل عارفها
وربنا يوفق الجميع يارب لكل خير ويسعد المسلمين اجمعين

اشكرك جدا على الموضوع

تقبل مرورى

**!..!** · 30-11-2009 08:09 PM

فين الناس ؟؟

..

**Wezooo**(•'.'•) · 15-06-2010 05:33 AM

اوك ياوهم يلااااااااااااااا عاوزين نشوف رايك ايه بظبط فى الموضوع ده
ونورتى التوبيك

**Wezooo**(•'.'•) · 15-06-2010 05:34 AM

شكرااااااااااااااا على رايك ويجد نورت الموضوع
يلااااااااااااااا يا جماعه عاوزين نتناقش فى الموضوع ده

معلومات الموضوع

مناقشه مفتوحه عن جواز الصالونات

الموضوع: مناقشه مفتوحه عن جواز الصالونات

أدوات الموضوع