حوار لطيف بين زوج و زوجته

**● **TiTaNiC LoVeR** ●** · 15-09-2007 04:51 PM

هو: حبيبتي أنا حأطلب بيتزا ، عايزة حاجة ؟
هي: لا يا حبيبي
هو : اوكي
هي: ولا اقولك ...؟
هو: ها ، أطلب لك كمان ؟
هي: مش عارفة
هو: مش عارفة اذا كنتي عايزة ؟
هي: لا
هو: انتي جعانة ؟
هي: يعني
هو : يعني إيه يعني...؟
هي: يعني مش متأكدة اذا كنت جعانة ولا لأ.
هو: الواحد لما بيكون جعان بيعرف
هي: لأ بس يمكن اجوع بعدين
هو: يعني اطلب لك بيتزا؟
هي: طيب واذا ما كنتش جعانة وقتها..؟
هو: ما تاكليش
هي : بس ده كدة يبقى تبذير
هو: خلاص ، تبقي تاكليها بكرة
هي: و اذا ما كانش لي نفس آكل بيتزا بكرة؟
هو: مش محتاجة نفس ، الواحد عادي ممكن ياكل بيتزا كل يوم
هي: انا لا .. أنا مش باكل بيتزا الا لما يكون عندي نفس للبيتزا
هو: طيب بلاش ، أطلب لك حاجة تانية؟
هي: بس أنا مش عايزة حاجة تانية
هو: يعني عايزة بيتزا؟
هي : لا
هو: يعني مش عايزة حاجة؟
هي: لأ برضه
هو : جننتيني ، طب أعمل إيه؟
هي: اطلب انت لنفسك
هو: الحمد لله ، اخيرا .. ماشي ...
هي : بس اطلب بيتزا بالتونة
هو: نعم ؟ انا مش بحب البيتزا التونة
هي: بس انا بحبها
هو: وانتي مالك ؟ هو انا حاطلب ليا ولا ليكي
هي: ليك طبعا
هو: طيب أطلبها ليه بأة بالتونة...؟
هي: يمكن اجوع لما يوصل الاكل
هو : وبعدين؟
هي: يا سلام ، يعني تفتكر آكل حاجة مش عاجباني؟
هو: ليه هو انتي – أصلاً - عايزة تاكلي؟
هي : ليه لأ ؟
هو: يا مثبت العقل .. هو أنا حاطلب بيتزا لي , عشان احتمال انتي
تاكليها اذا كنتي جعانة؟؟
>>هي: بالضبط
هو: وأنا بلاش آكل؟
هي: يمكن وقتها أكون مش جعانة

**Messi** · 15-09-2007 05:06 PM

ههههههههههههههههههههههههه هههه
جميل اوى يا تايتنك
تسلم ايدك يا نجم ومنتظرين المزيد

**..●●**آه...لو**●●..** · 15-09-2007 05:33 PM

هما دايما كده لا يرحموا ولا يسيبوا رحمة ربنا تنزل

**ReRe** · 15-09-2007 05:35 PM

ههههههههههههههههههههه
عثل عثل يا تايتنك

**| **Alyaa** ●** · 18-09-2007 12:02 AM

هههههههه
حلوه اوي يا تيتنك
انا بقي بحبها بالسجق
ولما تطلبها ابعتلي 4
عشان ممكن اجوع وقتها

**mano2090** · 02-10-2007 04:53 PM

هو احنا رخمين اوى كدة واحنا مش واخدين بالنا !!!
انا لو مكان زوجها كنت جبت اللى انا عايزه وماليش دعوة بيها

**Spider GirL**(•'.'•) · 03-10-2007 01:09 AM

عندها حق واحدة بتعمل حساب الظروف يمكن تجوع ويمكن لاء هى حرة
وبعدين هو فى زوج بيحب زوجته اوى كدة اية الخيال دة

**| Nadooosh ●** · 07-10-2007 03:13 PM

hhhhhhhhhhhhh
gamed gamed gamed gamed
begad gamed

**مواطن مصرى** · 07-10-2007 11:56 PM

ههههههههههههههههههههههه
ياصباح الملل
(يا سبحان الله الطيور على اشكالها تقع ) دى هتبقى عيلة فظيعة ربنا يكون فى عون عيالهم

شكرا ياتيتانك على الموضوع
خالص تقديرى

**| Za3ya ●** · 12-12-2007 11:19 PM

هي: طيب واذا ما كنتش جعانة وقتها..؟
هو: ما تاكليش
هي : بس ده كدة يبقى تبذير
هو: خلاص ، تبقي تاكليها بكرة
الزوجة خايفة على فلوس جوزها
البنات دول خراب بيوت