الولااد دول حاجة صعبة اوى

**● **MiSs. NeRmOo** ●** · 20-11-2009 11:27 PM

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي
*******
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
*******
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
*******
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
*******
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
*******
هوووووووووف

**| Mysterious man ●** · 21-11-2009 12:00 AM

فى بعض الحاجات صح
وفي حاجات مش صح

طيب انا بحب النوع دة مثلا
وان معبرتيهوش يقول عليكي مغرورة ومناخيرك في السما
دي بقا بسميها البت الجمدة يعني لكي يكون الحب شي جميل لابد ان يكون هناك بعض الصعوبات ودة جمال الحب

ومش معاكي فى الكلام دة بقا
لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة

عشان لو بيحبها مش هتفرق لبسة اية يعني حتي لو لبسة جلبية ههههههههه

طب دي
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
عندك حق فى دي بس لو بيحبها هيتمني كدة طبعا

كفاية كية بقا
شكرا يا نرمين على التوبيك الجميل