عيله جنان!!! Part1

[7oDa_elray2]

قليلها والنبى يا خالتو مش مصدقا
ديما انتى معايا يا خالتو

[ReRe]

يا خالتو قولي كلام غير ده
بابا وارنا صورة اللي انتي بتقولي عليه جوزك
مصطفي كامل مصطفي كامل يا خالتو يعني مش عارفه تستصغري شويه ولا حتي تشوفي حد الوان

[ReRe]

ممكن تجيبلي معجون سنان وانت راجع يا حوده

[Messi]

واد يا استارز بلاش لعب عيال واقعد ذاكرلك كلمتين ينفعوك
وانت يا ستى ريري ميه مره اقولك ملكيش دعوه بخالتك ايثو علشان دى مش وراها حاجه غير خراب البيوت هى وخالكم مورا
اصلهم طالعين لابوهم تايتنك وامهم عليا
عيله تشرد والعياذ بالله

[● همسة ●]

تانى يا بن الناس بتغلط فى عيلتى الكريمه
يعنى ازعل منك
مش قولنا شوية احترام علشان خاطرى

[Messi]

يا همسه هما اللى عيله لبش
والصراحه انا مش لاقى فيهم حد عيدل
ده غيرك طبعا
وبالذات اختك ايثو دى اعوذ بالله منها ربنا يكفينا شرها فظيعه فظيعه يعنى
ولا اخوكى مورا (اعوذ بالله من الشيطان الرجيم)راجل خنقه واللهى انا مستحملهم بس علشانك

وربنا يديم المعروف

[ReRe]

يا بابا ده كله علشان عمو مصطفي كامل جوز خالتو ايثو مارضيش يتوسطلك عند الحج سعد زغلول علشان تشتغل ف اجنس التوك توك بتاعه
يابابا بلاش السواد ده بقي ارحمني
انت عارف اننا اكلين شربين نايمين عند جدو وتيته دانت بتقولنا روحو استحموا هناك علشان نوفر الصابون والمايه يابابا حرااااااااااااااااااااااا ااااام عليك بقي هتقفل بابا رحمة ربنا ليه~X(~X(~X(

[ERIKA]

واد يا ميسى كده ياولد ماتسألش على اختك طول الفتره دى اخص اخص عليك انت اتعديت من عيله مراتك ولا ايه؟؟؟؟؟؟؟؟؟وبعدين مش تغلط فى ايثو كتير خف(عايزه منها وصفه الكيكه)والواد مورا بردو ارحم نفسك احنا فى رمضان وقول لعيالك يبقوا مؤدبين لما اجيلكو علشان اديهم عديه كبيره فاهم؟؟؟؟

[Messi]

اخص عليكى يا ريري يا بنتى دى اخرتها
بعد كل السنين دى تعملى فيا كده وتشردينى قدام اهل امك
بقى انا بعمل كل ده فيكم
امال مين اللى كان بيحرم نفسه من الاكل علشان تاكلوا ؟مين اللى كان بيحرم نفسه من الغطا علشان تستغطوا؟
وبعدين جدك مين الكحيان ده اللى انتوا بترحوا تاكلوا عنده
ده بيكمل عشاه نوم اذا كان هو ولا مراته الكركوبه دى
وعلى العموم انتى هتشوفى منى معامله تانيه خالص مدام انتى طلعتى كده

[● همسة ●]

يا عينى بعد كل ده وبتقول ربنا يديم المعروف
ماشى يا سيدى
طيب مفيش سحور النهارده