يا رب يا رب يا رب

**..●●**آه...لو**●●..** · 19-11-2009 04:31 AM

لا يا جدعان اللي بيحصل ده حرام بجد يعني ايه اللي حصل لده كلو ده شعب متخلف وشعب همجي وكلهم
حراااام والله يا جدعان انا لما سمعت اصوات الناس مت من الخوف عليهم يا جدعان
دول مش راحمين لا كبار ولا صغار
لا رتب ولا غيره
لا فنانين ولا عاديين
ويضربو محمد فؤاد ليه
ويعني ايه شباب الحزب الوطني مترميين في الشوارع بيموتو
يعني ايه الكلام ده كلو

يا جماعه والنبي والنبي
والنبي
امانه عليكم
تدعو من قلبكم لكل مصريين
باختلافهم
يا رب يا رب يرجعهم لنا سالمين يا رب ونلحق اللي اتصابو يا رب

**..●●**آه...لو**●●..** · 19-11-2009 04:35 AM

لاى مصرى فى السودان او لاى حد يعرف مصرى فى السودان --يا جماعه الرقم ده مع وزير الإعلام المصري انس الفقي و مفتوح لأي مواطن مصري في السودان مش قادر يوصل للمطار او محاصر في مكان معين يتصل على الرقم ده فورا وهيبلغ بمكانه بالظبط وفي خلال دقائق هيكون فيه فرقه امنيه بتنقله من مكانه للمطار يا جمااعه اللي ليه قريب او صاحب او اخ هناك يبعت الرقم ده فورا على موبايله ويقوله تتصل بيه 0121600000 -- و يرجي النشر فوراً

**| Nadooosh ●** · 19-11-2009 04:41 AM

اللهم انا نشكو اليك ضعف قوتنا وقلة حيلتنا وهواننا على الناس..انت رب المستضعفين وانت ربنا..الى من تكلنا؟؟الى بعيد يتجهمنا ام الى عدو ملكته أمرنا؟؟ان لم يكن بك علينا غضب فلا نبالي..غير ان عافيتك هي اوسع لنا..نعوذ بنور وجهك الذي اشرقت له الظلمات من ان ينزل بنا غضبك او يحل علينا سخطك...لك العتبى حتى ترضى ولا حول ولا قوة الا بك يارب احفظ المصريين ياااااااااارب من كل شر يارب ورجعهم سالمين يااااااااااااااااارب

يااااااااااااااااااااااار ب

وياريت كل الى يعمل مشاركة ياخد الاقتباس دة فى مشاركتة

**Wezooo**(•'.'•) · 19-11-2009 04:42 AM

انا مش عارف اقول ايه على الشعب ده
بس هقول ربنا يرجع كل المصريين بخير
وجارى النشر فى كل مكان يا تيفه

**MeEeGoOoO**(•'.'•) · 19-11-2009 04:50 AM

انا سمعت حلقه عمرو اديب وبجد بجد بجد

انا مش عارف ايه اللى بيحصل ده

ياترا دى بدايه حرب ولا ايه انا مش فاهم

مفيش مكالمه وصلت البرنامج غير وبتاكد ان كل الجمهور المصرى فى السودان بيموتوا ده احنا كده وبنتكلم على اللى فى السودان امال المصريين للى فى الجزائر عاملين معاهم ايه

كل ده علشان ماتش كوره وعلشان كاس عالم مايتحرقوا الاتنين فى الارض قصاد ارواح ناس ملهاش ذنب فى اللى بيحصلهم فى الجزائر دلوقتى

انا خلاص مش عارف اقولك ايه انا مخنوق خنقه زفت

يارب يرجعهم بالسلامه

**| Nadooosh ●** · 19-11-2009 05:12 AM

الحمدلله يا جماعة

اول طيارة وصلت القاهرة دلوقتى حالا وكان فيها لعيبة المنتخب
الى الحمدلله وصلوا بالسلامة

ياااااااااااارب عقبال بقية الوفود المصرية الى هناك ويرجعولنا بالسلامة يارب

**Wezooo**(•'.'•) · 19-11-2009 05:21 AM

انا مش خايف على المنتخب بصراحه
انا خايف على الناس ويااارب يرجعوا كل الناس بخير
وعاوزين نتابع الاخبار على طول علشان نطمن عليهم

**MeEeGoOoO**(•'.'•) · 19-11-2009 05:38 AM

دى عينه من واحد جزائرى "شوفوا بيقول ايه" وفى زيه هناك كتير

نزلتها ورفعتها تانى على اليوتيوب علشان كله يشوفها

اذا لم يعمل مع هذا الفيديو فانت تحتاج الى Adobe Flash Player
حمل أحدث نسخة من هنا
http://get.adobe.com/flashplayer/

**| Mannora ●** · 19-11-2009 06:58 AM

لا اله الا الله محمد رسول الله

فين العصبيه والحماس دول لما بيشوفوا

اطفال فلسطين بيموتو كل يوم

ولا اطفال المسلمين فى كل مكان

مش هاقول انهم جهله وتفكيرهم محدود

دى كوره راحت ولا جت

مش تروح ارواح ناس علشانها

تتحرق هى وكاس العالم

ربنا يرجع اخواتنا المصرين بخير يارب

وان شاء الله منصروين[-o<[-o<