واخيرا :احمد فتحى فى الاهلى

**Messi** · 10-09-2007 06:02 PM

**7oDa_elray2** · 10-09-2007 08:34 PM

احلى حاجة فيها
ان احمد فتحى
راح الاهلى خلاص
وتسلم ايديك يا نجم

**● **TiTaNiC LoVeR** ●** · 11-09-2007 05:19 AM

شكرا يا ميسى على الخبر الجميل ده

**● **همسة** ●** · 11-09-2007 08:12 PM

مبروك عليك وعلينا يا احمد يا فتحى انتقالك للاهلى
واكيد زى ما انت اضافه للاهلى الاهلى اضافه كبيره ليك

**Essoo** · 12-09-2007 01:03 AM

مبرووووك بجد خبر هايل
طبعا الاهلى ميجبش غير النجوم

**mr_gawafa** · 12-09-2007 01:53 AM

يا جماعة مبروك علي ايه
انتوا لحد دلوقتي مش فاهمين سياسة اللعب ماشية ازاي
الاهلي مقبرة اللاعبين
اول اما يلاقي لعيب كويس في مصر ياخده علي طول
ولو معرفش يسهله احتراف برة ويرجع للنادي الاهلي
تقدروا تقولولي احمد فتحي هياخد مكان مين
الاهلي مليان بلعيبته
كل اللي عمله انه سحب مننا لعيب كويس عشان لما ييجي يلعب في الدوري المصري ميلاقيش فريق عدل يلاعبه
مهو سحب من الفرق المصرية كلها نجومها
ودفنهم زي اما ادفن محمد عبدالله كده
ربنا يستر عليك يا احمد وان كانت معرفتي بيه شخصية شوية

اصله صاحب اخويا الكبير....

**Messi** · 12-09-2007 02:38 AM

ايه يا مورا مقبره الاعبين دى ؟!
يا فنان كل الحكايه ان الاهلى فريق كبير تمام وفريق بيلعب علشان يكسب بطولات مش بيعلب علشان يفضل فى الدورى او علشان يدخل البطوله الافريقيه وده اقصى اماله .
والطبيعى لما الفريق يكون كبير لازم يدور على الاعيبه السوبر وده مش فى مصر بس ده فى كل دول العالم بس هناك بيكون فى كذا فريق كبير انما هنا للاسف مفيش غير الاهلى حتى الذمالك عاد عايش على امجاد الماضى.والاعبيه اللى بيجبها حتى ولو كانت كبيره بس مبتفدش الفريق
نرجع لموضوعنا احمد فتحى كان بيعلب فى انجلترا قبل مايجى يعنى احنا مش وخدينه من الاسماعيلى يعنى كده كده مكنش موجود معاكم .يعنى انتوا مخسرتوش حاجه الاهلى هو اللى كسب
وهقولك حاجه احمد فتحى مهو كان معاك عملتوا ايه بيه؟!
وبالنسبه لموضوع محمد عبدالله مش لازم كل لعيب يجى يكون موفق عبدالله للاسف معرفش يتاقلم مع الاهلى على العكس بركات والنحاس والشاطر مستواهم زاد عن اللى كان عليه فى الاسماعيلى.............................. ........................
معلش طولت عليكم

**مواطن مصرى** · 21-09-2007 08:40 AM

شكرا ياميسى للخبر ده والتغطية الجامدة ليه

بس المشكلة دلوقتى ان يحيى الكومى رافع قضية قدلم المحاكم المدنية على احمد فتحى للحفاظ على حقوق النادى الإسماعيلى علشان فتحى ماضى تعهد مع الاسماعيلى بأنه مايلعبش فى أى نادى فى مصر الا للدراويش
وبكدة يكون فتحى أخل بالعقد ده
واللى غاظ الكومى أكتر أنه مش هيحصل على ال15% من صفقة بيع اللاعب من شيفيلد للأهلى بناء على العقد مابين الاسماعيلى وشيفلد بان الاسماعيلى يحصل على 15% فى حال بيع اللاعب لفريق أخر اذا تعدى المبلغ 700 ألف جنيه استرلينى وهو راح الاهلى زى ما انت قلت بمبلغ 675 ألف جنيه إسترليني يعنى الاسماعيلى مالهوش نسبة

وانا ما افتكرش ان احمد فتحى مش هيتأقلم مع الأهلى ولا حاجة او هيدفن زى ما انت بتقول يا مورا غير ان هو اصلا كان امنتيه من زمان انه يلعب فى الأهلى وده كان كلامه هو
مبروك يافتحى انتقالك للأهلى
وربنا يخلصك من مشكلة الكومى والمحاكم
خالص تقديرى للجميع

**Messi** · 21-09-2007 01:35 PM

شكرااااااااااااااااااا يا حوده على الرد الجامد
بس ايه رايك بقى ان الاسماعيلى مهدد بالشطب من الفيفا وده بسبب القضيه المرفوعه ضد فتحى
ليه بقى ؟علشان الاسماعيلى رافعها فى محمكه مدنيه والفيفا مانعه الكلام ده خالص وهددت الاسماعيلى لو القضيه مسحبتش من المحمكه الاسماعيلى هيكون معرض للشطب من الاتحاد الدولى وهيقضيها دورات رمضانيه