عارضات الأزياء الجميلات في كل مجلات الموضة

**| NoOoDy ●** · 15-11-2009 12:58 AM

عارضات الأزياء الجميلات في كل مجلات الموضة
كل معلوماتك عن عارضات الازياء طبعاً مصدرها مجلات الموضه …
أكيد شايفه حياتهم مرفهه ونفسك تبقي زيهم جميلة وطويلة وكمان بياخدوا فلوس كتير مقابل الوقوف قدام الكاميرا .. و كمان بيسافروا كتير وبيزوروا كل بلاد العالم .عشان كده مش غريب يكونوا المعبود الأول للمراهقات في كل مكان.

ولكن تعرفي ان حياتهم مش زي ماانتي متخيلة .. لأنهم أكيد بيدفعوا ثمن شهرتهم وجمالهم وانبهارك بيهم ؟ وبينسوا حاجات مهمة في حياة كل شخص مننا زي تكوين عائلة أو وجود أصدقاء رائعين ...لو عايزة تكوني زيهم ..مستعدة تدفعي الثمن ؟ وياتري حياتهم عاملة زي بره الأضواء ؟ وبيختلفوا عننا في إيه ؟! كل اللي بيدور في دماغك في السطور الجاية ...
تعرفي؟

إنه من العجيب أن كثير من أشهر عارضات الأزياء مش جميلات؛ لكن فقط ملائمات للتصوير.

أنجح العارضات بيعتمدوا على ثقتهم في نفسهم ومش شكلهم الخارجي .

من 30 سنة كان متوسط وزن عارضة الأزياء حوالي أقل من 8% من متوسط وزن المرأة الأمريكة. دلوقتي وزن العارضة 23% أقل من متوسط وزن المرأة الأمريكية! وعلي الرغم من كده، كشفت الدراسات انهم بيتمنوا يكونوا أنحف وانهم مش راضيين عن جسمهم .

أما وزن الرجال من عارضي الأزياء أكثر من وزن الرجل العادي بقدر كبير!
فيه دراسات كتير أثبتت أننا نتمتع بنفس الثقة، والذكاء، والإجتماعيه اللي عند عارضات الأزياء.

ممكن تكون عارضة الأزياء أقل معاناة للوحدة لأنا بتقابل ناس كتير ..مش صحيح ان عارضات الازياء بيظهروا في كل الحفلات لأنهم غير منفتحين للدرجة دي ولكن الناس هي اللي بتتلتف حولهم
كتير من عارضات الأزياء الشابات في اليابان تعمل في عالم الأعمال.

عارضة الأزياء الناجحة بجد هي المرأة اللي بتعمل توازن في حياتها وتنجح في شغلها من غير ما تأثر على حياتها وإحساسها بنفسها ، لأن إحساسنا ناحية نفسنا مش بالضرورة يكون مرتبط برأي الناس فينا وإلا بقت الحياة مش مستقرة ..ده درس لازم كلنا نتعلمه !