واجه نفسك...ثم انفع الاخرون

**sheriwolf** · 06-09-2007 08:44 PM

ماذا صنعت؟
السلام عليكم
بعد التحية لجميع الاعضاء
كتير عارفين انى تميت 20 سنه ...
منكم هيبص للرقم...ويقول 20.....يا ترى كام يوم...يا ترى كام ساعه؟!!
ومنكم اللى هيبص للرقم ..ويقول 20...ياه لسه بيبدا حياته!!!
حقيقى انا لما بصيت للرقم احتارت..
انا حاسس انى عشت كتير..
فى شايف ناس عاشوا اكتر...
على اى حال...كلنا هنموت..
وطبعا لما الواحد بيموت...اكيد هيتحاسب.
طاب واكيد لما هنتحاسب..
يا هنخش الجنه..يا هنخش النار.
والجنه...بتدخل بالاعمال الصالحه...
والنار...تدخل بالاعمال الطالحه...
والاعمال عايزه وقت...سواء كانت صالحه ام طالحه
طيب ازاى بقه واحد يعيش 5 سنين..وواحد 20..وواحد 50
وواحد 80..وواحد 100
وكلهم هيتحاسبوا نفس الحساب...مع ان ابو 100 اكيد كان عنده وقت اكبر.
الفكره دى يا جماعه استوقفتنى كتير...
اكيد فى عدل فالموضوع..
لما بصيت فالامر....فاعتقادى يعنى..
انا كل واحد فعمره بتجيلوا فرص انه يعمل اعمال صالحه..
وان الفرص دى هى اللى بتبقى متساويه ..
معتقدش المهم انك عشت اد ايه..
لكن المهم ..انت عملت ايه فكل الوقت اللى انت عشته..
انت عملت ايه؟!!
ايا كان عمرك بقه مش هتفرق...
عمرك سالت نفسك انت عملت ايه؟
مااااذا صنعت؟
لربك لدينك...لوطنك....لاهلك....لجرا� �ك...للناس...للعلم ...اضعف الايمان لنفسك

.

سؤال محرج حقيقى..
او على الاقل احرجنى انا...
انا بصيت فحياتى...لقيت اكيد حاجات ...وحياه ليها معانى بالنسبالى..
لكن مش حاجات قيمه...
معتقدش انى لو مت انهارده....هلاقى شىء
وطنى يفتكرهولى...او العلم...
طاب دينى...افدته انا بشىء...معتقدش..
يمكن هو فدنى بكتير...
بس انا لقيت نفسى يدوبك واقف على اول الحيز الضيق اوى
اللى اسمه انا عملت ايه لنفسى...؟
كل الافكار...الاحلام.....الاعمال ...لقيت كله بينحصر فالحيز الضيق ده اوى
وده اللى خلانى حقيقى اكتب الموضوع
دى دعوه يا جماعه ان كل واحد مننا يواجه نفسه..
يشوف هو عمل ايه؟...
ويا ترى لسه فالحيز ده؟؟...
يا ريت يا جماعه اشوف افكاركم..
اعمالكم اكتبوها..
يمكن عمل مفيد...يستفيد منه ناس تانيه هنا
وتبقى كده خليت حد يعمل زيك...وتبقى عديت لنطاق تانى هو انك تعمل حاجه لاخ ليك
يا ريت الكل يشارك
والكل يعلق...حتى لو كان بتعليق صغير
وانا بعتبر المووضوع ده مكان التورته اللى نتو كنتو عايزين تاكلوها فعيد الميلاد
كلوا بقه
تحياتى

**sheriwolf** · 10-09-2007 01:21 AM

ايه يا بنى ادمين
هو مفيش حد منكم عمل اعمال صالحه ولا ايه

**الطيف العاشق** · 12-09-2007 06:50 AM

مشكوووووووووور

**sheriwolf** · 13-09-2007 02:37 AM

العفوووووو يا الطيف العاشق
بس انا مش عارف مشكور على ايه
وايه يا جماعه......ماجيشن وليكوسكان ومورا وميسى دخلوا ومفيش ولا كلمه
انتو ايه معملتوش اى حاجه حلوه فحياتكم..
ا