يوميات صعيدي وبنت استايل(احمد ونور)

[الهضبــــــــــــــــــه]

اجمل حاجه في القصص عنصر التشويق بدونه فقدت القصص جمالها ومتعتها
انتي فكري نووور عملت ايه؟

[● Snow White ●]

طيب

[الهضبــــــــــــــــــه]

الحمد لله ان القصه عجبتك
وان شاء الله الباقي بكره
شكرا لمرورك

[| Bugs Bunny ●]

ههههههههههه
تحفه جدا جدا جدا
لذيذه موووووووت
اكيد نـــور ضربته بالدزمه
انا مستنيه معاهم باقى القصه

[الهضبــــــــــــــــــه]

الحمد لله انها عجبتك
استني الباقي جميل جدا
شكرا لمرورك

[Jasper]

ما تنزل يا عم بقيت القصه
عايز اشوف اخر الواد القفل ده
شكله قفل ومصدى

[الهضبــــــــــــــــــه]

بالليــــــــــــــــــــ ـــــــــــــــــــــــــ ـل ان شاء الله

[الهضبــــــــــــــــــه]

الحلقة السادسة


نور كانت زعلانة جدا لما سمعت صوت جارته واحمد مكنش داري بالدنيا ساعتها من ساعتها احمد ابتدى يروح الكلية

وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في


الدراسة لحد ما جت الامتحانات وده كان اخر يوم في الامتحانات احمد بيكلم واحد صاحبه عن الامتحانات


احمد : امتحان ممتاااااااز سهل ميا

صاحبه : ..ده انا مكتبتش حرف

احمد : ليه جلمك اتجصف ولا ايه

صاحبه : لأ يابني الامتحان مليان

احمد : بوي ..مليان ايه انت هتجنني

صاحبه : في ايه دلوقتي

احمد : انت طلعت اول مسألة كام

صاحبه: محلتهاش

احمد : والتانية

صاحبه : 100

احمد : حمار

صاحبه : يوووه

احمد : طب والرابعة

صاحبه : محلتهاش

احمد : يا حمار هما تلاتة بس

صاحبه : انت اعد ولا هتسافر البلد

احمد : لأ هسافر انا مش ليا حد هنا ولسة بيدور وشه....قربعليه الملاك نور...وبصوت رقيق

نور : يارب تكون حليت كويس

احمد : ايوة الامتحان كان ممتاز

نور : لسة زعلان مني

احمد : وهزعل منك ليه...احنا بيننا ايه

نور : مفيش عادي بسألك ..انت ليه دايما عصبي

احمد : على فكرة انا لو مجبتش امتياز هيكون بسببك

نور : ليه بس...انا السبب

احمد : فاكرة الكام محاضرة اللي اتطردت فيهم بسببك

نور : هههههه

احمد : هههه

نور : وحياة اغلى ما عندك مش تزعل مني

احمد : طمنيني عملتي ايه في الامتحان

نور : بليز يا احمد متزعلش مني اسفة بجد

احمد :وحشتيني

نور : انا ؟

احمد: وحشتيني يا امي

نور :

احمد الك اتخضيتي لما قلت وحشتيني

نور : وانا هتخض ليه

احمد : اسألي نفسك

نور : هه ظريف

احمد : امسكي نفسك شوية يا بت

نور : هههه خفيف

احمد : مش ملاحظة حاجة عليا

نور: لأ بس شايفاك مبسوط عن قبل كده الحمد لله

احمد : لأ لأ حاجة في شكلي

نور : الراجل مش بشكله

احمد : اااااااه والله....بعد ايه ...مش كان شعري متنعكش ومش بيتسرح

نور : انا مكنتش اقصد ...كنت بهزر معاك

احمد : اااااااااااااه بعد ايه بقى بعد ما جبت علبة كريم بامبرز ب 25 جنيه

نور : ه اسمه بالمرز

احمد : ايوة امسكي في التفاهات دي...يعني شعري وحش

نور : جميل

احمد : بجد

نور : جميل راتب ده ممثل ممتاز

احمد : ااه يا رخمة

احمد : انا هسافر اسبوعين وجاي تاني

نور : ليه كده خليك هنا

احمد : هستنى ليه

نور : نروح شرم الشيخ مع الجامعة

احمد : رحتها كتير كفر الشيخ

نور : شرم شرم

احمد : بتاعت البنات البلبوسة

نور : عيببببب

احمد : في ايه هو انا اللي بلبستهم

نور : خلاص بقى رد عليا عشان نروح ..اتصل بيا

احمد : ان شاء الله

نور : اوكي اشوفك على خير

احمد : كنت عايز اقولك حاجة مهمة اوووي من زمان

نور: ايه هي يا احمد قول قول

احمد : مش مسامحك على المحاضرتين اللي محضرتهمش بسببك

نور : مع السلامة يا احمد
انتهت
الحلقه السابعه





وبعد ما احمد خلص امتحانات هو ونور وقرر انه يطلع الرحلة وكان ميعاد الرحلة اتحدد



نور : هو احمد اتأخر كده ليه
ريم : انتي مالك مش على بعضك ليه
نور : وانتي مالك
ريم : مش عارفة مهتمة بواحد زي ده ازاي
نور : ملكيش دعوة بقى
ريم : صحيح عملتي ايه في العريس اللي اتقدملك
نور : رفضته طبعا..انا لسة مش عاوزة ارتبط دلوقتي



ولسة الاتوبيس هيتحرك كان احمد وصل ونور تنفست الصعداء



احمد : ايه يا جماعة انتوا كنتوا مستنيين حاجة ولا ايه
ريم : ابدا كننا مستنيين القطر
احمد : هو احنا هنسافر في الاتوبيس ولا الجطر
ريم : يااااربي
نور : ههههههههههههههههههههههههه جامدة دي يا احمد
احمد :اي خدمة يا نور ابقي تعالي كل يوم
نور : اجي فين
احمد : لا لا متاخديش في بالك



والكل ركب الاتوبيس وفجأة احمد بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه



احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه
نور : ابدا يا احمد بس الطبلة صوتها عالي اووووي
احمد : مانا عارف ان صوتها عالي...مكنتش اعرف انها هتضايقكوا كده
نور : عامة انا مش مضايقة انا مبسوطة بيها




وفجأة احمد بيطلع من شنطته زمارة كبيرة بتاعة الفرق الشعبية
وفضل يوجع دماغ الشباب كلهم بأصوات الالات الموسيقية الغبية دي
وفضل على هذا الحال لحد ما وصلوا



احمد : يا بووووي يا جدعان المنطجة هنا جامدة جوي جوي
نور : انت اول مرة تيجي هنا
احمد : لأ جيت قبل كده ايام الحرب
نور : حرب ايه يا احمد ..هو انت حضرت حروب
احمد : هو احنا هنروح امتى يا نور
نور : يعني لسة اسبوع...انت زهقت ولا ايه
احمد : لا لا خالص بس انا مجبتش اكل كفاية
نور : احمد اكل ايه بس هنا الاكل اوبين بوفيه
احمد : يعني ايه
نور : يعني تاكل اللي انت عايزه
احمد : يالهوي ياني يا جدعااااان
نور : انا هطلع اغير بقى
احمد : اوعي تجولي هتلبسي لباس البحر
نور : هههههههههههههههههه ايه يا احمد ده بس
احمد : صدجيني معرفكيش تاني
نور : انت هتنزل البسين بأيه ...معاك ماييوه
احمد : لأ انا ابويا جايبلي ترننج من السعودية هنزل بيه
نور : مينفعش يا احمد
احمد : بجولك من السعودية ..جامد جدا جدا
نور :طيب يلا نفطر بقى عشان جعانة
احمد : انتي على طول جعانة كده
نور : ههههههههههههههههه انا بحب الاكل اوي
احمد : انا اخر حاجة افكر فيها الاكل
نور : يعني مش هتفطر
احمد : في مش وخيار وعيش بلدي



نور كانت عاوزة تقوله ده عند ماما الكلام ده



احمد : كل ده اكل يا نااااااااااس ...هيخلص امتى ده بس
نور : كل على اد ما تقدر يا احمد
احمد : عليا الطلاج انا هاكل وكل لحد ما افرجع كده
نور :انا طالعة اغير ونازلة
احمد : تغيري ايه بس يا شيخة بصي على نفسك في المراية وشوفي الولية الجااامدة دي
يابووووووووووووووي انا لازم اروح اتعرف عليها دي لابسة مايوووه
جاامد جوي جوي
انتهت ..استنوا شوفوه هيعمل ايه في الحلقه الجايه

[● Alone ●]

تسلم يا كبير

[الهضبــــــــــــــــــه]

استني باقي الحلقااات يا احمد تحفه