نفسى اعرف اشمعنا ده يعنى الى بنتناقش فيه

**| Mysterious man ●** · 31-10-2009 01:28 AM

بصوا يا جماعه

انا هتكلم فى موضوع بس الاول هسألكوا شويه اسألوا ياريت تجاوبوها فى نفسكوا الاول قبل ما ترد على التوبيك

انت لو عييت بعد الشر يعنى ورحت للدكتور وقالك جيب الدوا ده

هتقوله اشمعنا الدوا ده يا دكتور ؟؟؟!!

لو انت بتعمل الشقه بتاعتك والمهندس قالك لازم تتعمل بالطريقه كذا وكذا

هتقوله طب ليه كده ؟؟؟

طب لو سبااااك جه يعملك السبااكه

هتسأله انت ليه عملت كده او ليه معلمتش كده ؟؟

لو نجار او نقاش او اى شغلانه ف البلد دى

ليها تخصص وليها حد بيعرف فيها اكتر منى ومنك

ادخل بقى فـ الموضوع

اشمعنا بقى

رجل الديـــــــن

اشمعنا هو اما حد بيقولنا ان مثلا الحاجب فريضه لسه حد بيطلع لحد دلوقتى ويقول انا مش متأكد من كده

واثبتلى وعاوز رأى جميع الائمه

يعنى مثلا واحده تتصل بالشيخ سالم على قناه الناس وتقوله افتيلى فى كذا كذا
يروح قايلها

تقوله بس الشيخ خالد الجندى قالى كذا

والله يا جماعه ردلها بنفس الكلمه دى

طالما انتى سألتيه جايه بتسألينى ليه ؟؟؟

ليه يا جماعه رجل الدين الوحيد لى مبنثقش فى كلامه

انت معجبكش كلام شيخ في ميلووووووون شيخ كلامه يعجبك

وانا اسفه انى شبههت رجل الدين بالسباك والنجار والدكتور والاعمال دى

بس كان لازم كده عشان الفكره توصل

ياريت اشوف رأيكو فـ الموضوع ده لان الواحد دماغه انفجرت

**!..!** · 31-10-2009 01:51 AM

أما حد بيقولنا ؟؟

مش أي رجل دين يتكلم ويقول أي حاجة المفروض نصدقه

إحنا نرجع للقرآن والسنة ومش هنحتاج حد يقولنا ..

واللي بيعاندوا في الدين ومش مصدقين

فدول عايزين يفصلّوا الدين على مزاجهم .

..

**● **TiTaNiC LoVeR** ●** · 31-10-2009 01:54 AM

معروف ان الحجاب فرض على كل مسلمه

وكمان لو البنت مكنتش مقتنعه بالحجاب
مليون فى الميه مكنتش هتسال شيوخ

**● **TiTaNiC LoVeR** ●** · 31-10-2009 01:59 AM

على رايك
لو بتوع الدين اتقوا ربنا قالوا الصح
هنلاقى الاختلاف فى حاجات بسيطه بس هى هتكون صح
بس بقى اللى بيحصل ده منقدرش نقول
غير ربنا يصلح حالهم

**| Bugs Bunny ●** · 31-10-2009 07:29 AM

زى ما وهم و شريف قالوا
البنت فعلا عرفه ان الحجاب فرض و هى مش عيزه تلبسه و خيفه انه يكون حرام عليها لو مش لبسته
فتكون عيزه اى تلكيكه تخليها مش تلبس
فبتدور على اى حد يقولها انه مش فرض عشان تمشى على كلامه و متحسش انها لوحدها او انها بتعمل حاجه غلط
و اول ما تسمع حد او رجل دين بيقولها نفس كلامها بتتمسك في الكلام ده
و طبعا دول مش رجال دين و لا يصلحوا لكده

طبعا الكلام مش على الحجاب بس على اى امر دينى تانى
احنا بنتلكك اننا مش نعمله فبنتمسك فى كلام اى حد
و ده طبعا غلط

شكرا يا روحيم على طرح الموضوع

**| Mysterious man ●** · 31-10-2009 09:13 AM

شكرا لمرركم

**duck_koko** · 31-10-2009 10:41 AM

وهو صح فعلا ان مش اى حد نسدقه بس اذا كنا فعلا عيزين نعمله اى حاجه والحاجه ديت فعلا غلط بس فى بعض الناس بيكونو ا بيسمعو كلام اصحبهم حته لو فى الغلط بس ده اذا كانو ا متاكدين انه فعلا علط بس ده علشان مش يزعلو صحبتهم بس مش اكتر
وشكرا على الموضوع الجامد ده