معاملة الاطفال فى المسجد

[Karmouty]

السلام عليكم

معاملة الاطفال فى المسجد عاوزة حد حكيم شوية

وطبعا كلنا عارفين ان الاطفال بتعمل دوشة وغيرة فى المسجد بس بردة مش ينفع اننا نضربهم او ننهرهم لان دة غلط

انا بن عمى مرة واحد شخط فية فى الجامع قعد اكتر من شهر بيخاف من حاجة اسمها جامع اصلا

طيب نعمل اية اعتقد لو عاملناهم كويس هيحبوا الجامع جدا

انا بن خالى كان بيستحايل علينا ناخده معانا الجامع لية بقى كان العامل اللى فى المسجد جايب شكولاتات وحاجات من دى للاطفال اللى تحاول تصلى وهى ساكتة

وبعدين احنا مش احسن من الرسول صلى الله علية وسلم اللى كان بيعامل احفادة بكل عطف فى الصلاة وفى المسجد

ثبت في الصحيحين عن أبي قتادة "أن رسول الله كان يصلي وهو حاملٌ أمامةَ بنتَ زينب بنت رسول الله وهي لأبي العاص بن الربيع؛ فإذا قام حملها، وإذا سجد وضعها"، ولمسلم "حملها على عنقه".


ولأبي داود: "بينما نحن ننتظر رسول الله في الظهر أو العصر وقد دعاه بلال إلى الصلاة؛ إذ خرج إلينا وأمامةُ بنتُ أبي العاص بنت زينب على عنقه؛ فقام رسول الله في مصلاه وقمنا خلفه وهي في مكانها الذي هي فيه، فكبَّرنا حتى إذا أراد رسول الله أن يركع أخذها فوضعها ثم ركع وسجد؛ حتى إذا فرغ من سجوده ثم قام أخذها فردَّها في مكانها، فما زال رسول الله يصنع بها ذلك في كل ركعة حتى فرغ من صلاته".


تأثير الأطفال على خط سير الصلاة في مسجد رسول الله صلى الله عليه وسلم

أورد الحاكم النيسابوري في المستدرك على الصحيحين عن عبد الله بن شداد بن الهاد عن أبيه رضي الله تعالى عنه قال: خرج علينا رسول الله- صلَّى الله عليه وسلَّم- في إحدى صلاتَي النهار (الظهر أو العصر) وهو حاملٌ الحسن أو الحسين، فتقدم فوضعه عند قدمه اليمنى، وسجد رسول الله- صلَّى الله عليه وسلَّم- سجدةً أطالها، فرفعت رأسي بين الناس، فإذا رسول الله- صلَّى الله عليه وسلَّم- ساجد، وإذا الغلام راكب ظهره، فقعدت، فسجدت، فلما انصرف رسول الله- صلَّى الله عليه وسلَّم- قال ناس: يا رسول الله، لقد سجدت في صلاتك هذه سجدةً ما كنت تسجدها، أَشَيءٌ أمرت به، أو كان يوحَى إليك؟! فقال: "كل لم يكن، ولكن ابني ارتحلني، فكرهت أن أعجله حتى يقضي حاجته".


كان الأطفال يبكون في مسجد رسول الله- صلى الله عليه وسلم- فلا ينزعج لبكائهم أو يطردهم أو يأمر الأمهات بعدم إحضار أبنائهن تجنبًا للإزعاج، أو يأمر الأم التي يبكي طفلها بمغادرة المسجد عند بكائه.. كلا لم يفعل رسولنا الرءوف الرحيم شيئًا من هذه الغلظة على الإطلاق، بل كان يراعي الصغار ويقدِّر وجودهم ويختصر الصلاة ويخففها من أجلهم.


أورد الإمام البخاري في صحيحه بابًا بعنوان: (باب من أخف الصلاة عند بكاء الصبي).. عن أنس بن مالك رضي الله عنه أن النبي- صلى الله عليه وسلم- قال: "إني لأدخل في الصلاة وأنا أريد إطالتها، فأسمع بكاء الصبي، فأتجوَّز في صلاتي، مما أعلم من شدة وجْد أمه من بكائه" (وجد أمه: أي حزنها وتألمها لبكائه، وهي شديدة الحب له).




ورد في فتح الباري، شرح صحيح البخاري، للإمام ابن حجر العسقلاني: "وأما الفتنة بالولد فورد فيه ما أخرجه أحمد وأصحاب السنن وصححه ابن خزيمة وابن حبان من حديث بريدة قال "كان رسول الله- صلى الله عليه وسلم- يخطب، فجاء الحسن والحسين عليهما قميصان أحمران يعثران؛ فنزل عن المنبر فحملها فوضعهما بين يديه، ثم قال: صدق الله ورسوله: (إِنَّمَا أَمْوَالُكُمْ وَأَوْلاَدُكُمْ فِتْنَةٌ)".



وقد أورد الإمام النسائي في كتابه (سنن النسائي) بابًا بعنوان: (باب نزول الإمام عن المنبر قبل فراغه من الخطبة وقطعه كلامه ورجوعه إليه يوم الجمعة)؛ عن عبد الله بن بريدة عن أبيه: كان النبي- صلى الله عليه وسلم- يخطب فجاء الحسن والحسين رضي الله عنهما وعليهما قميصان أحمران يعثران فيهما؛ فنزل النبي- صلى الله عليه وسلم- فقطع كلامه فحملهما ثم عاد إلى المنبر، ثم قال صدق الله (إِنَّمَا أَمْوَالُكُمْ وَأَوْلاَدُكُمْ فِتْنَةٌ) رأيت هذين يعثران في قميصهما فلم أصبر حتى قطعت كلامي فحملتهما.


تمام اوى كدة يبقى لا نلاقى اطفال مثلا جمب بعض اية المانع انك تقف وسطهم على الاقل تضمن انهم مش هيهيصوا مع بعض


اية المانع بعد الصلاة ان تبوس ايد طفل وتحسس علية بطيبة وحنية علشان يحب المسجد



ولو غلط بالراحة علية الطفل زى ما تعودة يا يتعلم بالشدة من الاول يا بالحنية



ياريت بجد نششوف كلنا اولادنا فى المساجد حتى يتعلموا الصلاة من دلوقتى

[!..!]

فعلاً مشكلة

الناس مش بتستحمل صوت الأطفال

بحجة إنهم مش بيركزوا في الصلاة

العامل اللى فى المسجد جايب شكولاتات وحاجات من دى للاطفال اللى تحاول تصلى وهى ساكتة


اللي عمله العامل ده ذكاء منه وده المفروض اللي يكون

في كل المساجد .. ربنا يجازيه خير

و بالرغم إن نبينا الحبيب عليه أفضل الصلاة والسلام

علمنا إزاي نعامل الأطفال في المساجد ..

بس للأسف الأغلب ناسين تعاليمه

ولو شوفنا أطفال غير المسلمين .. بيقدروا يحببوهم ويجذبوهم ..

بشوية لعب وحلويات !!

......

[الهضبــــــــــــــــــه]

الاطفال هم شباب المستقبل لازم نهتم بيهم ونحببهم في الصلاه

[..●●آه...لو●●..]

موضوع مهم يا محمد وخاصه ان اطفال اليوم هما شباب ورجال المستقبل ولازم نهتم ببنائهم وتفادي الاخطاء اللي احنا وقعنا فيها
ساعات بنتاخر في الصلاه والصفوف ووقت الصلاه بنفرق الاطفال عن بعضهم
يعني لو في عشره اطفال كل راجل باخد جنبو طفلين واحد عن يمينو والتاني عن شمالو
لان الفكره

كلها في تجمع الاطفال مع بعض بيقعدو يضربو في بعض ويهزرو ويضحكو

[Karmouty]

@ وهم من الممكن ان كلو واحد يجيب فى اليوم بربع جنية ملبس من الرخيص ويوزع على الاطفال ولو واحد عمل كدة اكيد الكل هيعمل

@الهضبة شكرا لمرورك

@تيفا بالظبط هو دة اللى انا بقولة وان كان وقوف الاطفال يكون من الصف الرابع وانت راجع يكون جميل مش شرط يعنى نوقفهم فى اخر صف زى بعض المساجد ما بتعمل لان دة هو اللى يساعدهم انهم يهيصوا

[| Bugs Bunny ●]

فعلا موضوع مهم جدا يا محمد
احنا عندنا هنا فى المسجد فى اطفال كتييييير و بيتفرقوا فى الصلاه و كل بنوته جنبها مامتها بيكون شكلهم عسوووول اوى و هما لبسين الاسدال الصغنون
يااااااه انا بموت فى شكلهم ده
بس بردو المسئوله عن المسجد بتزعق ليهم عشان يسكتوا لانهم ساعات بيعملو ازعاج فى المسجد
بس هما بيسمعو الكلام عادى و بيكملوا صلاه