مواجهة بين أدم وحواء

[| Silent Guardian ●]

اصل يا مصطفى بيبقى زييه زي اللي شايل N97
اما انه ابن ناس بجد لدرجة انه بيتعامل عادي
او بيبقى مش ابن ناس و غاوي فشخرة فتلاقيه مغرور
يعني من الاخر
البنات زي الموبايلات

[Jasper]

هو ده الكلام المظبوط

[Spider GirL(•'.'•)]

وبيطلع موديلات احلى وأشيك

ماتتلم يا شومان

[مااقدراكون غيرانا]

لو تسمحولى اشارك معكم بالحرب القائمة

هى فعلا بقت حرب بين ادم وحوا مش مواجهة اطلاقا

اعتقدان الهدف من التوبيك الحوار بدون تجريح فى الاخر

فالكون حوا وادم ولا توجد حياة بواحد دون الاخر

وياادم حواء خلقت منك يعنى لو انقصت منها فتنقص ذاتك!!!

وانت ياحواء خلقتى من ضلعة فلو ادم سىء فانت مثلة

فاسمحوا لى بطرح تساؤل لادم وارجو من حواء الامتناع عن التعليق

او الرد حتى يقول ادم رأية ونعرف تفكيرة ووجهة نظرة.

عزيزى ادم:

هل حواء فى نظرك ناقصة عقل ودين؟ وهى الضعف وقلة الحيلة؟

وعندما ستتزوج مستقبلا بأذن الله سيكون مبدأك اكسرلها ضلع يطلع لها عشرين؟

هل تعاملك مع حواء بحياتك انها خلقت لتربيةالاولاد والبيت ولاوجودلعقلها

او ادميتها بحياتك؟

ارجو من ادم التكرم بالرد مع العلم ان حواء هى والدتك واختك وزوجتك وابنتك

فلو رأيك تحب ان تبلغة لمن ذكرتهم فلتتفضل مشكورا بالمشاركة.

ولكم جميعا كل تقديرى واحترامى.

[| Amino2 ●]

بصى يا ماادقر اكون غير انا
سؤالك مركب وطويل بس انا هرد عليكى وهفهمك
هل حواء فى نظرك ناقصة عقل ودين؟ وهى الضعف وقلة الحيلة؟
لا طبعا بالنسبالى حواء مش ناقصه عقل ودين ولا حاجه والدليل على كده ان المراه وصلت لمكانات كبيره دلوقى فى العالم كله وكمان بقينا نشوف ستات متدينين جدا وهم الحق فى الفتوى زى الدكتوره عبله الكحلاوى وغيرها
وعندما ستتزوج مستقبلا بأذن الله سيكون مبدأك اكسرلها ضلع يطلع لها عشرين؟
لا طبعا لانى لو بحبها بجد عمرى ماهلمسها ولا امد ايدى عليها بس هى كمان المفروض متستفزنيش
هل تعاملك مع حواء بحياتك انها خلقت لتربيةالاولاد والبيت ولاوجودلعقلها

او ادميتها بحياتك؟
لا طبعا بس هى لو قدرت توفق بين العمل والبيت اكيد انا مش هعترض
انما متاخدشى حاجه على حساب حاجه
على فكره ده رد مبسط لاسئلتك انا ممكن ارغى كتير عن كده بس انا بحاول اوصلك اننا فعلا بنحترمكم بس انتو كمان متستفزوناش لدرجه اننا نتخنق منكم
شفتوا بقى ادم غليان اومسالم ازاى

[Spider GirL(•'.'•)]

كنت واثقة محدش هيعرف يظبط الموضوع دة كويس زيك يا بسمة
برافو عليكى

[..●●آه...لو●●..]

1/هل حواء فى نظرك ناقصة عقل ودين؟
وانا نظري ايه جنب القرااان يعني وكلام الرسول
اما ناقصات عقل
فمعناها ان النساء دائما ما يميلون الا النسيان وعدم التذطر للقواعد والقوانين ولا للشهاده علشان كده لما ربنا قال اللي يشهد ع عقد يبقى رجلين او رجل وامراتين عسى ان تضل فتذكر احداهما الاخرى خلصنا من دي قشطه
ناقصات دين فهما طبعا ناقصات دين
ليه بقى البنات عارفين ان في فتره من كل شهر لا يجوز صلاااه ولا صيام
طبعا فاهميين
وده تفسير ناقصات دين
واي تفسير تاني
مش مظبوط
2/ وهى الضعف وقلة الحيلة؟
الضعف مكمن قوه المراه لانها تستثير غريزه الشهامه مع الراجل ومتى ما تركتها المراه ترك الرجل شهامته
قله الحيله مين قال كده
ان كيدهن عظيم

3/وعندما ستتزوج مستقبلا بأذن الله سيكون مبدأك اكسرلها ضلع يطلع لها عشرين؟
انا مش عربجي
ولا بلعب كونغفو
ومش الضرب هو وسيله الحوار او اللي هو
العند والقهر
واشد واعنف واقصى حاجه ممكن تاثر عليها هيا الهجر او الانفصال المؤقت واهجروهن في المضاجع
انما الضرب فاقصى ضرب قال عليه الرسول هو الضرب ع ظهر الكف عارفينو بتاع الاطفال ده
بعيدا عن الدين
مش حاجه حلوه في ادم انو يعمل كده مع حد بحتمي بيه
وان عمل كدا يبقى
هو اللي غلطااان
حاجه كمان المراه في ثورتها كالنار تطفئها المياه
فاما الماء فبالكلمه الحسنه والاعتذار الرقيق
هل تعاملك مع حواء بحياتك انها خلقت لتربيةالاولاد والبيت ولاوجودلعقلها
او ادميتها بحياتك؟
المراه نصف المجتمع وتربي النصف الاخر
معتقدش ان وظيفه الام او تربيه الاولاد تلغي الادميه لا دي فرصه الى انها تظهر جمال وابداع عقلها
واذا كان ع العمل فهو ليس حرام بس من حق الزوج انو يقرر او الشغل
له ظروف واوقات معينه
قبل الولاده بعد وصول الاولاد لسن معين
كده يعني
لكن مش ابقى لسه مخلفه واجيب داده واروح الشغل
ليه يعني
.
.
شكرا ع سؤالك ما اقدر اكون غيري انا
سؤااال حلو واتمنى اني اكون رديت كويس بحياديه تامه
ويا ريت مناخدش الامور قفش او ان مفيش حل وسط
دائما وابدا
فيه حل وسط يرضي جميع الاطراف
والحب
وساده ناعمه
للزواج والاستقرار
والتنازل برضو
بس
مع الاحترام
وعدم تدخل الاخرين في شؤؤؤن الناس
بس
شكرا

[matata]

فالكون ادم و حوا ولا توجد حياة بواحد دون الاخر

كلامك صح

وياادم حواء خلقت منك يعنى لو انقصت منها فتنقص ذاتك!!!

الطبيعي ان الجينات متتنقلش كامله

وانت ياحواء خلقتى من ضلعة فلو ادم سىء فانت مثلة

لا في الحاله دي بيبقى واخد الجين ده من الانثى اللي الله اعلم جابته منين

فاسمحوا لى بطرح تساؤل لادم وارجو من حواء الامتناع عن التعليق

والله احسن برضه

او الرد حتى يقول ادم رأية ونعرف تفكيرة ووجهة نظرة.

عزيزى ادم:

نحم

هل حواء فى نظرك ناقصة عقل ودين؟

مش قوي يعني هو ناقصات عقل ودين فهمي وضحها قوي بامانه
بس برضه شوشو لما حب يخلي سيدنا ادم يعصى على امر ربه دخله عن طريق ستنا حواء فده يدل انها اقل منه دينيا وعقلانيا بس اكيد مش قوي
من اجل الامانه عشان الحساب يوم القيامه انا قابلت بنات بجد بج دينيا وعقلانيا عالييين قوي
وعلموني حاجات كتيييييييييييييير قوي وبجد ليهم فضل عليا مع انهم من نفس سني

وهى الضعف وقلة الحيلة؟

معلش اضعف ازاي يعني ده الواحد لما يحب يعمل مصلحه من واحد بيدخله من نحيه مراته يبقى اضعف واقل حيله منين
لكن لو جسمانيا فلو استخدمنا العقل هيعادل الفرق ثم للاسف مبقتنعش بانسان قوي وانسان ضعيف
لان القوي فيه اللي اقوى منه والذكاء نسب

وعندما ستتزوج مستقبلا بأذن الله سيكون مبدأك اكسرلها ضلع يطلع لها عشرين؟

لا هو كده كان اوفرلي اتجوز واحده عبده صوماليه(بدل مستورد من المريخ) انا اتجوزتها يعني كرمتنا واحده بس ممكن قبل كتب الكتاب
والله مهعمل حاجه

هل تعاملك مع حواء بحياتك انها خلقت لتربيةالاولاد والبيت ولاوجودلعقلها

على فكره الاوفر اني اتجوز فلبينيه
لا طبعا
بس برضه مش تهملنا لاي حجه تانيه لان ده حاجه اسايه ليها زي ما الاساسي ان الراجل هو اللي يدخل معظمدخل بيته وعلى قدر امكانياته يكون ملبي طلباتهم

او ادميتها بحياتك؟

مراتي هيا كل حياتي

ارجو من ادم التكرم بالرد مع العلم ان حواء هى والدتك واختك وزوجتك وابنتك

بدون تعصب حاولت اجاوب بامانه

على فكره ممكن تقولوا اني متناقض في ردي بالنسبه للسؤال ده عن اللي فات بس بجد مش عارف انا بجاوب كده ليه على فكره الكلام المكتوب عشان يثبت الرجاله مثبتنيش بس انا تخيلت نفسي متجوز انسانه بحبها

[اريج الورود]

والله الناس دول بتكلموا كلام زى الفل يعنى مصر كسبت السنغال ولا لأ ههههههههههه
حلو حلو استمروا لانى مش عارفة اشارك ازاى ربنا يوفقكم [-o<

[قلب صادق]

اسمحولى اشارك برأيى البسيط جدا

انا هتكلم عن نفسى طبعا لان كل واحد او كل ادم

وله عقلو وتفكيرو انا هتكلم عنى انا


انا بحترم حواء جدا جدا جدا فوق ما تتخيلو بجد وده شئ لازم

يكفينى انها امى واختى وبنتى وحبيبتى وزجتى يعنى حواء

هى كل حياتى ودنيتى

وكمان حواء من غيرها مفيش بيت ولا اسره ولا حياه

حواء هيه الرقه والطيبه والحنان والابتسامه الجميله

حواء هى اجمل شئ ربنا خلقو لادم علشان يساعدو

ويهون عليه اعباء الحياه ويشيل عنو حمل كبير

حواء هى اذا تعبت تشيلنى

اذا بكيت على صدرها ابكى

اذا مليت تريحنى

اذا قرت توجهنى

اذا فشلت تاخد بأيدى

اذا نجحت تقف جانبى

اذا غيبت تصونى

اذا تكلمت تسمعنى

وادم بردو لحواء كده زى ما حواء لادم صح

حواء هى الدنيا الجميله

والحياه ايضا بدون ام فى حياه حواء لاشئ

يعنى الحياه ادم وحواء .. بلاش خناق بقى يا اولاد

ونعيش ونتقى الله فى بعض انت يا ادم وانتى يا حواء

اسف للاطاله يا شباب

تقديرى واحترامى للجميع