شفت بعينى (حاجه اثرت فيا ) ادخل وقول

[| Amino2 ●]

حاجه اثرت فيا
ده موضوعنا النهارده
الفكره شبيهه لفكره برنامج سمعته

المهم انا بقى عاوز كل حد منكم دخل شاف الموضوع ده يقول

شاف ايه اثر فيه سواء فى (الشارع *الجامعه*المدرسه......الخ...)
يعنى مثلا شاف موقف ايجابى فيحكيه
او شاف موقف سلبى برده يحكيه
والكلام ده بقى
ومحدش يقولى مش فاهم قصدك ايه
انا قصدى ان كل واحد بيمر عليه مواقف كتير كل يوم
عاوزه يحكيلى موقف منهم اثر فيه
وانا اللى هبدا
ومستنيكوا بعدى

[| Amino2 ●]

انا كنت ماشى فى الشارع
وشفت شباب بيعاكسوا بنات بطريقه وحشه اوى
وعسكرى المرور واقف يضحك ويتفرج
ومعملشى اى حاجه
دى اثرت فيا ان انا اقتنعت ان كل العساكر معندهومش شهامه
وممكن يسيبوا البلد تضيع

[| لولا ●]

فى مرة كنت فى المواصلات وفى ست عجوزة طلعت الاتوبيس المشكلة ان كل اللى قاعدين شباب وبنات ومحدش هان عليه يقوم للست العجوزة والله انا قومت وقعدتها وكلهم قاعدين ومحدش قام من مكانه
وشكرا امينو للتوبيك

[MeEeGoOoO(•'.'•)]

مش عارف دماغى فجاه اتعملها فورمات

اول ما افتكر اى موقف هدخل على طول

ثانكس امينو

[الهضبــــــــــــــــــه]

الحياه كلها مواقف مؤثره

[..●●آه...لو●●..]

كنت ماشي مع اختي الصغيره اول امبارح في الشارع وانا ماشي معاها رمت منديل في الارض
مشينا خطوتين قمت واقف ومسكتها من ايدها
ورجعنا وقلتلها شيلي المنديل من عالارض قدام الناس فزعلت مني ودخلنا البيت رمتو عاارض
قلتلها في بيتنا ماشي لكن في مصر لا
مصر هيا الشوارع والكنائس والمساجد والمدارس والمتاحف والحدائقوالكليات والمعاهد هي كل ملكيه عامه ملموسه او محسوسه هي الجو وهي الميه هي الهوا والشمس هي الزرع وهي المصانع
لو بجد كل واحد بدا من نفسو هنعمل حاجه
شكرا ليك عالموضوع
يا امينو 2
تسلم

[| Amino2 ●]

شكرا لكل اللى مروا على الموضوع ومستنين الكتير لسه

[جوليت]

المواقف كتير قوى
بس انا فاكرة ان فى يوم حد قريب منى جبلى حاجة كنت محتجاها من غير ما اطلبه منه وبعدين بعد فترة انا كمان جبتله حاجة برضة من غير ما يطلبها منى والله ما كنت فاكرة اللى عملة عادى يعنى صحاب وبخدموا بعض وبعدين هى فكرتى بالموضوع دا فقولتلها الحاجة الحلوة بتترد وكمان الحاجة الوحشة

كما تدين تدان

[| Amino ●]

شوفت بعينى

الموووووووووووووووووووووو ووووت

ان العربية اللى كنت راكبها وانا راجع من الاكاديمية كانت هتتقلب بينا فى ترعة الاسماعيليه عند مصنع ابوزعبل بالظبط الحتة الشؤم دى بيحصل فيها حوادث كتير ربنا يستر اللى كان نايم صحى واللى صاحى ويسب ويلعن فى السواق الغبى .
سواق غبى فى دوران سريع وجنبه عربية تريلة طويله وعاوز يلف من جنبها وهى بتلف بسرعة بس بصراعة الحمد لله العربية كانت هتتقلب بينا فعلا #:-S
اياك نتعظ فعلا العمر لحظة

[| Amino2 ●]

طب الحمدلله على سلامتك ياامينو ياكبير
كنت عاوز تموت وتسيبنى لوحدى فى المنتدى لمين