بيقولوا مفيش حب ومفيش قصة حب بتنجح ؟

**| Amino2 ●** · 22-10-2009 11:46 PM

بيقولوا مفيش حب ومفيش قصة حب بتنجح

انا بقى مختلف معاهم فى الكلام ده لانه غلط

لان فى قصص كتير نجحت انا اعرفها

رايكوا ايه فى الكلام ده ؟؟؟؟؟؟؟؟؟؟؟؟؟

**| سندباد ●** · 23-10-2009 01:11 AM

انا رأيى ان فيه حب فعلا

وفيه قصص حب ناجحة وتانية بتفشل على حسب حاجات كتير

-------------------------
بس انته انسى الحكايات دى ومتشغلش بالك

وقتها بتلاقى نفسك روحتلها وخلاص يعنى

**جوليت** · 23-10-2009 01:43 AM

فى حب بس قليل قصص الحب اللى بتنجح وبتكمل

**Beauty** · 23-10-2009 01:44 AM

فى قصص حب ناجحه جدا كمان ومستمره
بس كل حكايه وليها ظروفها يا بتخليها تنجح يا تفشل
المهم احنا لو عاوزنها تستمر برغم كل الظروف حتستمر

**المصرية** · 23-10-2009 01:51 AM

مفيش قصص بتنجح
لان اساس ان البنت تكلم ولد بيتبنى على فشل وقلة دين
وربنا مبيباركش بعد كدة فى الجواز
والمشاكل بتزيد
ومفيش داعى اننا نكابر....

**| Tears Of The Moon ●** · 23-10-2009 04:42 AM

تقريبا كلامك غلط بنسبة بسيطة
بنسبة 100% قابلة للزيادة
الحب موجود
وكان الرسول نفسه بيحب السيدة خديــة حبا شديدا
اللى المفروض انها أكبــر منه بحوالى 15 سنــة
وهى كمان بتحبه جدا
متخيلااها؟؟
وكتير جدا
بيحبوا بعض وبيتجوزوا

وفى اللى قصة حبهم فاشلــة
لأنهم بيبقــوا عارفين ومتأكدين انها مش هتنجح
بس بيقولوا هنسيبها بظروفها
ومكان ما الدنيا تودينا تودينا
وهما عارفين انها مش هتستمر~X(

الا اذا حصل خيانة من حد من الاتنين

الحب أحلى حاجة
بس لو يمشى صح وكويس
ولا يدخله كدب
ولا خيانةX(

ويكون معقول:X

شكرا يا ابو أمين

**| Mannora ●** · 23-10-2009 08:34 AM

لا لا الحب موجود

واحلى حاجه لما تلاقى الانسان اللى يستاهلك

وانا مش معاكى يا مصريه ان الحب حرام

اهم حاجه النيه انهم بيحبو بعض ومقضينها تسليه

ولا بيحبو بعض وناوين على جواز وانهم يكونو

مع بعض للابد... واظن دى فى حلال ربنا

وكمان انا اعرف قصص حب كتير اووووووووووى

ناجحه جدا واتجوزو وخلفو كمان

وصعوبات كتير واجهتهم

بس لان الطرفين بيحبو بعض اوووووى

عملو كل اللى يقدرو عليه واستحملو اى

حاجه فى سبيل حبهم

علشان كده تلاقى الحب متين ومهما مرت عليه امور بيفضل حب جامد وقوى

**Karmouty** · 23-10-2009 09:11 AM

قصة الحب اللى تستمر اكتر من شهرين خارج نطاق الاسرتين حتى لو معرفة سورية معتقدشى هتستمر

والصراحة انا حتى هذة اللحظة مشفتش قصة حب ناجحة ابدا

**المصرية** · 23-10-2009 11:47 AM

ماشاء الله كلكوا هاجمتوا عليا كدة

الحب مش حرام ازاى يامانورة
هاتيلى اية فى القران بتقول ان الاولاد يمشوا مع البنات بحجة الحب
حبوا من بعيد لبعيد وبعد كدة جواز
مش حب 7 8 سنين وعايزين كمان جواز
فى اى شرع ده

وبعدين ياحمد الرسول كان بيحب السيدة خديجة لانها مراته..!
انا ماقولتش انه حرام ..هو حرام فى حالة انه يكون فى الحرام
لكن فى الجواز حلال جداااا

وبعدين قولنا بلاش نكابر خصوصا ان احنا عارفين كويس اووى الفلط فين والصح فين

**المصرية** · 23-10-2009 11:57 AM

فى بتستمر والله بس بعد كدة المشاكل بتهل
او مش بتستمر وبيتفضحوا او الاهل يعرفوا
والمشاكل برضو هاتهل

معلومات الموضوع

بيقولوا مفيش حب ومفيش قصة حب بتنجح ؟

الموضوع: بيقولوا مفيش حب ومفيش قصة حب بتنجح ؟

أدوات الموضوع