من غير دبلوماسيه:هل ترضى ان يصارحك احد بعيوبك؟

[ReRe]

اكيد احب ان اللي قدامي يقولي عيوبي خاصة اصحابي وانا عن نفسي ديما بقول لصحبتي الانتيم ايه فيا غلط علشان اصلحه وهي من نفسها لما بتشوف حاجه بتقول وانا الحمد لله بستجيب لاي نقد بس لما يكون فعلا نقد بناء مش حد يجي يقولي انتي وانتي وانتي يبقي كده هكره نفسي مش هصلحها
خاصة ان فيا عيب اني لما حد بياخد عني فكره مابعرفش اصلحها لا بعد غلبه
اما بقي عن الاسلوب فده اهم حاجه وللاسف انا اتعرضت لموقف ذي ده السنه اللي فاتت واحده صاحبتي قالتلي كده باللفظ...
بصي يا ...... انتي طيبه جدا بس فيك حاجه انك صريحه لدرجة الوقاحه
وبتحبي تحرجي القدامك
واللي ما يعرفكيش يقول عليكي انسانه جمده ((فظه)) يعني
تخيل انت بقي لما حد يقولك كده انا بقيت زي اللي اتدلق عليها مايه ساقعه وكانت معانا واحده صاحبتنا تالته نفسها اندهشت من اللي التانيه قالته بس هعمل ايه هي شايفه كده وانا بحترم رايها

[ReRe]

فاتمني ان اي حد حابب ينتقد حد يختار اسلوب رقيق ومهذب و ياريت تيجي بهزار او بطريقه خفيفه مش مدفع رشاش وتتفتح فيه

[*star_alone*]

اكيد هرضى حد يصارحنى بعيوبى بس اكون متأكده انه عاوز مصلحتى وعاوزنى اكون احسن يعنى محسش انه مثلا بيستهزأبيا وطبعا هقبل اى نقد من اصدقائى اللى بثق فيهم

وانا عن نفسى ديما بحاول اشوف عيوبى بنفسى واحاول اصلحها وابعد عن اى شىء احس انه بيضايق غيرى منى

لكن بالنسبه انى اصارح حد بعيوبه فده بيحصل بس بختار الطريقه والاسلوب اللى يناسب الشخص اللى بتعامل معاه عشان مش احرجه او اجرح مشاعره واخليه يحس انى فعلا عاوزاه يكون افضل

اعتقد رديت من غير دبلوماسيه وانا شايفه ان الصراحه فى كل شىء احسن وافضل من النفاق والمجامله

[● همسة ●]

انا اشهد واقر بذلك يا انتيمتى العزيزه
اولا الموضوع تحفه يا MESSI
ثانيا انا بحب اسمع النقد لكن اكيد زى اى حد بتضايق ولكن مش من النقض
بتضايق انى سمحت لنفسى اسيب حد ينتقضنى لانى محاولتش ادور على عيوبى بنفسى واصلحها ومستناش الناس تزهق منى وتيجى تواجهنى
بس بصبر نفسى واقول كل ابن ادم خطاء وخير الخطائين التوابين
وبتفق مع الناس كلها فى ان الطريقه اللى بيتقالك بيها الكلام والشخص اللى بيقولوا شىء مهم جدا

[Messi]

شكراااااااااااااااااااااا ليكى يا ريرى على ردك واهتمامك بالموضوع
شكرااااااااااااااااااااا ليكى يا استار الون نورتى الموضوع
شكرااااااااااااااااااا يا همسه على الرد والاهتمام بالموضوع
ويارب يا جماعه اقدر اجيب مواضيع تفيدكم وتعجبكم