العيب عيب مين ؟

[Sympathique]

وبسأل نفسي العيب عيب مين ؟
في ظل جيل الموضة بجد أن مجتمعنا يسعى لمواكبة التطور
فإذا نظرنا لموضة الملابس نجد أنفسنا إزاء تحديث مستمر
فكل يوم موضه جديده واستايل جديد للملابس
فالحديث اليوم يصبح "موضة قديمه" غدا
ومن هذه النقطة ساتطرق لموضوعى
كل يوم حاجة بتحصل وحدث جيد سواء كان ايجابى ام سلبى
وبيكون له رد فعله كمان ان كان ايجابى الناس بتحمده وبتشجعه
واسف فى اللفظ وان كان حدث ليس له معنى او قيمة نرى معظم الناس
معجبة بهذا الحدث وفخورة بيه وهو لايساوى شئ
وان كان الحدث سلبى ( اى غير مفيد) نرى قلة قليلة هى اللى بتعترض وهى اللى بتقول رايها معبرة عن سوء هذا الحدث
فى مقابل هذا يكون هناك اناس متخصصون ليكونوا هم الساتر لهذه الاحداث المشينة
حتى تختفى فى اسرع وقت ويقوموا بشغل الناس مرة اخرى
حاسس انى كلامى مبهم للان اوضح شوية
حدث ايجابى: حاجة كويسة فى البلد حصلت من اى جهة كانت
حدث ليس له قيمة: للاسف نرى معظم البلد واختص الشباب منهمكين فيها ايا كانت (تقليد الغير وان كان للاسوأ) وبدون تفكير بالاضافة الى اشياء اخرى يتطرق لها الشباب ويبعد كل البعد عن مواجهة الحياة او بمعنى اصح يقول وانا مالى فيه ناس غيرى بتتكلم.
حدث سلبى: وهو حدث سئ حصل فى البلد ايا كان نلاقى قلة قليلة فقط هما اللى بيتكلموا فى مقابل ذلك يكون هناك ترتيبات من جهات اخرى لتغطية هذا الحدث المشين واشغال الشباب امل الامة بشئ اخر تافه ينهمكوا فيه ويتغاضوا عن الموضوع الاساسى
ده طبعا مجرد ريح خفيفة فى بحر اعاصير كلنا عايشين فيه ومش واخدين بالنا من اللى بيحصل الا من رحم ربى.
اتمنى انى اكون قدرت اوصل لكم الفكرة والهدف المنشود
وارجو منكم التعبير برايكم وليس مجاملة للموضوع
عاوز اعرف راى الشباب وراى الرجال وراى كل من يشعر بانه له حق فى هذه العيشة.

[Jasper]

للاسف نرى معظم البلد واختص الشباب منهمكين فيها ايا كانت (تقليد الغير وان كان للاسوأ) وبدون تفكير بالاضافة الى اشياء اخرى
ده بسبب ان الشباب بقى تافه بيعمل اى حاجه علشان يلفت بيها الانظار
ويبعد كل البعد عن مواجهة الحياة او بمعنى اصح يقول وانا مالى فيه ناس غيرى بتتكلم
ده بقى بسبب انه اصلا لو اتكلم مفيش حد بيسمعه وهتحصله مشاكل فيقول انا اجيب لنفسى ليه القرف


والموضوع بصراحه جميل وعاجبنى جدا

[Sympathique]

شكرا على المرور ولكن لى تعليق على كلامك فى وقت اخر

[Spider GirL(•'.'•)]

موضوعك مميز جدا طبعا

فعلا المعظم بقا بيقلد وخلاص حتى لو للأسؤ وف الغالب التقليد بيكون للأسئ للأسف

ومفيش حد بيتكلم واللى بيتكلم مكن مايكونش فاهم وكمان ممكن بكلامه يكون ليه اغراض تانية مش مجرد الدفاع عن فكرة

[| Tears Of The Moon ●]

كلامك مظبوط طبعا
وواقعى جدا
والظاهرة دى فعلا بتحصل كتير
تلاقى شباب كتيرة ماشية على الموضة
حتى ولو كانت تقرف
مش أى موضة بتطلع تنفع انى البسها
او تليق عليا
تسقيط بناطيل
بناطيل ضيقة لحد تحت
حاجات تقرف
مش اى موضة الواحد يلبسها
او فى حل احسن بكتير
ممكن تكون الموضة تنزل محترمة وشيك كدا
مش تقرف
شكرا