11 درس مش هتتعلمهم الا بعد.....

**| please smile ●** · 16-10-2009 12:34 PM

القاعدة الاولى
ان الحياة مش دايما بتكون عادلة ولازم نتعود على كده.

القاعدة الثانية
لن يهتم العالم لأمرك ولن يتقبل انجازك لأي شئ ان لم تكن تشعر بالقبول والتقدير لذاتك أولا.

القاعدة الثالثة
لن تتقاضى اجر يساوي 60الف دولار في السنة بمجرد انتهاءك من الدراسة ولن تكون نائب للرئيس وتملك سيارة بتليفون حتى تجتهد وتتعب كثيرا فسوف تحتاج لسنوات عديدة لتصل لذلك.

القاعدة الرابعة
لو كنت تعتقد ان دكتورك بالكلية صعب التعامل معه انتظر حتى ترى رئيسك في العمل.

القاعدة الخامسة
العمل بالوظائف الدنيا مثل بيع البرجر والحاجات دى مش بيقلل من كرامتك ، اجدادك كانوا بيسموها فرصة.

القاعدة السادسة
لو غلطت مرة وانت صغير ، اعرف ان دي مش غلطة اهلك ، متعلقش اخطائك على شماعة غيرك واتعلم منها.

القاعدة السابعة
قبل ما تتولد أبوك وامك مكانوش مملين زي دلوقتي، هما بقوا مملين لانهم مضطرين يدفعوا فواتيرك وينضفوا لبسك ويسمعوا مدحك لنفسك فقبل ما تحاول تحمي العالم من شرور الاجيال السابقة جرب تنضف أوضتك الاول.

القاعدة الثامنة
في الكلية مفيش كسبان وخسران لكن في الحياة فيه طبعا، في الكلية بيدوك فرص كتيرة عشان تنجح وتجاوب الاجابة الصح لكن ده لا يمت بصلة باختبارات الحياة الحقيقية.

القاعدة التاسعة
الحياة مش مقسومة سكاشن وجروبات وبعد التخرج عمرك ما هتاخد اجازة صيف،ومحدش من رؤسائك هيكون مهتم انك تلاقي نفسك وتحدد هدفك، لازم تعمل ده بنفسك في وقتك الخاص بعيدا عن وقت الشغل.

القاعدة العاشرة
التليفزيون مش شبه الحياة ، في الحياة الحقيقية الناس لازم يسيبوا الكوفي شوب ويروحوا الشغل.

القاعدة الحادية عشر
خليك لطيف مع الطلاب المتميزين فى الكلية ، لان ممكن جدا ينتهي بيك الأمر بتشتغل عند واحد منهم

انا عارف انكوا ممكن تقولوا اية اللى انا كتبه دة بس
دة هو الواقع