ما هي العلاقة بين المشرفين والأعضاء ؟؟؟

**● **TiTaNiC LoVeR** ●** · 15-10-2009 07:50 PM

طبعا انتوا مش هتفهموا ولا كلمه من اللى مكتوب خالص
لانى انا اساسا مش فاهم حاجه
انا عشان انا بقالى ساعه بكتبه

ما هي العلاقة بين المشرفين والأعضاء
المشرف هو عضو يشرف على قسم وبيكون ليه خصوصيات مش بيملكها العضو العادي.
والعضو هو مشارك عادي لا يملك أي خصوصية إلا تعديل موضوعه

عشان كل واحد يعرف دوره وايه اللى له واللى عليه في هذا المنتدى

ما معنى الإشراف؟

جواب بسيط فى تلات كلمات بس " تكليف لا تشريف "
فقيام الإدارة بتعيين عضو مشرفا لا يعني اختلاف
الاختيار بيتم على أساس الأفضلية في الاستعداد لإدارة قسم ما في المنتدى
لان المشرف بطبيعة حالهمش افضل من بين باقي الأعضاء

العواطف ومهمة المشرف الأساسية

إن قيام المشرف بأداء واجبه الإنساني شيء مشرف
بس لو العواطف ادخلت في العمل فده كده بيبوظ كل شيء
وكده بتحس ان المشرف ماسك عصايه وبيضرب اللى على مزاجه
وكده هتحصل مشاكل بين الاعضاء ونخش فى مواجهات واختلافات
وكده كل واحد هيحب للى على مزاجه ويكره اللى على مزاجه
فعشان كده المشرفين لازم يعرفوا أن أداء المهمة شيء والعواطف شيء آخر
وبكده الاعضاء هيحبوه عشان بيعاملهم بالحق

تعارض الموضوع مع رأي المشرف

فى بعض المشرفين
اذا شاف الموضوع وهو معارض رايه

يعنى على سبيل المثال واحد من المشرفين عدل ردود الأعضاء
لان ردودهم مش موافقه رأيه الشخصي
ده كده يعتبر خطاء من المشرف

فلما العضو بيحط موضوع المشرف بقى بيرتب فى دماغه

هل هذا الموضوع خالف احد قوانين المنتدى ؟
لو خالف يا اما يعدل أو يحذف
اما بقى لو خالف رايه الشخصى ( هنا بقى مش من حقه له أن يعدل الموضوع أو يحذفه)
عشان كل واحد ليه رايه الشخصى( عشان كلنا مش بعقل واحد ولا بتفكير واحد )
كما أن مستوانا التعليمي ونفسيتنا مختلفة
كل واحد حر برأيه

ما معنى حرية التعبير ؟

فى بعض الناس مش فاهمهاها
طبعا كل واحد ليه حريته الشخصية لها حدود يجب ألا تتخطاها إلى ابعد حد
إن بعض الأعضاء بيجرح مشاعر أعضاء أو مشرفين دى مش تعتبر حرية التعبير
دى بتعتبر إهدار كرامة لقدر العضو
إن بعض المشرفين بيسكوتوا عن الحركات دى كده يعتبر انه مش فاهم معناها

ولكن لابد أن نتعامل على أننا أخوة مش فريقين لكرة القدم
وعلى الأعضاء أن يقدروا جهد المشرفين وعملهم المشكور
كما أن على المشرفين أن يتعرفوا على انجح الطرق للتعامل مع الأعضاء
فقد يكون المشرف هو السبب في ابتعاد الأعضاء عن المنتدى بأسلوبه الجاف
وقد يكون المشرف هو السبب في اكتشاف مواهب وعبقريات جديدة

**Jasper** · 15-10-2009 10:15 PM

إن قيام المشرف بأداء واجبه الإنساني شيء مشرف
بس لو العواطف ادخلت في العمل فده كده بيبوظ كل شيء
وكده بتحس ان المشرف ماسك عصايه وبيضرب اللى على مزاجه
وكده هتحصل مشاكل بين الاعضاء ونخش فى مواجهات واختلافات
وكده كل واحد هيحب للى على مزاجه ويكره اللى على مزاجه
فعشان كده المشرفين لازم يعرفوا أن أداء المهمة شيء والعواطف شيء آخر
وبكده الاعضاء هيحبوه عشان بيعاملهم بالحق

ياريت ميبقاش فى عواطف زى ما انت بتقول واحنا هيتصلح حالنا

**● **TiTaNiC LoVeR** ●** · 16-10-2009 02:34 AM

ولا عواطف ولا بتنجان
احنا مش عايزين نمثل فيلم
( حبيبى دائما )

**Wezooo**(•'.'•) · 16-10-2009 02:42 AM

الموضوع جميل جدا
يعنى الراجل ده بيقول كلام زى الفل
ومن الاخر لازم فعلا كل عضو يفهم دوره فى المنتدى
ويفهم يعنى ايه حريت التعبير
وطعبا العضوه ده ممكن يكون مشرف فى يوم من الايام يبقى
لازم كل مشرف يبقى فاهم ايه واجبه اتجاه عمله الفكره مش سلطه
الفكره فى انه يكون منظم وعارف هوا بيعمل ايه