المواااجهة...كيف تفوق علينا الكفرة...واصبحوا اسياد العالم

**sheriwolf** · 01-09-2007 08:12 PM

كيف تفوق علينا الكفره واصبحوا اسياد العالم؟!!
دعونا فالبداية نقر بان الحقيقة الان هى ان اسياد العالم هم الكفرة..من منا يخالفنى الراى فى ذلك؟
من منا يستطيع ان يقول اننا الافضل؟!!
الحقيقه اننا نرى تفوقهم وتخلفنا فى كل المجالات
اقتصاديا-استراتيجيا-علميا-ثقافيا-رياضيا-فنيا--الى اخره من مجالات
والادهى والامر...ان من ينظر بعين الدقة...يجد انهم ايضا تفوقوا علينا اخلاقيا.
كيف؟...ايكون للكفره اخلاق اسمى من اخلاق العرب..وخاصه اخلاق المسلمين؟!!
عزيزى قبل ان تكمل الموضوع...عيلك ان تكون اولا اقتنعت بانهم فعلا الافضل..
لان من المستحيل ان تعالج مشكله ما...الا وان ايقنت بوجودها.
والان...
كيف تفوق علينا الكفره واصبحوا اسياد العالم؟!!
من منكم يسال نفسه هذا السؤال مرارا ولا يجد اجابة؟!!
من منكم من يسال نفسه هذا السؤال مرارا...ويهرب من الاجابه؟!!
من منكم من اغمض عينيه عن الواقع...واقنع نفسه بانها ما الا تهيؤات..او وضع راهن سيزول قريبا...حتى وان كان القرب لا يرى.

انى مثلكم...فكررت مرارا ومرارا...الى ان وصلت الى تحليل من وجهه نظرى...ولكنى وجدت ان الموضوع اكبر من ذلك بكتير...اعتقد بانه موضوع يحتاج النقاش...ويحتاج كل منا الى ان يرى راى الاخر..ويرى ما يخالفه...لكى يوسع من افاق بحثه ورؤيته.
وهذا ما جعلنى اكتب هذا الموضوع...واضعه بين ايديكم ..تحت نطاق النقاش ..والاعتراض...والبحث...
فقط كل ما تراه اكتبه...باسلوب قوى كان او اسلوب عامى...
اريد كل منكم ان يرينا عقله...عن طريق ان يكتب افكاره.
والان سأبدا انا..وهذا هو راىى..
منذ الصغر وكل منا تربى على ان الاسلام هو دين الاخلاق..دين السماحه..
دين النصر.
المسلم هو الافضل...الى غير ذلك من مميزات للمسلم..وكيف تكون المعزه فالاسلام..والمزله فى غيره.
الى ان تنضج بشكل كافى لكى تتعامل مع الحياه..وترى الواقع..
فترى بعينك ان العكس ما يحدث...العزه للغرب..والمزله للمسلمين..
ظللت حائرا مده..اتخبط بالكثير من الاراء..الى انا رجعت للموضوع من بدايته...
ما تربنا عليه..يستحيل ان يكون كلام خاطىء...هذا كلام الله فى جميع كتبه السماوية...فكيف يكون خطا...ان ايقنت ان الكلام صحيح تماما..اذن فالعيب يكمن فى شىء اخر...
بالتاكيد فى المسلمين نفسهم..
يعلم الجميع ان المسلمون فى عهد الرسول والصحابه ..كانو الافضل..وكانوا الاقوى..وكانوا وكانوا..وكانوا..
اذن هناك شىء حدث..ادى الى هذه الفجوه الكبيرة ..ما بين حال المسلمين فى عهد الصحابه...وحال المسلمين فى العهد الحالى.
وارى من وجهه نظرى ان هذا الخطا...هى ثغره وقع فيها الجميع..تسمى التطور والتواكب مع الحياة.
فى احد العهود وهو العهد العباسى...بدا العالم كله ينهض نهضه كبيره فى العلم..وفى الثقافه...والحضاره بشكل عام..فى ظل نوم عميق للمسلمين..الذين تفرغوا للضياع والترف والسفه الى درجات قاتله..
وبعد 100 عام تقريبا....استيقظ العرب دفعه واحده..
ما هذا ..ماذا يحدث..ما هذا التقدم الرهيب من حولنا؟!!
وللاسف لم يكن نومهم هى الغلطه الاشنع التى فعلوها..وانما قادهم الجهل وعدم الدرايه الى غلطه اقوى..ما نحن عليه الان هو اثرها.
اراد العرب حينها ان يواكبوا ما حدث..وان يستعيدوا امجادهم
ولكن كحال العرب دائما..بدون اى تخطيط سليم..
لقد حاولوا التقدم دون التخلص من سلبيات التأخر التى تمتلكهم..دون التخلص من اى شىء يعوق هذا التقدم.
فاصبح العرب يخطون كالطفل..فى حين الغرب يركضون جوارهم
وظل الوضع كذلك الى يومنا الحالى..مع تضخم الفارق الرهيب بين المستويين.
وقعنا نحن غرقى فى بحر ما بين شطين..احدهم هو العلمانيه والتقدم...وهو الشط الذى لم ندركه ابدا..
لان ببساطه ما زالت بداخلنا النوازع الدينيه والاخلاقيه..التى لا تسمح لنا بالعالمانيه اطلاقا...والحمد لله ما زلنا نحمل اسم المسلمين.
والاخر هو شط التدين البحت..دون النظر للتقدم..وهذا هو الشط الزى تركناه...املين فى ان نصل الى ما بين الحلين..وهو تقدم اسلامى.
ولكن ليت كل ما يراد ينال..فمن اراد شىء صعبا..عليه ان يبذل الجهد الوافر لكى يناله.
ليس بالكسل والتخاذل المعرووف عن العرب كنا نستطيع ان نصل الى ما اردناه...
فرمى بنا جهلنا وتخلفنا وضعف عزيمتنا..الى ما نحن عليه الان..
غرقى بين شطين..
الكثير منا يؤثر عليه التيار الدينى البحت تارة متمثلا فالشيوخ الذين لا يستطيعون حتى اليوم ان يروا ما وصل اليه العالم من خارجهم.
ويؤثر عليه التيار العلمى الملوث بالافكار العلمانيه تاره..متمثلا فيما يراه من تقدم هائل فى يد الاخر...مما يجعله حزين على وضعه..ويعطيه الحق فى ان يطالب بمثله.
لقد سقطنا ببساطه فى بحر عميق..بين شطين..احدهم لا نستطيع ان ندركه..والاخر لا نستطيع ان نعود اليه؟...
هذا كان راىى فى السؤال..
لما تفوق علينا الكفره واصبحوا اسياد العالم؟..
ارجو من الجميع المشاركه..والاختلاف..والجدل ...من اجل المزيد من التفكير الاعمق.
وبعد ذلك...سوف اسال سؤال اخر بنص..
ما هى الحلول من اجل استعاده الرياده؟..
ولكن فليقوم اولا كل منكم بالرد على السؤال الاول..
كيف تفوق علينا الكفره..واسبحوا اسياد العالم؟!!
لكم كل شكرى..وفى انتظار ارائكم

**ERIKA** · 01-09-2007 08:34 PM

موضوع كتير حلو يا باشمهندس شريف...وافتكر السبب اننا فاهمين الدين غلط او بتعامل معاه بجهل شويه لإن دينا مش بيقول نبقى منغلقين ولا دينا اللى بيأخرنا بالعكس جهلنا هو اللى بيأخرنا زى مثلا اللى تلاقيهم ملبسين اطفالهم اللى عندهم4سنين حجاب ويقولك ده تدين لا ياجماعه ده مش تتدين ولا ليه اى علاقه بالدين وانا ببص للأسلام على انه منهج حياه اكتر منه عقيده لإنى مقتنعه جدا ان كل عقيده فى اصلها بتدعو للتوحيد بالله سبحانه وتعالى سواء ميسيحيه او يهوديه بس الديانات بتختلف فى اسلوب حياه المعتنقين ليه فاحنا لو بصينا للدين على انه منهج حياه صدقنى هنستفيد بيه اكتر...بس

**sheriwolf** · 01-09-2007 09:10 PM

كلامك كتير جميل يا اريكا...
وفعلا الاسلام نفسه مش ضد التقدم او التطور...وانما افكار المسلمين نفسها هى اللى فيها الخلل...زى منتى قلتى كده اللى بيلبسوا بنت عندها 4 سنين حجاب..ويقولك عشان تتعود..وتعرف ربنا من وهى صغيره
اعتقد ان اى انسان بالطبيعه لوحده بيعرف ربنا....لكن الاهم...ازاى يحب ربنا..لان لو فعل كل شىء من منطق حب الله..هو ده اللى هيفرق كتير..ومتشكر مره تانيه لردك
هاااا.....يلا يا جمااااااعه....كله يقووووول رايه

**Messi** · 02-09-2007 12:58 PM

اولا مليون شكر يا شريف يا نجم على الموضوع الجميل
وانا من وجهه نظر الموضوع بيتلخص فى حاجه واحده وهى اننا بعدنا عن الدين
انا مش شايف ان الموضوع بعيد عن النقطه دى وبعدين احنا لو شوفنا ايام الصحابه والسلف الصالح كانوا ممكن يحكموا العالم كلهم وده بسسب تمسكهم بالدين ولما بعدوا عنه اسرائيل احتلتهم!
شكراااااااااااااااااااااا ا مرة تانيه يا نجم ومنتظرين المزيد

**..●●**آه...لو**●●..** · 03-09-2007 05:00 AM

هقولك على حاجه يا شريف المسأله في نظري مش معقده وحلها سهل اوي بس مش هقوله الا لما نقف على اسباب تقدمهم :
اولا:الفرق بينا وبين المسلمين في عصر الخلفاء بسيط جدا ومقنع وهو ان انا وانت وغيرنا والجيل اللي قبلنا واللي قبله....طلعنا لقينا ابوي مسلم وامي مسلمه فكتبنا في شهادة الميلاد مسلم يعني احنا مسلمين بالوراثه على عكس المسلمين زمان مسلمين بالفطره.
ثانيا:السبب ده برده بسيط ربنا له دستور بيطبق على كل الناس والدستور بيقول بعد
اعوذ بالله من الشيطان الرجيم
"ان الله لا يضيع اجر من احسن عملا" صدق الله العظيم
وهما احسنوا وصدقوا النيه مهما برده مسحيين ويهود بالوراثه بس اتبعو تعاليم دينهم اللي اكيد متشابهة مع دينا فاستحقوا ان يصلوا الى ما هما فيه مع توفير جميع السبل للتطور
اما ثالثا : واخيرا انهم كانو بيحاربونا في حين ان علمائهم كانوا بيخترعوا واحنا في احتلال وحروب واستعمار ودمار و وده في نظري اهم سبب انهم اندال وواطيين متقدموش بمجهودهم بسلام لكن على حساب تخلف المسلمين مش تركهم في حالهم
وفي الاخر بهنيك على هذا الموضوع الراقي ويا رب اكون اافدت بالاضاافه للاستفاده من مواضيعك وخصوصا الكباتشينو بتاع حلمي

**sheriwolf** · 05-09-2007 04:16 PM

راى موضوعى وبجد تفكيرك جميل يا تافى...ومقنع...وليه معنى
كنت فين من زمان...دنا قلت محدش بقى بيرد على الموضوع...
على رايك...هما كمان زادوا الطين باله...بانهم مش سابونا فحالنا....لان بيتطورا..وميرضوش لغيرهم التطور.
ثانيا انا معاك فاننا كلنا مسلمين بالوراثه...اعتقد ان افضل المسلمين...هم اللى اختاروا الاسلام...مش اللى اختارلهم اهاليهم الاسلام دين.
على اى حال...نورت الموضوع بردك الجميل..
واشطه يا مان..وربنا يخليلك الكابتشينو

**Criss Angel** · 06-09-2007 07:40 PM

طيب
أول حاجه شكرا على الموضوع الجميل و الفكره الروعه
------------------
تاني حاجه :
قال رسول الله صلى الله عليه و سلم :
( تركت فيكم ما إتمسكتم به لن تضلوا بعدي أبدا كتاب الله و سنتي )
و بردو ما ترك قوم الجهاد إلا ذلوا
لو فكرنا هوه الإسلام هوه السبب في التأخر
بدليل إن غير المسلم متقدم أما المسلم فمتأخر
كل الدول الإسلاميه دول ناميه ( د إسم بيسمونا بيه عشان منزعلش لكن الإسم الحقيقي دول نايمه أو دول العالم التالت المتخلف )
طيب يبقى الفرق الوحيد بينا و بينهم الإسلام عندنا عقول و طاقات و شباب أكتر منهم كمان !!!!!!!!!!
هل الإسلام هوه السبب !!!
طبعا الرد لأ و ألف لا
بدليل : المسلمين الحقيقين أو يعني المؤمنين كانواأسياد العالم فقد جمعت لهم الأرض جميعها ماعدا دول العالم الجديد فقط لأنها لم تكن قد أكتشفت بعد
دخل الإسلام آسيا و أوروبا و قبلها أفريقيا كلها و كان ذلك كله في يد رجل واحد هو خليفة المسلمين و لا أعتقد أن هذا الملك قد جمع لأحد قبله !!!!!
طيب دي من ناحية القوه .......... طب العلم ؟؟ كان عندنا أكبر مرز ثقافي علمي في العالم ( بغداد ) اللي كان الغرب نفسهم بيجوا يتعلموا فيها أغدوا عنا العلم أساسه
يعني كل العلوم اللي إتفرعت دلوقتي و بدون أي مبالغه إحنا اللي وضعنا أساسها
الرياضيات و الكيمياء و الفيزياء و الطب و الهندسه و الفلك و .... و ... و الأدب و الشعر و القصص و حتى الفن !!
و في بداية التقدم العلمي الغربي كانت كتب علماء العرب المسلمين هيه المرجع الذي بنو عليه و طوروه
طيب يبقى مش المشكله في الإسلام
نرجع تاني لحديث النبي صلى الله عليه و سلم :
( تركت فيكم ما إن تمسكتم به لن تضلوا بعدي أبدا كتاب الله و سنتي )
محدش يقدر ينكر إننا دلوقتي ضايعين عن سكة الأمه الختاره ( كنتم خير أمة أخرجت للناس )
إحنا دلوقتي في ذيل الأمم ليه ؟؟؟ تركنا الهدي !!!!! فتأخرنا يا جماعه للأسف إحنا و أنا أولكم عايزين تقدم و نصر و عزه بمجرد كلمه مكتوبه في البطاقه الشخصيه ( مسلم !!) ماذا عملت لها ؟؟
طيب الأدها و الأمر بقى إني ممكن و بمنتهى الصراحه أقول إنهم تمسكوا بهدي الإسلام و هوه ده اللي أعزهم !!!
الدقه و إحترام المواعيد الصدق في العمل إتقان العمل التفكير الإبداع النظر في الكون
مش كل ده حث عليه الإسلام ؟؟ هل إحنا بنعمل بيه ؟؟ الإجابه لأ النتيجه تأخرنا
هل هما بيعملوا بيه الإجابه نعم النتيجه تقدموا
مش معقوله يا جماعه يبقى مصدر العزه عندنا و ننظر لغيرنا
الإسلام حثنا على البحث و التطور و الإنتاج و إتقان العمل ...... ألخ
بس همه نفذوا و إحنا لأ !
المشكله اللي بجد خطيره هيه إننا بنأخذ منهم ما يضرنا ( و أنا أولكم )
بجد طبعا الأخذ عن الناجح أو الإستفاده من قصة نجاح دي حاجه كويسه بل و مطلوبه
بس إنته متجيش على واحد إكتش و بحث و أنتج و و و و وتقدم وسيطر و تقولي بس هوه بيشرب خمره بس هيه دي نشرب خمره عشان تقدم زيه
ده يا إمه غباء يا إمه إستهبال
يعني طب خده على بعضه بالكويس و الوحش اللي فيه مش تنقي الوحش و تقول هوه ده
مع إن المطلوب إنك تاخد الكويس بس و تحافظ على هويتك كمسلم
=-=-=-=-=-=-=-=-=-=-=-=-=-=
أنا طولت قوي قوي قوي ألف شكر يا شريف على الموضوع المهم

**sheriwolf** · 06-09-2007 08:01 PM

متشكر اوى يا ليكوسان على الرد
اللى زاد الموضوع نار...ووضح نقط كتير انا معرضتهاش فيه
وبجد انت عندق حق فكل الللى قلته
وانا معجب جدا بصراحتك...عشان بتقول (وانا كمان)
يا رب الكل يبقى كده
تحياتى..ومتشكر مره تانيه على الرج