البنات عيوب وبس

[الهضبــــــــــــــــــه]

بسم الله الرحمن الرحيم

قبل اى ضرباو كلام ( انا مش بتكلم على كل البنات طبعا )..انا بكمل على موضوع اتنشر فيه 7 عيوب للبنات ومن بنت زيكم يعنى لما البنت تقول 7 يبقى الشباب يتبحبحو شوية عشان احنا شباب جدعان والكرم عندنا صفة اساسية والى يحب يضيف يتفضل ده اوبن بوفيه

نبتدى فى اول صفة


1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسسسسسسسقط ( مع العلم ان النقطة دى فى سوال اختيارى وهى حلته زيادة تاكيد)




2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال- وتايكوندو- والعاب عنيفة كتير ( يارب لما تعاكس متقعش فى ايد وحدة منهم)


3- الاسراف

يحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة
لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك
طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده ميك اب بس / علانة دى اصلا كانت كذا وكذا وكذا ...)

5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها
7-الرخامه
تكون قاعد بتسمع الماتش وتيجي عند الهجمه وفجأه تلاقي مسلسل اشتغل(ماتسيبش الريموت فى ايديها) وياريت المسلسل ده بتحبه ده بتسمعه عشان تشوف تسريحة الشعر وتشوف الفستان اللي عالموضه اللي لابساه البطله
كفايا كده عشان طولت اوى بس انا مش عايز دمى يروح هدر ................اللي يزعل يزعل

[● Alone ●]

[جوليت]

معندكش حق خالص انا مش كدة حرام عليك
بس عامتا الموضوع حلو قوى

[Jasper]

كلام مظبوووووووووط وزى الفل كفاءه يا حسام

[| Nadooosh ●]

اطلع برة يا حسام

[Wezooo(•'.'•)]

وايه الجديد مافيش يابنى اضاف خالص
انا عاوز عيوب احنا مش عارفنها
طبعا البنات دى كلهم عيوب ودى اقل حاجه وعرفنها كلنا
انا عاوزك تقول حاجه مش معروفه

[!..!]

جميـــل

خلّوا بالكم من نفســـكم


أكيد .. Wezoo لازم يكون هنــا

أنا من رأيي إنك تنزل كل مؤلفاتك وعُصارة خبراتك عن المرأة

في أزايز .. قصدي كوبايات .. يوووه كتب يعني

وأوعدك محدش هيتجرأ ويشتريها

.
.
.

[الهضبــــــــــــــــــه]

شكرا لمرورك احمد
معندكش حق خالص انا مش كدة حرام عليك
بس عامتا الموضوع حلو قوى
تلاقيكى بس ما بتخديش بالك شكرا لمرورك سفيره
كلام مظبوووووووووط وزى الفل كفاءه يا حسام
شكرا لمرورك جاااسر

اطلع برة يا حسام

واهون عليكى؟؟؟؟؟

[الهضبــــــــــــــــــه]

شكرا لمرورك وسام و شكرا ليكى وهم

[Spider GirL(•'.'•)]

والله انت ظالمنا ياحسام
لالا خالص
انا بحب الماتشات اوى
ولو عملت كدة مش هيكون عشان فستان ولا الحاجات العبيطة دى
هيكون عشان سبب اكبر من كدة
اننا اضايق اللى بيتفرج كفاية اوى
هههههههههههههههه

نسيت اقولك اسمع كلام ندى واطلع برة