سؤال مهم "ليه كلمة بحبك صعبة "

**جوليت** · 03-10-2009 05:36 AM

الموضوع كلمة بس كلمة مهمة جدا
"بحبك" ليه بقيت صعبة قوى اننا نقولها وخاصتا لو كانت بجد
انا أكشفت الموضوع من فترة قريبة برغم أن الموضوع دا من زمان .
سهل قوى نعترف اننا بكرة حد او بنستتقل دم حد لكن علشان نقول
"بحبك " ناخد أيام وشهور وأحيانا سنين .

انا مش بقول نقول "بحبك "على الفاضى والمليان بس احيانا فى ناس بتبقى محتاجة الكلمة دى مننا وبتبقى جوانا ومش هنخسر حاجة لو قولنها بالعكس هنكسب كتير بس معرفش ليه بنستصعبها.

تيجى نفكر لحظة مين محتاج نقوله "بحبك "

*امك فى لحظة لازم تقول"بحبك" يا أمى على كل حاجة مهما كبرت مهما عليت مهما جبت وعملت ليها الكلمة دى بتفرق معاها .

*ابوك صدقنى مهما كان قسى عليك افتكر دايما انه بيحبك وانك لو كنت مكانة هتعمل اكتر من كدة فكرت يستاهل كلمة"بحبك" .

*زوجتك او خطبتك او حببتك متفتكرش ان الكلمة دى ضعف بالعكس الكلمة دى بتقوى
والكلام دا للاولاد والبنات الحب مبيموتش بالجواز باللعكس المشاعر المفروض
بتتطور بعد الجواز بتبقى استقرار وسكينة فكر فكرى الحبيب مهما كانت صفتة ميستهلش "بحبك "

ربنا خلقنا فى الدنيا علشان نعمرها وربنا مش محتاج مننا اننا نعبده احنا اللى محتاجين اننا نعبده ومحتاجين اننا نحافظ على النعم اللى ادهلنا .

ايه رأيكم كلمة "بحبك " فهلا صعبة اننا نقولها ؟؟؟؟؟؟؟
ولو مش صعبة مين تانى يستاهل اننا نقولها؟؟؟؟؟؟؟
مستنية رأيك وردودك على الموضوع
وعاوزة أعرف ياترى انا شيفية صح ولا غلط

**| **Silent Guardian** ●** · 03-10-2009 05:48 AM

الالتزام من كلمة بحبك
هو اللي بيخليها صعبة
اللي مش بيحس بالالتزام ده
هو اللي بيقولها بسرعة !!

**MeEeGoOoO**(•'.'•) · 03-10-2009 05:49 AM

كلامك كله صح

وفعلا اوقات كتير بتيجى على الواحد بيبقى محتاج يقولها او يسمعها

بس ليه صح بتطلع بصعوبه ده لو طلعت اصلا

مش عارف ايه السر فى كده (بس يمكن يكون نادر اللى بقى صعب عليه يقولها)

بس اللى فعلا متاكد منه ان زى ماانتى قولتى الكلمه دى ليها تاثير كبير اوى اوى اوى على كل الاطراف اللى انتى ذكرتيهم فى موضوعك

وبالنسبه للخطوبه والجواز بالذات لو اتقالت كلمه بحبك فى الفترتين دول اهم حاجه تكون متقاله بصدق ومش شرط الفترتين دول كل الاطراف برده
الام الاب بس بتهيالى ان صعب تتقال للوالدين بالكدب فانا قصدت الخطوبه والارتباط اكتر من الاطراف التانيه

لان الواضح لينا فى زمننا دلوقتى انها بتتقال للعب بالمشاعر لان الكلمه دى تاثيرها قوى

الموضوع جامد على فكره

ويمكن يبقى ليا اضافه تانيه بس انا عايز انام دلوقتى

**Jasper** · 03-10-2009 06:48 AM

موضوع جميل وكلامك مظبوط
بس كلمه ((بحبك)) بتيقى صعبه علشان بتيقى من القلب بجد وده من وجهه نظرى

الملف الشخصي · 03-10-2009 02:10 PM

محتاجين نقول بحبك يا الله ..بحبك يا رسول الله والحب مش كلام انما اعمال سواء لله ورسوله اوحد من البشر في طاعة الله وشكرا....

**جوليت** · 03-10-2009 06:08 PM

مرسى جدا على الردود وعندكم حق فى كل كلمة بس انا عوزة نعمم الحب فى كل مكان ونحسة احسن ما نحس مشاعر تانية
يا جماعة الحب بيرقى الاحساس وبيخلينا مقبلين على الحياة