هل العالم سئ.....أم نحن من نجعله بهذا السوء!!!!!

**Spider GirL**(•'.'•) · 26-09-2009 05:57 AM

القصة دى عجبتنى جدا و حبيت انقلها ليكم و ندخل بيها للموضوع
كيف تنظر إلى الحياة!!؟؟؟؟؟
نام الجد فى غرفته و كان الجو حر فأقبل احفاده الصغار
بمداعبته و شقاوتهم المعتادة
اخذوا قطعة جبن كريهه الرائحة و فاسدة و مرورها على شاربه
و عادوا الى اللعب
استيقظ الجد المسكين فقال
أف ..هذة الغرفة رائحتها كريهه !!
و خرج الى البهو فقال
أف ..رائحة البهو كريهه!!
و خرج الى الخارج فقال
أف ..العالم كلة رائحته كريهه!!
فى رأيكم
من كانت رائحته كريهه؟
العالم ام شارب الجد؟؟؟!!

و عندما قرأت هذة القصة سألت نفسى
هل هذا العالم سئ .........ام نحن من نجلعه بهذا السوء!
هل هذا الشخص سئ.......ام من يرى هذا الشخص سئ هو السئ فعلا!
هل هذة الدنيا سيئة و مليئة بالمشاكل .....ام نحن الذين لا نستطيع ان نتعامل فيها!
لم تخلق الدنيا او الحياة بهذا السوء
بل نحن من نجعلها بهذا السوء
فى هذة اللحظة يجب ان نقف مع انفسنا و نحاسبها لنعرف انها اسواء ما فى هذه الدنيا
لابد الآن ان ننظر إلى من حولنا بعين أخرىو ان نحاسب انفسنا على اخطاءنا
و ان ننظر إلى الحياة بعين أخرى لا ترى السوء فقط
بل ترى الوجه الجميل للحياة قبل الوجه القبيح
لا ننظر الى سلبيات الأخرين و نتجاهل مميزاتهم فقد تكون هذة السلبيات من داخلنا
و هناك حديث قدسى يقول رسول الله علية افضل الصلاة و السلام
انا عند حسن ظن عبدي بي فليظن بي ما شاء
و لذا ما نحن به نحن جالبون به
حاول تعيد تفكيرك فى كل شئ حولك
احتمال تصبح الدنيا بدون سوء...و كذلك انت
و سؤالى هو ...............
هل العالم سئ ... أم نحن من نجعله بهذا السوء!!??

**Jasper** · 26-09-2009 06:28 AM

احنا طبعا اللى خلينا الدنيا زى الزفت علشان بعدنا عن دينا و تمسكنا بالحاجات التافهه وبقى جوانا وحش وهمنا على مصلحتنا وبس

**| لولا ●** · 26-09-2009 05:02 PM

اكيد احنا ما نجعله بهذا السووووووء من حقدنا وكرهنا لبعض
شكرا ليكى امانى

**Wezooo**(•'.'•) · 27-09-2009 12:48 AM

بصى يا امانى انا شايف انها مش هتفرق كتير احنا السبب ولا العالم
اصل دايما احنا اللى بنشوف الحياه يعنى لو عاوزين نشوف الحياه جميلها
هنشوفها وانا راى اننا مش محتاجين اننا نبص على العالم محتاجين
كل واحد مننا يشوف نفسه علشان بعد كده يشوف العالم
عالم عباره عن انسان والانسان هوا دايما اللى بيخرب وهوا اللى بيدمر يعنى
هو الشئ السئ فى الدنيا

**Spider GirL**(•'.'•) · 27-09-2009 02:13 AM

العالم حوالينا مرايا للى جوانا احنا
صورة مننا ومن ضميرنا

شكرا جاسر

**Spider GirL**(•'.'•) · 27-09-2009 02:17 AM

فعلا يا لولا
لو قدرنا نكون كويسيين من جوانا هنشوف الدنيا كلها جميلة ونقيه
هنشوف الكويس او السئ

شكرا لولا لمرورك وردك يا قمرى

**Spider GirL**(•'.'•) · 27-09-2009 02:25 AM

عندك حق فعلا يا وسام
احنام حتاجين نعرف نفسنا ونحبها ونجملها قدام نفسنا
عشان نقدر نشوف الدنيا جميلة

**| Nadooosh ●** · 29-09-2009 02:58 AM

احنا بنبص للعالم حسب اللى جوانا احنا

شكرا مونى

**Spider GirL**(•'.'•) · 12-10-2009 08:05 PM

شكرا نونتى ع مرورك وردك
وانتى اكيد شايفاها جميلة عشان جواكى جميل

**Dody Doda** · 12-10-2009 09:02 PM

بالتاكيد ان اسؤء شئ في الدنيا هو البشر
لانهم بكرههم لبعض وغيرتهم المستمرة من نجاح الاخرين والخوف ممن امامهم يجعلهم يحولون حياتهم الي جحيم وربما يكونوا لانفسهم سجون لا يخرجون منها وفي النهاية يشتكون من قسوة الزمان الذي هو برئ من كل ما ينسب اليه من مشاكل
ويارب رايي يعجبك