يلا نفتكر شوية اجمل ذكريتنا

[| Amino ●]

هههههههههههههههههه
والله انبارح انا ومحمد مجدى وشريف وزعية واحمد جمال قعدنا نفتكر الزكريات بتاعتنا وكونا ميتيييييييييييين من الضحك بجد كان ضحك هستيرى

تصدق والله نا وانا بكتبلك عمال اضحك
ههههههههههههههههههههههههه ههههههههههههههههههههههه

[..●●آه...لو●●..]

لازم مينفعش حد يدخل الموضوع وميقولش اللي انا هقولو ده بس وسع كده اصل انا هقول بنفس طويل
ياااااااااااااااااااااااا ااااااااااااااااااااااااا ااااااااااااااااااااااااا اااااااااااااه
كنت قاعد في يوم مش فاكر بس هو اخر يوم في الامتحانات بتاع سنه تانيه مدني في الكليه
وكنت انا وشومان كنا تقريبا لوحدنا في الكليه وكنا عاملين زي المجانين
ومسكنا المسطره وعملنها جيتار وقعدنا نغني اي فيل جود ونزعق ونقول اوووووووووو نانا نانانا نانا
اي فيل جود
ونمنا وقعدنا في الارض
وفي موقف حصل قدامنا احنا كنا عارفينو مسبقا وقاعدين بنراقبو وهو بيحصل .....
يوم تاني مش بنساه غالبا في اعدادي او في اولى لا في اعدادي يا ربي لان شومان كان لسه مع اصحابو اللي حولو المنصوره
كنا في الشتا
والدنيا مطرت جامد والناس كلها تجري تستخبى تحت علوم اساسيه وده مبنى عندنا
بصيت لشومان وقمنا جاريين
وقاعدنا نطنطط في الميه زي الاطفال واتوسخنا والميه كانت جامده اوي
وكان من ضمن الناس اللي واقفين ناس بقى ليهم ذكريات في حياتنا
واتصورنا من غير منعرف بس عرفنا بعدها وبقينا من نجوم الصف الاول زي مبيقولو
ان شاء الله هترجع الايام دي
وان شاء الله نعمل حفله تخرج جامده باذن الله السنه الجايه
يا رب
صبرنا

[Jasper]

ههههههههههههههه
فكرتنى يا محموووووود باسعد ايام حياتى
بس للاسف مش هقدر اتكلم عنها

[| Amino ●]

ههههههههههههههههههههههههه ههههههههههههههههههههه

[● همسة ●]

فكرة التوبيك جامده جدا
تسلم عليها بجد
انا بقى هحكى موقف صغير على الماشى
كنت يوم فى الملاهى فى اسكندريه
(فانتازيا لاند)
كان يوم تحفه كنت مع أنتيمتى إيناس
أعتقد انى مضحكتش تانى زى اليوم ده

[اريج الورود]

اه افتكرت لما عمتى ماتت وصحيت ع الصبح اتفزعت
وبعدين قريب جيت من الدرس العصر لقيت جدى مات
وصحيت برده قريب الصبح لقيت صحبتى ماتت
وافتكر برده انى جيت من درس لقيت ابو صحبتى مات
وافتكرانى صحين برده لقيت قطتى ماتت
ذكرايات جميلة رائعة بصراحة
مش عارفة ليه دول اكتر حاجة فاكراها

[| Nadooosh ●]

اوبااااااااااااااااااااا

يخربيت الذكريات

ماهومفيش حاجة موديانا فى داهية غيرها

سنة اولى جامعة دى اكتر سنة مليانة ذكريات

وخصوصا خصوصا خصوصا اول اسبوعين فى الدراسة

يارب تولعى يا كافيتيريا تجارة



كنا انا اوامانى وسمر وهبة
كنا عيال طاقيين وعمرنا مانزلنا من البيت ودماغنا معانا

على طول كنا بنسيب مخنا فى البيت

تهييس وضحك وهرتلة وتريقة طووووووووووول النهار


وبردو تهيييس وضحك وهرتلة وتريقة طوووووووول الليل



ايام عمرها ماتتنسى
.................................................. ..,

[smmsmma_75]

التوبيك جامد جدااااا
اجمل ايام حياتى ايام الخطوبة وايام الشغل واصحابى
بصراحة ايام ماتتعوضش

[Sunset Beauty]

فعلا فى فحياتنا زكريات جميلة جداااااااا
واجمل ذكريات ليه مع صحابى
هى ممكن متكونش لحقت تكون ذكريات لانها مواقف قريبة فى الجامعة بس بجد جميلة جدااااااااا
وكمان لما بكون فى البيت مع اخواتى فى الصيف
ونفضل قعدين نرغى على السرير لحد لما الفجر يأذن علينا بجد
من اجمل الذكريات


نايس توبيك

[بنوتة شقية]

ههههههههههههه
اكتر موقف بيضحكنى لغاية دلوقتى
كنت انا واختى فى مدرسة واحدة
واختى غلبانة اوى ومبتعرفش تاخد حقها
المهم واحنا مرحين لقيت اختى بتعيط فبقولها مالك
قالتلى البت دى ضربتنى
قولتلها طيب
خدى الشنطة والجاكت والزمزمية
والنظارة وطرت ورا البت لغاية باب بتها
ضربتها وقولتلها علشان متدربيش اختى تانى
هوة موقف تشرد انا عرفة
وكمان المواقف اللى كنت بدخل من بابا الشقة وانا صغيرة فى ابتدائى
اقول لبابا الكلام اللى العيال بيقولو
ويبقى بقى فى شتايم
وقلة ادب
والله كنت دخلة السايت مخنوقة وعلى اخرى
بس بجد بعد الموضوع دة بقيت كويسة بجد