انت مصرى ؟؟؟؟؟؟ لا يا راجل قول كلام غير ده .........

[Sandrella]

السلام عليكم ..
الموضوع ببساطه شويه اسئله .جريئه بسيطه محرجه ..
والمطلوب منك تختار بكل امانه الاجابه الى انتا شايفها صح..

ومن خلال نتيجة الاستفتاء هنعرف المصريين بيفكروا ازاى ودماغهم رايحه على فين
..عاوزين الكل يشارك..وطبعا ممكن تكون اجابتك على احد الاسئله مش موجوده فى
الاختيار او اجابة السؤال نفسه مش موضوعيه ..بس الموضوع فى الاول
وفى الاخر موضوع ساخر..والقافيه حكمت بقى ..

* اللى مش عاجبه اى سؤال او مش مقتنع باجاباته له كامل الحق فى انه ميجاوبش عليه ...

نبدا مع الاسئلة...

*بتكره الريس؟
1-ايوه
- لأ
3- قلتلى مين؟

*فى ايدك مسدس ونفس الريس قدامك وهيتعرض للاغتيال ..

1-تقتل اللى هيغتاله
2- تقتل الريس
3- تقتل نفسك وترتااح

*كلنا بنكره امريكا ربنا يجحمها ...طيب جاتلك فيزا تشتغل هناك تعمل ايه؟

1-تطير من الفرحه ..وتوافق
2- تطير من الفرحه وترفض...
3-تكمل كوبايه الشاى اللى كنت بتشربها

*جاتلك فرصه وسافرت تجاهد فى فلسطين ..

-تجاهد مع فتح
2- تجاهد مع حماس
3- تروح تشتغل فى تل ابيب

*الوحده الوطنيه شعار بلدك وقريب هيتكتب على الجنيه , انتا بقى راكب

فى مركب والمركب بيغرق اخدت انتا شمبر وفلت .

.وممكن تشتال معاك واحد وفيه اتنين بيستغيثوا.وانتا عارفهم
اساسا لما كنت ع المركب

شيخ باكستانى ..وشاب مصرى شاكك كده الله واعلم انه مسيحى

1-تنقذ الشيخ
2-تنقفذ الشاب
3-.تديهم الشمبر وتتكل على الله انتا

تتوقع الرئيس المصرى القادم يبقى

1- جمال مبارك
2- و لا جمال مبارك
3- و لا جمال مبارك
اختاار براحتك

عدد االاحزاب المعارضه فى مصر

1-0
2- ولا حزب
3- الحزب الوطنى

طول عمرنا بنسمع عن القراءة لل جميع بصراحه
.. قريت كام كتاب عن طريقهم

1- ولا كتاب
2- قريت كتير
3- انا اسمى مش جميع

برده بنفس الصراحه تفتكر مين اول واحد مسؤل عن كارثه العباره ؟..

1- الركاب
2- الحكومة ..وتوابعها
3- الصراحه راحه ......يا حاحا

لو ربنا كرمك واتجوزت ..وخلفت ولد ولازم تسميه
باسم من دول ...... تختارله اسم ايه
1- جمال
2- السادات
3- مبارك
4- شعر الصدر حسين

بكل صراحه جاتلك فرصه عمل فى السعوديه هتشتغل بواب

.وانتا خريج جامعه .. احتمال تنضف العماره كل

يوم .. واحتمال تتشتم وتنضرب ..ومحدش هيعرف حاجه .. والمرتب 2000 ريال

1- فين عنوان العماره
. 2- انا مصرى يابيه
3- متاكد ان محدش هيعرف ؟؟

طلب منك راجل كبير متعرفهوش تساعده فى مشوار
هياخد منك تقريبا ساعه وقت ومجهود مش قليل ..

1- هتساعده
2- مش هترد عليه اساسا
. 3- مش هتساعد بس هتعتذر .

طلب منك نفس المشوار .. بنت كده شكلها فى جامعه

..وبرده احتمال تكون حلوه شويه ..

1- فين المشوار .
.2- برده مش هترد ااساسا
3- مش هتساعد بس ممكن تاخد رقم التيلفون

ايه احتمال انك تكون وزير او رئيس فى يوم

1- - ممكن .. مش ممكن ليه
2– مظنش
3- يعنى ايه احتمال

فيه امل نبقى زى سنغافورة اقتصاديا مثلا

1- سنغافوره !!
2- مفيش امل
3- فيه امل .. تاخدها فى ايدك ولا الفهالك

تفتكر انه فعلا فيه اخوه بين العرب واشقاء زى ما بيقولوا

1- انا مصرى واتولدت كده ومليش دعوه بحد
2- اكيد فيه اخوه بس كلام وبس
3- بلا اخوه بلا بتاع قلتلى كوز البترول بكام!!

- كعربى او كمصرى اذكر موقف يدل على الوحده العربيه

1- حبهم لهيفا
2- 2- حبهم لنانسى
3- حبهم للاتنين

كمواطن شريف يعيش فى بلد ربع شريف ونص حرامى
تخاف اكتر من

1- الظابط
2- الحرامى
3- الاتنين وحياتك

ايه اكتر انجاز حسيته وتفتخر بيه فى اخر 30 سنه

1- الانجازات كتير
2- الجوع او البطاله او السرقه او التزوير او التدهور الاقتصادى او ....
3- كان على عيبنى بس دى اسرار دوله ..

تفتكر الوزرا اللى ودونا فى داهيه من اول التعليم
مرورا بالصناعه وانتا معدى على الزراعه

1- مسؤليتهم هما واللى عينوهم
2- على الريس
3- عليا انا بس عدى السؤال

ثورة 52 كانت يوم 23 يولو واتوضع ليها 6 مبادىء تعرف كام مبدا منهم؟

1- اعرفهم السته
2- تمشى 4 ؟
3- سعد,سعد يحيا سعد..

تفتكر لما سعد زغلول اتنفى وقامت الثورة ..الشعب اللى كان موجود فى مصر وقتها

اللى قامو بقا بالثورة كانوا

1-اتراك
2- انجليز
3- احتمال مصرى

تفتكر فى فرح جمال مبارك ...كان فيه نقطه"للى من فرنسا وتوابعها
ظرف كده فيه مبلغ محترم ومكتوب عليه الف مبروك للعروسين ..واسم صاحب الظرف"

1- مظنش
2- ممكن
3- بلاش نَقطه "سكته قلبيه"

شعورك كان ايه لما فاروق حسنى اترشح لمنصب فى اليونيسكو

1- يابخت اليونسكو
2- يابخت فاروق
3- يابخت وزراة الثقافه ..هتترحم .

تفتكر لو السادات مكنش مات ..كانت مصر بقت فين ن

1- فى المقدمه
2- زى ما احنا
3- فى المعتقل.

فى موريتنا قامت ثورة زى بتاعتنا كده ..وبعديها سلم الراجل اللى
قام بالثورة الحكم للمدنيين وراح يرعى قطيع غنم فى الصحرا...تفتكر الريس جمال معملش ليه كده

1- كل زمن وله ظروفه
2- يمكن اللى عمله الصح
3- عشان يا ذكى..جمال مكنش عنه غنم.

بمناسبه الغنم ..فيه اشاعه بتقول ان انفلونزا الطيور فى مصر من 97
ولو منظمه الصحه العالميه قالت انها دخلت مصر خلاص ..مكنش حد اتكلم ..ممكن يكون الكلام دا صحيح؟؟

1- مليون الميه
2- الكومه بتاعتنا دى ......خلاص خلاص
3- لا ياعم انتا عمرك شفت فارخ ماتت كده الا الوقتى ؟

فزروه : تفتكر الحكومه عملت ايه فى الطياره اللى انفجرت فى امريكا
بصاروخ وكان فيها خيره شباب مصر وراجيعن بلدهم

1- عملت محشى
2- مش عملت حاجة
3- هتعمل ايه يعنى ..دا قضاء وقدر.

بالزمة ده كلام
يلا بقا ورونا الاجابات
سلاااااااااااااااااااام

[Spider GirL(•'.'•)]

هههههههههههههه
بالزمة دى كلام فعلا
هتودينا فى داهية كدة يا سندريلاااااااااااا

[prince of scientists]

بعد اذنكوا انا هجاوب وبكل صراحة بس معلش الثلاث ردود اللى حضرتكوا اتحتوها انا عندى رأى تانى غيرهم

*بتكره الريس؟
مستحيل ان اكرهه

*فى ايدك مسدس ونفس الريس قدامك وهيتعرض للاغتيال ..

هفديه حتى لو كان التمن حياتى

*كلنا بنكره امريكا ربنا يجحمها ...طيب جاتلك فيزا تشتغل هناك تعمل ايه؟

الصراحةمش عارف ارد لكن انا شايف ان البيوقراطية فى مصر زايدة جدا ينى عشان سنىالصغير مش عارف التحق بأكاديمية البحث العلمى ولا حتى عرف اسجل براءةاختراع للفكرة بتاعتى

*جاتلك فرصه وسافرت تجاهد فى فلسطين ..

انشاء الله اكون اول واحد يروح وعلى فكرة انا شوفت رؤيا اننا كنت قائد جيش وحررنا فلسطين وطردنا اليهود يارب تتحقق

*الوحده الوطنيه شعار بلدك وقريب هيتكتب على الجنيه , انتا بقى راكب

فى مركب والمركب بيغرق اخدت انتا شمبر وفلت .

.وممكن تشتال معاك واحد وفيه اتنين بيستغيثوا.وانتا عارفهم
اساسا لما كنت ع المركب

انا هسيبهم يركبوا واحاول انى انجو بنفسي
لان ما استحق ان يولد من عاش لنفسه فقط

تتوقع الرئيس المصرى القادم يبقى

اتوقع جمال مبارك
والناس ياريت ميفتكروهاش حاجة مش كويسة
احنا عندنا مثل عربى الرئيس الاسد فى سوريا حقق نصر كبير فى حرب اكتوبر على هضبة الجولان
وتولى بعده ابنه بشار الاسد ووطلع احسن من ابوه
مش معنى كده ام الرئيس الاسد كان وحش لكن بشار افضل
يعنى مش مقياس

عدد االاحزاب المعارضه فى مصر

الاحزاب المعارضة فى مصر خلصت من زمان
دلوقتى كل حزب بيتخانق على رئاسة الحزب
كلنا شوفنا حزب ايمن نور
وحزب الوفد والحرائق اللى فيه يعنى بصراحة مفيش حزب بمعنى الكلمة فى مصر

طول عمرنا بنسمع عن القراءة لل جميع بصراحه

.. قريت كام كتاب عن طريقهم

القراءة للجميع مشروع عظيم جدا ده كفاية انهم بيوفروا لينا الكتب اللى ب20 جنيه ب2 جنيه
وانا لحد لوقتى قريت من عندهم 9 كتب بس منتظرين السنة اللى جاية كتاب عصر العلم ياماما سوزان ب4 جنيه بدلامن 40 جنيه

برده بنفس الصراحه تفتكر مين اول واحد مسؤل عن كارثه العباره ؟..

طبعا الحكومة مسؤلة بشكل كامل

لو ربنا كرمك واتجوزت ..وخلفت ولد ولازم تسميه
باسم من دول ...... تختارله اسم ايه
أختار جمال نسبة الى معشوقى جمال عبد الناصر رحمه الله

بكل صراحه جاتلك فرصه عمل فى السعوديه هتشتغل بواب

.وانتا خريج جامعه .. احتمال تنضف العماره كل

يوم .. واحتمال تتشتم وتنضرب ..ومحدش هيعرف حاجه .. والمرتب 2000 ريال

مستحيل انى اذهب اصلا لاى دولة عربية نهائيا

طلب منك راجل كبير متعرفهوش تساعده فى مشوار
هياخد منك تقريبا ساعه وقت ومجهود مش قليل ..

اكيد هساعده

طلب منك نفس المشوار .. بنت كده شكلها فى جامعه

..وبرده احتمال تكون حلوه شويه ..

الصراحة مش هروح معاها عيب عليا ابقى مسلم حافظ لقران واروح مع بنت حتى لو قريبتى

قال صلى الله عليه وسلم " ما اجتمع رجل وامرأة الا وكان الشيطان ثالثهما"

ايه احتمال انك تكون وزير او رئيس فى يوم

مش طموحى انى ابقى وزير او حتى رئيس جمهورية خالص

فيه امل نبقى زى سنغافورة اقتصاديا مثلا

قريب انشاء الله " قال تعالى " ويسؤلؤنك متى هو قل عسي ان يكون قريبا "

1تفتكر انه فعلا فيه اخوه بين العرب واشقاء زى ما بيقولوا

ده المفروض يحصل بس انا شايف ان العرب بيكرهونا لسبب اننا مع مواردنا المحدودة وهم يكتلكون المال احنا لسه احسن منهم ياتو ليتعلموا عندنا ونحن موقعنا الدولى افضل منهم بكثير ونحن افضل دولة عربية بكل المقاييس عشان كده لازم نفهم ان الموضوع مش فلوس وبس زى الحياة مش فلوس وبس

- كعربى او كمصرى اذكر موقف يدل على الوحده العربيه

وجود مسلمين بلا اسلام

كمواطن شريف يعيش فى بلد ربع شريف ونص حرامى
تخاف اكتر من

الحرامى لان مش كل ضابط وحش لكن كل حرامى اكيد مش كويس

ايه اكتر انجاز حسيته وتفتخر بيه فى اخر 30 سنه

اكتر انجاز اعتز بيه معاهدة السلام بين مصر واسرائيل لانها برزت اننا اسود الحروب وملائكة السلام

تفتكر الوزرا اللى ودونا فى داهيه من اول التعليم
مرورا بالصناعه وانتا معدى على الزراعه

وزير التربية والتعليم راجل يعنى كده لكن حرام نظلم اهم وزيرين فى الوزارة رشيد محمد رشيد وزير الصناعة وامين اباظة وزير الزراعة

ثورة 52 كانت يوم 23 يولو واتوضع ليها 6 مبادىء تعرف كام مبدا منهم؟

دى حاجة مؤكده انى اعرفهم والاحسن اننى اصلاحاسسهم وناحتهم فى عقلى

تفتكر لما سعد زغلول اتنفى وقامت الثورة ..الشعب اللى كان موجود فى مصر وقتها

اللى قامو بقا بالثورة كانوا

اكيد مصرى

الشعب المصرة طول عمره اصيل ووطنى وكويس لكن الهجمة الثقافية اللى خدناها من التماينات قضت على كتيير منهم وبقى قلة قليلة مده يوضح اهميه التحصين الثقافى

تفتكر فى فرح جمال مبارك ...كان فيه نقطه"للى من فرنسا وتوابعها
ظرف كده فيه مبلغ محترم ومكتوب عليه الف مبروك للعروسين ..واسم صاحب الظرف"

مش عارف حضرتك تقصد ايه

شعورك كان ايه لما فاروق حسنى اترشح لمنصب فى اليونيسكو

اكيد يا بخت العرب والمصريين

تفتكر لو السادات مكنش مات ..كانت مصر بقت فين ن

منقدرش نخمن لان لكل وقت اهدافه ورؤاه

فى موريتنا قامت ثورة زى بتاعتنا كده ..وبعديها سلم الراجل اللى
قام بالثورة الحكم للمدنيين وراح يرعى قطيع غنم فى الصحرا...تفتكر الريس جمال معملش ليه كده

انتو عارفين حضارتكوا مينفعش ليه لان بعد ساعة واحد من تخلى الضباط الاحرار عن مناصبم كانت عاد الانجليز واخذوا البلد ورجعوا الملك لان الشعب المصرى اصلا مش يقدر يتحمل مسؤليته فى الوقت ده

بمناسبه الغنم ..فيه اشاعه بتقول ان انفلونزا الطيور فى مصر من 97
ولو منظمه الصحه العالميه قالت انها دخلت مصر خلاص ..مكنش حد اتكلم ..ممكن يكون الكلام دا صحيح؟؟

اكيد مش صحيح لان لما ناخد معلومة لازم نخدهاى من مصر ثقة

فزروه : تفتكر الحكومه عملت ايه فى الطياره اللى انفجرت فى امريكا
بصاروخ وكان فيها خيره شباب مصر وراجيعن بلدهم

دى حاجة متوقعة وده اللى استاذى والله مبشرنى بيه

[Wezooo(•'.'•)]

شكرااااااااااااااا على الموضوع الرائع ده
بجد احنا بنموت فى مصر
حقيقى يا بخت مصر بيكم

[| سندباد ●]

ماشى يا سندريلا
انا بردو حابب انى اجاوب

زهقت و الاجابات الأخيرة مش متظبطة

[!..!]

ده على أساس إننا مهاجرين هجرة غير شرعية على مركب


متر x متر ؟؟


أكيد طبعاً هنقذ الإتنين ..!


طيب إزاي ؟؟


مفيش حاجه مستحيله .. إحنا اللى بنخلّيها مستحيلة


الجيش بيقول إتصرف !!


ومش ممكن الشاب ده ربنا يهديه على إيدينا ؟


وربنا قال فى كتابه العزيز


(وإن أحد من المشركين استجارك فأجره حتى يسمع كلام الله ثم


أبلغه مأمنه ذلك بأنهم قوم لا يعلمون )


صدق الله العظيم

....................

وبالنسبة لباقى الأسئلة

مش عارفين نقول ايه غير لنا الله

شكراً ليكِ