لية بقينا كدة ؟؟

[Spider GirL(•'.'•)]

قصة مثيرة من وجهة نظرك يا مصطفى لأنك فاهم انها مجرد قصة
لكن الأطفال بيتأثروا بالعنف اللى بيتقدم لهم بشكل كبير بيأثر بعد كدة ع سلوكياتهم

شكرا شومى ع مرورك وردك

[Spider GirL(•'.'•)]

كمان الناس بقيت بتشوف البلطجى دة ع انه قدوة وانه انسان بيعرف ياخد حقه
الناس بقيت متعودة ع العنف والدم والخناق
ومحدش عرف لية كدة
يمكن الملل والكبت اللى بيعانيه الشعب زى ماقالت نورا
ويمكن الأعلام اللى بيعرض مشاهد العنف عادى
ويمكن الحروب اللى بقت بتتنقل لينا ع الهوا مباشرة بتأكد لينا ان العصر دة عصر القوة والعنف والبلطجة

شكرا احمد ع مرورك وردك

[Spider GirL(•'.'•)]

معظم الأفلام بقيت بتقدم العنف ع انه الحل ولأمان
واحنا فعلا بنتعاطف مع البطل مهما كان بيعمل
شكرا امير الحب

[Spider GirL(•'.'•)]

كله ماشى كدة

شكرا يا شقى

[Spider GirL(•'.'•)]

بنحاول نغيره يا شريف لأننا جوانا دايما الخير

شكرا شريف

[Beauty]

بصى يامونى موضوع فيلم ابراهيم الابيض
ابراهيم ده فى بلدنا يعنى هما مش جابوا حاجه من عندهم يعنى ظاهر وهما بيحاولوا يطرحوها
وبعدين فى كتير اوى زى ابراهيم وانا عن نفسى شايفه ان ابراهيم واللى زيه ضحيه المجتمع وضحيه عدم تربيه واهمال وعدم وعى وبطاله وكل ده اسباب العنف والاجرام المنتشر

[..●●آه...لو●●..]

ايه ايه ايه
اللي يقول مفيش ولاد بلد واللي يقول مفيش مروءه ولا شهامه ولا رجوله ولا ولاد بلد
واللي سايب الدنيا وبيهاجم الفيلم
طيب منتا لو عاوز تشوف الفيلم شوفو ولو مش عاوز متشوفوش
واعتقد قصدي مش اعتقد
متاكد
ان اللي دخل الفيلم او شافو في اي حته
كان عارف الفيلم فيه ايه زي عادل امام زي غيرو وغيرو
ما عدا حلمي
المهم اني اقصد اقول الفيلم مش مشكله
وكمان ان البلطجه مش منتشره بالصوره اللي انتو قصدكم عليها
احنا 80 مليون وبلد 1000000م مربع
ولا الصين ولا امريكا ولا اسرائيل خلصه من المافيا والبلطجه
المهم
ان طول مفيه ناس بلطجيه
يكون في ضعفهم ناس كويسين
واعتقد في مصر ان النسبه ما بين كل عشره
واحد بلطجي وتسعه كويسين
بصراحه انا مش شايف البلطجه كده
بس اهو لولا اختلاف الاراء لباره المطاوي ومحدش اشتراها
وده من وجهه نظري

[I'm Alive]

أنا مقصدش أهل مصر كلهم يا أمانى أنا أقصد الخارجين عن القانون بس
يعنى من الاخر الى شايف نفسه
طول عمرنا أنطيب شعب
وبالرغم من كدا أكيد بيبقا فيه مجموعه من الفاسدين

[!..!]

هى فين الحكومة ولا القادة دى ؟؟

آه .. فعلا الحكومة مش بتظهر ... غير فى لمّا تفسد بس

ومعلش هو البلطجى .. يفهم الكلام ده ؟؟

ده واحد مش باقى على أى حاجه

يمكن هنقول ظروف بيئته وتنشئته ..... وقهر وظلم وفقر وبطاله

اللى أكيد الحكومه ليها دور فيها

على فكره إحنا المفروض يعنى كلنّا كيان واحد بيأثر

وبيتأثر بغيره .. والمفروض كمان إن الحكومه تكون ضمن الكيان ده

إزاى نقدر ننسى دورها العظيم ؟؟

...............

إختلاف أراء إيه ؟؟

همّا البلطجية لهم أراء ؟؟

[| سندباد ●]

والله

قبل ما نتكلم
فعلا هى مش منتشرة بالطريقة اللى بتهولوا بيها الموقف ده


لكن الموجود منها سببه
ان اولادنا بقوا يتفرجوا على مشاهد عنف من غير اى توجيه بعدها

ومش ده الأساس

هو الواحد لو لقى الدنيا حلوة معاه
معاه فلوس ،، وله بيته واسرته ،، وحياته المستقلة

هيفكر يبلطج ؟؟

وبصراحة بلدنا ليها دور كبير فى خلق شعب مهزوز اقتصاديا وعلميا
ومش هننكر اننا كتير بنكون مقصرين
بس هما الاساس



وانا واحد م الناس كنت بموت فى الخناقات معرفش ليه ..
بس بقالى سنين كتيرة متخانقتش
فدى بتبقى ثقافة شخص و بيئة و مكان هى اللى بتصلح ده




بس القيادة تتحمل الدور الكبير
والاب والام قبلها

وبس ....