وحشتينى اوى يا مصر ارجعى بقه حرام كده

**Lovely Boy** · 26-08-2009 04:37 PM

السلام عليكم و رحمة الله و بركاته

مصــــر

هى مصر لسة هى امى و لا ام الدنيا دى ماتت

هى امى نست ولادها و لا هما اللى نسيوا و العالم عليهم شاهد

و لا امى دبحت عيالها و للوحوش فى الغابة سابت

ربنا سبحانه و تعالى ذكر مصر فى القرآن عدة مرات

و قال الذى اشتراه من مصر لامرأته أكرمى مثواه عسى ان ينفعنا او نتخذه ولدا و كذلك مكنا ليوسف فى الارض و لنعلمه من تأويل الأحاديث و الله غالب على امره و لكن اكثر الناس لا يعلمون..
صدق الله العظيم

،،

فلما دخلوا على يوسف آوى اليه ابويه و قال ادخلوامصر إن شاء الله آمنين..
صدق الله العظيم

،،

و نادى فرعون فى قومه قال يا قوم أليس لى ملك مصر و هذه الأنهار تجرى من تحتى أفلا تبصرون..
صدق الله العظيم

،،،،،،،،،،،،،،،،،

مش مصر كانت هنا برضو!!!!!!!

ام الحضارات
ام التقدم
ام العلم و العلماء

ايوا كانت هنا
يا ترى غايبة ليه بقالها كتير

!؟

هى ماتت و لا حنا اللى موتناها بايدينا

و لا هربت و سابت فى قلوبنا بس ذكرى و حنين

و لا كأنها لوحة و اتسرقت و اللى فاضل نسخة مزيفة

الناس... اللى تعبت و شقيت و طلعت ع المعاش

فلوسهم راحت فين

هى خلاص البلد مفيش فيها غير رجال اعمال و ساسة و ضباط

و باقى الشعب مطحون زى الملح نصه مش لاقى شغل

و اللى اشتغل المحظوظ و اتجوز على اده يادوب مراته و عياله و امه و ابوه المرضى اللى ضاع حقهم

و التانى اللى فى شرم الشيخ باله رااااااااايق بيصرف فى فلوس الناس اللى ضاعت منهم و اتسلبت هو فين العدل اختفى خلاص

و آآآآآه لو حد اتكلم.. فين حقوقنا .. فين حريتنا

آخرتها ايه ....؟؟؟

فين مصر ....؟؟؟
يا ترى فى جواب

؟!

**Spider GirL**(•'.'•) · 26-08-2009 05:02 PM

العيب مش فى مصر
مصر هتفضل بلدنا ووطنا
هتفضل ارضها وسماها ونيلها
هتفضل بناسها الطيبيين

العيب فى اللى عايشيين فيها
فى حكومة فاسدة
رجال اعمال سرقونا
وفى الشعب الطيب لأنه استسلم للواقع
سكت ورضى بأى حال

لكن مهما كان الظلام حولينا فى كل مكان فى يوم هتيجى وتشرق شمس جديدة ع بلدنا

Spider Girl

**Jasper** · 26-08-2009 09:03 PM

و آآآآآه لو حد اتكلم.. فين حقوقنا .. فين حريتنا
حقوق مين انت فى ديكتاتوريه مصر العلمانيه قريبا

**المصرية** · 26-08-2009 09:48 PM

فين مصر ....؟؟؟

إسأل بابا حسنى....

بص ياباشا مصر كانت فى الاول ام التقدم والعلم
لانها كانت دولة اسلامية..فى عصر عمر بن الخطاب والخلفاء الراشدين كانت هاايلة وقووية وتم فتح دوول كتير ونشر الاسلام فيها((يعنى كان فى اسلام))

انما دلوقتى فى تلفزيون واغانى..فى شباب ليل نهار فى الشوارع
فى و فى وفى وفى

كوووسة

**Sandrella** · 31-08-2009 03:40 PM

للاسف مافيش جواب

احنا محتاجين نعمل فورميت للبلد دى

**Jasper** · 31-08-2009 06:43 PM

ايه يا نورا كتاب التاريخ اللى كتبتيه ده

**Lovely Boy** · 05-09-2009 11:30 AM

هههههه صباح العسل يا جاسر وربنا ضحكتنى بجد

انا اسمى احمد مش نورا هههههههههههههه

عادى يا عم انا ونورا واحد ههههههههه

الساعه دلوقتى 10.30الصبح المفروض كنت نمت من زمان

كويس انى ضحكت قبل ما انام ومش نايم خلاص

جاسر منور التوبيك يا زعيم <:-p