كتبته ... مش عارفة ليه !!

**!..!** · 26-08-2009 03:04 AM

مشيت

و

مشيت

و

مشيت

فــ

وقفت

مقدرتش أكمل الطريق

أمشى هنا

ألاقى الناس بتخبط فيّا

ما تحاسبوا بئا

فبعدت

أمشى الناحية التانية

لاقيت ناس فاضية ..

التفاهه حياتهم

زهقــــــت

روحت لطريق تالت

لاقيت ناس ملهيّه

دماغها مش رايقة

معرفتش أروح فين

فضلت

أمشى وأخبط

قولت لأ

stop كــــدا

كفاية تخبيط

وعرفت إن أنا مش أنا

دورت عليّا

معرفتش ألاقينى

قولت هروح لبعييييييد

يمكن ألاقينى

فوجئت إنى بقيت لوحدى

حسيت إنى بهرب

طيب ولمّا لحظة الموت

أحس بيها

حد هيحس بيّا ؟؟

مش مهم

لو حاسوا فى يوم

هيقولوا .. راحت

زى اللى راحوا

وانا مفكرتش كتير

هى دنيا وبنعيش فيها

وهم

إســـــمـــــــه

الحياه !

..........

**| سندباد ●** · 26-08-2009 03:11 AM

ده عشان وانتى ماشية وبتعدى ع الناس
بتجرى
مش بتستنى تسمعى حد او تشوفى حد بيفكر ازاى

فى ناس حلوين كتير قوى

بس المشكلة انك ممكن مش بتديهم فرصة

فى ناس بتضحك وبتهزر وانتى مش تعرفى جواها ايه ؟؟

اسألى ناس لافة وعارفة

مش حاطين نفسهم فى قمم وبيندبوا الحياة

-------------------------

دا رأى
مش تزعلى منه

**MeEeGoOoO**(•'.'•) · 26-08-2009 03:13 AM

خلاصه الكلام

كن فى الحياه كانك غريب او عابر سبيل

ثانكس وهم

**!..!** · 26-08-2009 03:42 AM

وهى ممكن تكون حياة اى واحد زى اى حد ؟؟

تقريياً كدا .. فى قاموس نزل جديد

وفهرس القاموس .. مش فيه غير

ممنوع الحلم

ممنوع الفرح

ممنوع الضحك

ممنوع الحياة

ونهاية الفهرس مكتوب

ممنوع إستخدام عبارة ( كل ممنوع مرغوب) !!

.........

**!..!** · 26-08-2009 03:48 AM

لا ثانكس على حاجه

بس ياترى إيه أفضل بعد الخلاصه ؟؟

الغريب ولا عابر السبيل ؟

تقريباً كدا عابر السبيل .. هيخبط برضه فى الناس !

مش كدا ولا إيه ؟

**| لولا ●** · 26-08-2009 03:50 AM

مش كل الناس زى بعضها يا وهم فى الحلو وفى الوحش
بلاش نظرتك دى للحياة انا حسه انك تعبانة بجد ومخنوقة

**Spider GirL**(•'.'•) · 26-08-2009 03:56 AM

حاسين ان الدنيا مش لينا
ومش قادرين نتعامل معاها
فبنهرب منها لكن بنكتشف اننا اول ماهربنا هربنا من نفسنا

Spider Girl

**!..!** · 26-08-2009 03:59 AM

العيب مش فى الناس يا لولا ..

كل واحد بيعيش حياته زى ما هو عايزها

بس فى حاجه غلط ..بحاول أدور عليها

مش لاقياها هى كمان !

**!..!** · 26-08-2009 04:13 AM

ونفسنا بتضييع ونقولها كفايه

مش عايزينك تانى

ولا حد عايزك

خليكِ كدا ضايعة .. مالكيش مكان فى الدنيا

ما تفكريش حتى تحلمى

الحلم مش ليكِ

......

إلا قوليلى يا سبايدر

إنتِ ناويتِ بالعبرى ده "إذا كان" على هجرة ولا إيه ؟؟

**Spider GirL**(•'.'•) · 26-08-2009 04:17 AM

هجرة؟؟؟!!!!!!!!!!!!
انا اسيب مصر ؟!!!
طيب ازاى
ولما اسيبها اروح بلد تتكلم عبرى
مستحيل
انا بحب مصر فوق ما تتخيلى
انا بس العبرى دة لأنى مقتنعة اننا لازم نعرف لغة أعداءنا
من عرف لغة قوما أمن مكرهم

معلومات الموضوع

كتبته ... مش عارفة ليه !!

الموضوع: كتبته ... مش عارفة ليه !!

أدوات الموضوع