:. مسابقة رمضان .: التالتة مع فكك منى

[MeEeGoOoO(•'.'•)]

انا مش مكمل

ووحياتك ابقى بص على مسابقه احمد عز بتاعت رمضان اللى فات

اوعى تفهمنى غلط بس ابقى بص وحاول تفهم قصدى

[| Mannora ●]

تسلم يا دوك على المجهود..

وحلوه اوى المعلومات اللى فى اخر كل اسئله

وكمان كنت عايزه اقولك ان الاغنيه حلوه اوى بتاعت رمضان دى...

وربنا يوفقنا كلنا للخير يا رب

[| سندباد ●]

متطلعش منك انته يا محمد
المهم
ان فى ناس بعتت الاجابة وكانت صح كلها
وبتهيألى ان الأسئلة مش بالصعوبة اللى هيا صعبة متتحلش

---------------------------
عموما الصلاة اللى فى السؤال التالت
صلاة المغرب

ظبطوها بقى وشوفوا كانت ازاى ؟؟

شكرا يا منار
بحاول أعمل اى حاجة تفيد

وربنا معانا كلنا

**************


أقولكوا بقى انا عملت ايه عشان النت امبارح

بالليل كنت بظبط فى الاجابات المبعوته عشان أحط النتايج بتاعة المسابقة
لقيت النت مش مظبوط
وعمل ريكوستات كتير
واحيانا مفيش استجابة أصلا

عرفت ان الرجالة بتوع الشبكة يا إما بيعملوا كت على بعض يا إما حد شغال داون لوود تورنت

وقفلت قفلت يعنى
ولحد الفجر مفيش حاجة

قلت لأ .... عليا وعلى أعدائى بقى


فاحنا بيتنا على طريق عمومى وشارع فرعى
روحت بعد الفجر
قلت أفصل الكهربا عشان الاجهزة تنفصل واصحابى اصلا نايمين
يعنى الاجهزة مش هتتفتح تانى

روحت جايب عصاية طويلة خشب طبعا
وخليت سلوك الشارع لمست فى بعض

ساعتها حصلت شرارة ...منها عرفت مايكل سكوفيلد مات ليه

المهم ابص لقيت فى نور فى ضهرى
وطلعت طفيت انوار أعمدة الانارة بس
لسة جاى ألمس الباقى
لقيت واحد من تحت فى الشارع بيقول بتعمل ايه ؟؟
روحت رامى العصاية عليه وجريت

.............
ونمت بقى

[| Mannora ●]

[MeEeGoOoO(•'.'•)]

ههههههههههههههههه

طيب اشمعنا جه فى دماغك انى قصدى على السؤال الاخير

هوا كان كده فعلا بس مرضتش اقول فاتكلمت بصفه عامه

بس انا مش مكمل بقى وخلاص لانى ملحقتش اجاوب

[| سندباد ●]

أسئلة يوم 4 هجاوب عليها بكرة العصر آخر معاد ليها
وبتاعة النهاردة فى ميعادها عادى



<----- 5 رمضان ----->

* من هى الصحابى الأكثر رواية عن الرسول صلى الله عليه وسلم؟

* ما هي أول صلاة صلاها المسلمون أثناء تحويل القبلة الى الكعبة المشرفة؟

* ما هي الـ 6 كتب الحديث الصحاح ؟

* كم مرة حج الرسول - صلى الله عليه وسلم - ؟ وكم مرة اعتمر ؟ وكم رمضانا صامه - صلى الله عليه وسلم- ؟؟

*****************************
الأسئلة مش عايزة فلسفة وسهلة

[مسابقة رمضان]

اجابات 4 رمضان

"قبل أن يموت سيدنا عمر بن الخطاب اختار ستة من الصحابة؛ ليكون أحدهم خليفة على أن لا يمر ثلاثة أيام إلا وقد اختاروا من بينهم خليفة للمسلمين.."

فمن هم الستة الذى اختارهم أمير المؤمنين عمر؟؟

علي بن أبي طالب رضي الله عنه

عثمان بن عفان رضي الله عنه

طلحة بن عبيد الله رضي الله عنه

الزبير بن العوام رضى الله عنه

سعد بن أبي وقاص رضي الله عنه

عبد الرحمن بن عوف رضى الله عنه

هناكدعاء كان يدعيه الرسول عند رؤية هلال رمضان؛

وقيل أنه كان يقوله فى كل الشهور
ولا يُشترط رؤية الهلال لك لتقوله؛ بل إذا علمت أن الهلال قد ظهر أيضًا

فما هو نص الدعاء ؟؟

… وياريت اللى هيعرفه يقوله وهو بينظر للهلال عملا بسنة النبى …

عن عبد الله بن عمر - رضي الله عنهما - قال: كان رسول الله إذا رأى الهلال قال: "الله أكبر ، اللهم أهلـَّه علينا بالأمن و الإيمان، والسلامة والإسلام، والتوفيق لما تحب وترضى ، ربنا وربك الله".
رواه الدارمي بسند صحيح، وصححه الألباني.

" أحد المصلين صلى صلاة المسبوق لأحد الفروض الخمسة

فوجد نفسه قال التشهد 4 مرات .. وصلاته صحيحة .."

كيف يكون ذلك ؟؟

فى صلاة المغرب

عند إدراك الصلاة فى الركعة الثانية بعد الركوع أو عند السجود بحيث انه يقول التشهد الأول للمصلين

ومع الركعة التالتة للمصلين …اللى هى الأولى له هيقول التشهد التانى

ولما هيكمل هو الصلاة لوحدة فى ركعته التانية هيقول التشهد

وفى الركعة التالتة له هيقول التشهد الأخير

وبكدة يكون قال التشهد 4 مرات

سهلة ،،

********************************************

[مسابقة رمضان]

الناس اللى جاوبت أسئلة 4 رمضان


هما بالدرجات
10

Karmouty

Mannora

المقصرة فى حق الله

Monyana

Miss cute

لولا



++++++++++++++++++++++
والناس دى كلها جاوبت صح



ولو حد عايز توضيح فى السؤال الاخير يبقى يقول

[مسابقة رمضان]

اجابات 5 رمضان

* من هو الصحابى الأكثر رواية عن الرسول صلى الله عليه وسلم؟

أبو هريرة هو أكثرهم رواية وفى الشهرة

وفى آخرين أمثال

عبد الرحمن بن صخر الدوسي، وعبد الله بن عباس

وأنس بن مالك الأنصاري، وأم المؤمنين عائشة ، وجابر بن عبد الله الأنصاري ،

وعبد الله بن عمر العدوي القرشي .

* ما هي أول صلاة صلاها المسلمون أثناء تحويل القبلة الى الكعبة المشرفة؟

صلاة العصر
فعن البراء بن عازب رضي الله عنه "أن أول صلاة صلاها رسول الله هي صلاة العصر وصلي معه جماعة فكان رجل ممن صلي معهم أتي جماعة المسجد فقال أشهد بالله لقد صليت مع رسول الله نحو الكعبة فاستداروا وهم يصلون".وقال بعض المفسرين إن الرسول أمر بالتحويل وهو يصلي الظهر بعد ركعتين وكان في مسجد بني سلمة فاستداروا وهم يصلون فسمي مسجد القبلتين أما أهل قباء فلم يصلهم الخبر إلا في صلاة الفجر من اليوم التالي كما جاء في الصحيحين عن بن عمر رضي الله عنه"أنهم كانوا في صلاة الفجر فجاءهم آت أن الرسول قد أمر أن يتوجه إلي المسجد الحرام فاستداروا طائعين"

* ما هي الـ 6 كتب الحديث الصحاح ؟

صحيح البخاري
صحيح مسلم
الترمذي
ابن ماجه
داوود
النسائي

* كم مرة حج الرسول - صلى الله عليه وسلم - ؟ وكم مرة اعتمر ؟ وكم رمضانا صامه - صلى الله عليه وسلم- ؟؟

حج مرة واحدة وهى حجة الوداع
واعتمر 4 مرات
وصام تسع رمضانات



فقد روى أحمد وأبو داود وابن ماجه بسند رجاله ثقات عن ابن عباس -رضي الله عنهما- أن النبي -صلى الله عليه وسلم- اعتمر أربع عمر: عمرة الحديبية -التي أحصر فيها-، وعمرة القضاء -لعمرة الحديبية-، والثالثة عمرة من الجعرانة والرابعة مع حجته

وقد أجمع العلماء على أن صوم شهر رمضان فرض في شهر شعبان من السنة الثانية من الهجرة ، وأن النبي صلى الله عليه وسلم صام تسع رمضانات ، لأنه صلى الله عليه وسلم توفي في شهر ربيع الأول من السنة الحادية عشرة من الهجرة




*****************************
الأسئلة مكنتش عايزة فلسفة وسهلة

[مسابقة رمضان]

الناس اللى جاوبت أسئلة 4 رمضان


هما بالدرجات
10

المقصرة فى حق الله

Monyana

Miss cute

لولا

ياسوو

Karmouty

Mannora

++++++++++++++++++++++
والناس دى كلها جاوبت صح