مصـر هـى أمـى .. وأمــك هـى اللى تقــدر تقــول ميــن أبــوك

[| Tears Of The Moon ●]

الموضوع دة ممكن يكون ناس كتير اتكلموا فية بس يمكن دة يكون مختلف لانة مش موجة لحد معين الموضوع دة لابناء جيلى والجيل اللى اكبر من بشوية واللى اصغر حبتين , الفشلة اللى جابوا 95% ومالقوش كلية تلمهم غير تجارة ... العيال اللى لسة مقتنعة ان عين شمس اصعب من القاهرة , وان حلايب اكثر عمرانا من حلوان وان طالبات الجامعة الامريكية بيدهبن اليها بمايوة قطعة او قطعتين مش هى دى قضيتنا دلوقتى , خريجى العلاج الطبيعى الذين لم يتم الاعتراف بهم كاكترة , والجيل الذى اكرمة الله بالفرار من سنة سادسة ابتدائى
طابور المدرسة .. النشاز الواضح فى نشيد (بلادى) الى كل من لم ينطق القسم ولم يجد مبررا لتحية العلم فوجد نفسة يحية 3 مرات يوميا شنطة المدرسة بكتبها بجلاد كرارسيها اللى لازم تبقى كل مادة بلون دون وجود سبب علمى لهذا المبدا
الى كل الاقباط اللى مابيلاقوش حد يديهم حصة التربية الدينية وينزلوا الحوش والمسلمين اللى بيلاقوا حد يديهم حصة الدين وبيتمنوا ينزلوا الحوش
للبنات اللى بيتنوا الجيبة لجوة علشان يتعاكسوا ..... كل حبيبة ممر جيمى و الـــ Love Street
ريحة الحمامات والشخبطة اللى تملا ابوابها لتفدعك للسؤال هو اللى شم الريحة دى يا ترى جاب وقت منين يكتب كل دة !!!!
حفلة منير اللى فى الجامعة الالمانية والمزز اللى بتبقى هناك العيال بتوع دار علوم اللى بيلزقوا فى باب مدرج اعلام لما بيبقوا جايبين حد يغنى الى امن الجامعة ظباط وعساكر وموظفين وعصافي , الى الجنهين اللى تدفعهما زيادة على المصروفات كمعونة شتا دون ان يخبرك الموظف بذلك
الى غرفة التربية الزراعية والليمون المعصفر ومربى التين التى لا تنتج المدارس غيرها
للنــــــــــــاس دى كلها اللى بعد ما اتخرجوا مالقوش شغل واذا اشتغلوا اول جملة يسمعوها ( انسى اللى اتعلمتة قبل كدة )
طيب انا اشتغلت وما بيحصليش مشاكل والبلد فيها شغل ممكن تقوليلى يا ماما " مصر" انا لية مريت بكل دة وفى الاخر ماحققتش اللى بحلم بية
طيب لو الموضوع مش عاجبك يا ماما مص انا ممكن اغيرة مادام مش عارف تردى عليا .... طب انا نفسى تجاوبينى على الاسئلة دى
- اصرار الدولة على اللون الكحلى لزى مدارس الثانوى والرمادى للاعدادية
- عدم ارتداء المدرسين للزى المدرسى
- ان الام مدرسة ولا تخضع للاشراف الوزارى
- ان الزمالك ايضا مدرسة
- اللى ما بيحضرش الطابور بيتاخد غياب
- محطة جامعة عين شمس اسمها "" منشية الصدر ""
- عدم دخول صحارى جامعة حلوان ضمن مشروع توشكى
- بقالنا كتير ما بنسمعش عن مشروع توشكى اساس
- اصرار امن الجامعة على رؤية كارنيهك يوميا رغم ان امين الاشرطة عارف شكلك واسمك
- يا كلب تعتبر شتيمة ويا قطة تعتبر مغازلة , رغم ان الاتنين حيوانات
- اصرار الممثلات فى سن الاربعين على الظهور كطلاب جامعية
- وجود مطب قبل كل مدرسة وبعدها
- لسة فية طلبة بيتعاكسوا
- لسة فية طالبات بتيجى بالمعاكسة
- بعض الكتب الجامعية طبعة 1986 ويتم تدريسها لحد الان

تعرفوا لما سالت امى " مصر " قالتلى اية ؟؟؟

"اجب بنفسك مستعينا بالكتاب المدرسى"

طيب بما ان انتى مصر امى قوليلى فين ابويا يمكن هو اللى يقدر يرد عليا

[MeEeGoOoO(•'.'•)]

طيب دى يمكن مبتنزلكش قدام الجامعه بالظبط انتا بتنزل بتركب مواصله كمان بس صغيره بتكون فى الجامعه يعنى تعتبر مش محطه الجامعه


تقول ايه بقى على كليه الهندسه اللى فى المطريه اللى هيا المفروض جامعه حلواااااااااااااااان

بالمناسبه واحد بيقول لواحد مصر هيا امى راح رادد عليه و قاله امك دى ب..................؟Stop(متروكه لخيال ابن مصر)

[Jasper]

يا عم كبر الخط انا اتعميت مكملتش ربع الموضوع حتى

[| سندباد ●]

خيـــــــــــر

و بلاش تحرجوا ماما

الله

[Spider GirL(•'.'•)]

مصر هى امى طبعا

وبعدين الأسئلة دى مش هتلاقيها فى الكتاب لأنها مش مهمة
مش هتفيد فى حاجة لو عرفنا الأاجابة

شكرا حمادة

[المصرية]

ياعم حد قالك انى نظرى 6 على 6
ماتكبر الخط شووية انت خسران حاجة ولا بتدفع من جيبك
ههههههههههههههههههههههههه هه
بص ياسيدى
مؤكد يعنى ان مصر الحبيبة امى زى مابيقولوا يعنى انا مقولتش حاجة هما اللى قالوه
وبعدين عيب تسأل الست الوالدة مين ابوك
بالذمة ده كلام نعمل معادلة
بما اننا طول عمرنا بنقول بابا مبارك بابا حسنى
اذن هو بابا
ودايما فى شعارتنا نقول مصر هى امى
اذن الموضوع مفهوم
وانت كدة عرفت مين بابى ومين مامى


كووووووووووووسة

[| Tears Of The Moon ●]

هههههههههههههههههههه
فهمتك
شكرا لمرورك يا محمد

[| Tears Of The Moon ●]

الخط واااضح وتماام
انا ماعرفش ازاى صغير

[| Tears Of The Moon ●]

على رأيك
دى مهما كانت ماما
ولا إيــه؟
شكرا حودة لمرورك

[| Tears Of The Moon ●]

والله انتى دولســى
كوووووووووووووووسة