أما حكاية

[جوليت]

دا أصلة أية
أنسان دا ولا مسخ ولا حكايتة أية
شقتة قصادى ... انسان؟! أحتمال
لكن مش عادى
بدأ كلامة بالسلام وقبل ما أرد عليه سلامه
بدأ كلامه :
قالى هحكى ليك حكاية
يمكن تفيدك ويمكن تتوه وسط الكلام
قالى بصراحة أنا أنسان ... دايما جبان
مليش فى نفسى أى حاجة غير الكلام
حتى الكلام بتمنع منه كمان
بطل كلام وقبل ما ألحق أسأله
رجع وقال :
أناخيال مليش كيان
بكلمة ممكن أتمحى وبكلمة تانية أظهر وبان
أنا ... بغبغان
سجين قفص كير اسمة الحياة
أسير ما بين أبتسامة وألف أه
بس هويتى نقل الكلام
حتى الكلام بتمنع منه كمان
بطل كلام جرى قوام
ملحقتش حتى أسألة
أنت مين جيت منين رحت فين
بصيت حوليه والدنيا لفت بيه
دورت عليه دورت عليا
ملقتش حد
غير المرأيا
وأكتشفت أن أنا ألى بحكى الحكاية
أما حكاية !!!!!

[| Tears Of The Moon ●]

جميلة جميلة جميلة
بس تدوخ
هههههه
شكرا سمورتى

[Spider GirL(•'.'•)]

لالا دى جديدة وجميلة

انتى بتخبيها عنى ولا اية

جميلة يا بت

[I'm Alive]

لا
بجد جميله جدا

تسلم ايدك على القصيده
وأوعى تخبى الحاجات الى زى دى تانى

[eghaism]

كيف اقدر على فراق من علمني معنى الحياه

[جوليت]

مرسى يا جماعة على الردود ويارب تكون عجبتكم

[TOYOTA]

هو احنا هنعيش اسف غلى الازعاج تاااااااانى
ههههه
مشكوره على التوبيك

[جوليت]

مرسى على مرورك بس للعلم القصيدة دى قبل فليم اسف على الازعاج بسنة

[| Amino2 ●]

لا بصراحه فظيعه
حلوه اوى
وزى ما الناس قالوا جديده فعلا
تسلم ايدك
توبيك جامد

[Spider GirL(•'.'•)]

بحبها اوى يا سمر
بتخطفنى معاكى
جامدة اوى اوى
" عارفة اننا رديت مرة قبل كدة " بس لما قريتها تانى كأنى بقراها لأول مرة