قالو وراء كل رجل عيظيم إمرأة هل العكس صحيح ؟!

[| لولا ●]

شكرا وهم لمرورك وطبعا لولا المرأة ما كنت انت عندك حق

[| لولا ●]

شكرا دراكولا لمرورك الجميل

[!..!]

لأ .. أنا مش بتكلم عن ادم وحواء


أنا بتكلم عن Wezooo .. أيوا إنت ......


مش عايزين ننسى دور الأم اللى هى أساس كل راجل فى الدنيا


هى اللى بتتعب لحد ما بيكبر وبيقدر يعتمد على نفسه وبينجح ..


مش هنتكلم عن الزوجة دلوقتى (لأن شكلك زعلان منها)


وبعدين أنا متفقة معاك إلى حد ما فى جزء من رأيك اللى قولته ..

بس مش هنقدر نعمم على أى واحد او واحده الكلام ده ..


موجوده بعض حالات النجاح من النوع ده ..


و يمكن بيحاول يثبت كيانه فى شغله او دراسته


لأنه حاسس إنه مش ليه وجود فى بيته ..


لأنها مسيطرة او نكدية او .. إلخ ..


بس من وجهة نظرى المتواضعه جداً


إن النجاح للطرفين هيكون فعلاً


بالإحساس .. والتفاهم .. والمشاركة


والموّده بينهم


....................

[| لولا ●]

طبعا يا وهم لازم يكون فى تفاهم ومشاركة بين الزوجين عشان الحياة تمشى وطبعا دور الام محدش يقدر ينكره احنا بنتكلم عن المراة بصفة عامة سواء كانت زوجة او ام او اخت المراة عموما هى نصف المجتمع والله بتتعب جداااااااااا مش عارفة ليه يا وسام انت مش متعاطف معاها بص حواليك كده وانت تعرف الام هى اللى بتنجب هى اللى بتربى هى اللى شايله الهم من ساعة ما بتجيبك الدنيا لغاية ما بتكبر ادامها يوم عن يوم

[Wezooo(•'.'•)]

بس من وجهة نظرى المتواضعه جداً


إن النجاح للطرفين هيكون فعلاً


بالإحساس .. والتفاهم .. والمشاركة


والموّده بينهم
على فكره وجهه نظر جميله جداا وانا معاكى فى كده بس انا
وضحت راى فى الاول كل اللى اقصده ان النجاح بيتوقف عليه عوامل كتير جدااا مش لازم يكون هى المراه طيب لو المرأه بس طيب فين دور الراجل
وطبعا انتوا اختونى لى الام طيب فين الاب على فكره الاتنين هما اللى عملوا من الرجل عظيم او المراه لانهم هما اللى ربوا علشان كده لازم نحاول نجيب كل الناس مش نخص واحد بعينه
وهرجع وقول ان ست الكل محدش يقدر يجى عندها
عن راى فا انا وضحته قبل كده

[| Mannora ●]

طبعا يا جماعه مش كل النساء ولا كل الرجاله...

بس بجد مفيش راجل تعيس فى حياته هيبقى ناجح فى شغله

لان النجاح بيبقى عايز طموح والطموح بيبقى عايز تشجيع وعايز

امل ازاى راجل تعيس وكاره نفسه ومراته هيبقى عنده امل وطموح

انا مش متفقه مع وسام فى حته انه بيهرب من البيت فبيشتغل احسن فبينجح....!!!!

وكمان اكيد وراء كل رجل عظيم امرأه بتشجعه بتقف جنبه

واى ان كانت الامرأه دى بس اكيد الام بتسيب اثر فى شخصيه ابنأئها

والانسان الناجح بيبقى اكيد وليد لتربيه ناحجه جايه من ام صالحه

وحكيمه وممن تكون المرأده دى اخت كبرى كانت مثل لاخوها

او مدرسه اثرت فى تلاميذها يعنى مش بالشرط الزوجه يعنى

وان كانت صالحه ومحبه لزوجها اكيد هتبقى عامل من نجاح وعظمه الرجل.....

ومش من طبع كل النساء النكد والهم زى ما الرجاله بتتهمنا

فى ستات كده وبردو اكيد فى رجاله كده والدنيا مليانه


ومش كل الناس حلوين اكيد فى الحلو وفى الوحش والا ما كنتش

تبقى دنيا....

[!..!]

إحنا قولنا إيه إن النجاح هيكون بالمشاركة وحبة الحاجات اللى فوق

بعض ...

وطبعاً مش المرأه هى سبب النجاح .. ونهمل دور الغلبان ده

قصدنا مش كدا

بس بتكون عامل مساعد فى النجاح ..

لأنها المفروض إنها بتكون سبب الراحة والأمان والإستقرار للرجل

سواء (زوج - إبن - أخ) .. وبالتالى ده هيأثر على إجتهاده وتعبه وحالته

النفسيه وهكذا........

وطبعاً قبل كل ده .. توفيق ربنا

...............

صدقوا اللى قالوا عنى رغايه !!

ربنا يمسيهم بالخير

[Wezooo(•'.'•)]

صدقوا اللى قالوا عنى رغايه !!

ربنا يمسيهم بالخير

ههههههههههههههههههه
ا يون وانا كنت عاوز اوصل لى رايك ده بس كده
بس برده انا عند راى اللى قولته فى الاول ومع رايك ده ان الكل بيشارك فى النجاح وكد يبقى خلاص اتفقنا

[!..!]

الحمد لله .. وكدا وصلنا لدرجه مناسبه من درجات سلالم المشاركة !!

مش مهم هى ايه السلالم دى .. بس فعلا النظرية بتتحقق !

شكراً ليك يا Wezooo على التفاعل العنيد

واللى ياريت يكون قرب فعلا وجهات النظر بين اللى شاركوا فى التوبيك

وعلى فكرة أنا مش رغاية نهائى

...........

وشكراً ليكِ يا لولا

[Wezooo(•'.'•)]

طبعااااااااااا شكر ليكى يالولا
والحمد لله اننا وصلنا لدرجه دى
وشكرا ليكى ياوهم على المشركه والتفاعل
وعلى فكره اللى قال عليكى رغايه بجد ظلمك