التخطيط الشيطانى فى رمضان....يلا الكل يدخل

**المصرية** · 11-08-2009 11:09 AM

بسم الله الرحمن الرحيم

والصلاة والسلام على سيد البشر

مُحمد((صلى الله عليه وسلم))

خلاص هانت ورمضان على الابواب ومش باقى الا القليل

لازم بقى نستعد

أنا متأكدة دلوقتى إن مؤكد فى ناس إستعدت

وبتعمل دلوقتى لرمضان

مش بقول الكلام ده عشان رمضان جاى وبعد مايخلص ننسى اللى عاملاناه

لا والله

ولكن هو مجرد انتهاز الفرصة مش أكتر

يعنى فرضة للتغير..

فرصة للأصلاح..

فرصة للحب..

فرصة للتسامح..

الشهر المبارك ده فى فرض كتير زى ماإحنا عارفين

بس فى تعليق صغير:

*..المسلسلات..*

المسلسلات ماهى الا تخيطيط شيطانى من أصحاب العقول الفاسدة

((النجوم يعنى))

و...مسلسلاتك عندنا وإسأل مجرب من رمضان اللى فات..

اية ده..!!

ويقولك سلى صيامك..!

هو صيامك ده واحد صاحبك هاتسليه..؟

خلاص ابقى هاتلك حبة لب على شوية سودانى واهو نتسلى عمّا المغرب يأذن

بالذمة ده كلام..؟؟

تعالوا ننسى المسلسلات دى خالص

نسيبنا منها

والله مابتأكل عيش

وحياة ربنا سيئات ع الفاضى

بالذات فى رمضان

احنا لسة بنقول فرصة..

يبقى نمشى كلامنا

يعنى نغتنم منه كل الخير

نسبح كتيييييييييير

نستغفر كتيييييييير

والقرآن طبعا لازم يتختم..

دى حاجة أكيدة

حاجة كمان((تعليق آخر)) ..صُغير برضو..

بنلاحظ بعض المطربين أى كان مين هما

بيعملوا اغانى اسلامية عشان رمضان يعنى وكدة

بذمتك بتتأثر بيها

أكيد لأ

عارف لية..؟

لأنك عارف إن اللى بيغنيها ده مابيعملش بيها اصلا

وإنك قبل كدة شوفته فى مناظر ومواقف تانية

فامش عارف تتقبل منه النصيحة أو الكلمات

ممكن تكون احيانا الغنية مؤثرة شوية

بس بمجرد ماتخلص بتنسى اللى انت حسيته

مش كدة؟؟

عشان كدة الاناشيد جميلة جداا

جرب كدة تسمع مشارى راشد العفاسى

الصوت راقى والكلمات تحفة

فى نفس الوقت بقايا الاحساس اللى بتحسه فى الانشودة

بيفضل معاك..

فكل الحكاية إن فى حاجات كدة بتبقى زى ماقولنا تخطيط شيطانى

يعقدوا يخطاطولك عشان يخربوا عليك بأى طريقة

وإنت ولا حاسس

ويحاولوا يفسدوا عليك الشهر الحلو ده بأفعالهم

وهما بياخدوا فلوس وخلاص

وإنت ياعينى بتضيع عليك حسنات كتيرة

مش كدة

عالعموم فكّروا وقرروا

وكل عام وأنتم بخير

واللهم بلغنا وأدركنا رمضان

ويلا كلنا نقول

أهلا أهلا يارمضان

**Jasper** · 11-08-2009 11:24 AM

و...مسلسلاتك عندنا وإسأل مجرب من رمضان اللى فات..

هخليهم يرفعوا عليكى قضيه هههههههه شكرا مصريه هو موضوع مهم انا بشوف ناس كتير تتكلم قدامى تقول رمضان هيجى ونهيص مسلسلات وبرامج اقولهم هو ده بس رمضان امال فى ختام القران وصلاه التراويح والتقرب من ربنا انا لما ببعد عن الصلاه فتره رمضان بيبقى فرصه ليا انى ارجع واستمر بعد رمضان كمان معلش انا طولت شويه

**المصرية** · 11-08-2009 12:47 PM

ولا طولت ولا حاجة منوور ياباشا.......

وبعدين قضية اية والله ماعملت حاجة ياباشا...
هههههههههههههههههههههه

**| لولا ●** · 11-08-2009 05:18 PM

طبعا كلنا فى رمضان نختم القران ونصلى التراويح يا جماعة ده شهر فى السنة حتى لو كنا طول السنة بنغضب ربنا علينا نخليه يرضى عننا فى الشهر الكريم ده احسن شهر فى الشهووووووور واكرم شهر طبعا مش هقول بلاش نتفرج على المسلسلات عشان ده اكيد مش هيحصل بس نخف شوية نتجه للقران شوية والادعية بجد بجد هنرتاح نفسيا ونرضى ربنا لما نمسك المصحف ونختم القران على الاقل فى الشهر الكريم مرتين يعنى كل 15 يوم نختم مرة وربنا يعينا ونرضى الله عز وجل وكل سنة وانتم طيبين ويا رب ارضى عننا جميعااااااااااااااا

**المصرية** · 11-08-2009 05:43 PM

منورة يالولتى

**| سندباد ●** · 11-08-2009 06:36 PM

الموضوع بجد مهم جدا
وبصراحة ده فى رمضان وغير رمضان
لكن هما فعلا بيزودوها أكتر فى رمضان عشان اى عمل فيه أجره مضاعف

ربنا يارب يحمى عقول شبابنا وبناتنا وأهالينا
ويبلغنا رمضان بخير

شكرا مصرية ع كلامك جميل