انت ايه؟طب ليه؟

**Messi** · 27-08-2007 01:48 PM

الموضوع عباره عن ايه؟ اقولكم انا
الموضوع عباره عن ان كل واحد يدخل يقول هو اهلاوى ولازملكاوى واسمعلاوى او اى فريق تانى اوروبى مثلا
وهو ليه بيشجع الفريق ده؟
منتظر مشاركاتكم
نحو مزيد من التواصل

**Messi** · 27-08-2007 02:05 PM

وانا هبدأ بنفسى واقول انا ليه اهلاوى
انا اهلاوى علشان حاجات كتير منها انا شوفت كوره لقيت ان فى فريق اسمه الاهلى على طول يكسب ده قبل ما افهم يعنى ايه كوره اصلا
بعد ما فهمت يعنى ايه كوره لقيت فى فريق محترم وكبير اسمه الاهلى فى اداره محترمه نادى مبادئ ومش عارف ليه كلمه مبادئ دى مبتعجبش ناس كتير من الاخوه المنافسين
وسمعت عن صالح سليم الله يرحمه وثابت البطل برده الله يرحمه وطارق سليم والناس دى كلها وعن ادارتهم للاهلى ومن يوميها وانا خلاص الحمد بقيت اهلاوى للابد بس كده حبيت النادى ومن يوميها وانا مش عارف اخلع من الحب ده
نحو مزيد من الانتماء

**● **همسة** ●** · 03-09-2007 02:24 AM

انا اهلاويه
ليه معرفش بس لما كبرت عرفت انى اخترت النادى الصح
وبدات اشجع الاهلى على حق من وانا فى تالته ابتدائى
يعنى من زمااااااااااااااااااااااا ااااااااااااااااااااااان

**..●●**آه...لو**●●..** · 03-09-2007 02:51 AM

اهلاوي على طول تبعا اهلاوي كفايا لاعبته والادارة الكويسهوبعدين الشيبسي بتاع اهلاوي طعمه حلو

**Messi** · 03-09-2007 10:03 AM

شكراااااااااااااااااااااا ااا يا همسه على مرورك
واكيد انتى اخترت النادى الصح طبعا

**Messi** · 03-09-2007 10:10 AM

ههههههههههههههههههههههههه ههههههه
شكراااااااااااااااااااااا اا يا tafatefeعلى ردك الجميل
وانت فعلا عندك حق فى موضوع الشيبسى بتاع اهلاوى

**Spider GirL**(•'.'•) · 28-11-2007 07:41 AM

انا بقى زمالكاوية بس من غير تعصب
اما السبب فأنا مش عارفاه بس بحبه جدا ودة كفاية
ZAMALEK FOR EVER
على فكرة انا مش زي الاهلاوية بكرة الفريق المنافس بالعكس انا بحب الاهلى بس بصراحة الزمالك اكتر

**● **TiTaNiC LoVeR** ●** · 28-11-2007 12:23 PM

انا بشجع الاهلى والزمالك والاسماعيلى واى نادى كويس
المهم عندى ان يكون الماتش يكون كويس
بس اكتر فريق بحبه الاهلى

**| **Silent Guardian** ●** · 28-11-2007 06:45 PM

قشطة قشطة قشطة
دراويش دراويش دراويش
كان نفسي في السؤال ده ينطرح من زمان
انا هقولك على حاجة يا عم احمد
زمان و انا صغير و غير اني كنت بحلم ابقى كبير كنت بشجع النادي الاهلي .. ليه؟ على طول شايفه بيكسب بيكسب بيكسب و كل الناس بتشجعه و مش هبقى انا اللي خارج عن الطبيعي على طول
بس شوية شوية لما فهمت كورة و بعدين لما لقيت الناس كلها بتشجع الاهلي بدون تفكير و مرة واحدة لما نادي الشرقية وصل للدوري الممتاز و كان بيقابل الاهلي لقيت ناس كتير بتشجع الشرقية .. قلت يبقى فعلا الاولى بالتشجيع هو الفريق الاقليمي و كل واحد لازم يشجع الفريق الاقليمي بتاعه .. ساعتها هيختفي من مصر قطبية الدوري و هنلاقي في فرق كتييييييييييير قوي ظهرت و هيبقى مية مية ..
فلما دورت على الفريق الاقليمي بتاعي لقيت ان الفريق الاقليمي الخاص بالشرقية هو الاسماعيلي .. اتفرجت عليه شوية و تابعته لقيت ان ميزته الوحيدة ان اللعيبة بتلعب كفريييييييييييييييييييييي ييييييييق .. لعب على الارض و بيباصوا الكورة صح و ليهم لعبهم الخاص بيهم .. عجبني الفريق و مع حكاية الاقليمية لقيت ان الفريق الاسماعيلي هو الفريق اللي يستحق اني اشجعه و انا بحبه قوي قوي
و نفسي الناس كلها تفكر هما بيشجعوا ايه ليه و بيحبوا ايه ليه؟
شكرا يا احمد على الموضوع اللي اقل ما يوصف به ... متمييييييييييييييييييز
سلاحف

**Messi** · 28-11-2007 07:16 PM

وجهه نظر برضه
بس على فكره الاهلاويه مش بتكره الفرق المنافسه ولا حاجه
انا مش عارف انتى جبتى المعلومه دى منين؟
انا مننى واحد اهلاوى الحمد لله بس بحب الاتحاد جدا وبحب المقاولون يعنى عادى