أخر دروس الرساله( الدرس السابع ): أزاى تبقى رزل وأنت ببتابع ماتش مع أصحابك

[I'm Alive]

السلام عليكم ورحمه الله تعالى وبركاته
بصراحه انا زعلان جدا جدا لأان الدرس ده هو اخر دروس الرزاله
وده أخر ماعندى وما توصلت ايه أبحاثى عن علم الرزاله
أوكى أتمنى ان أشو حد ييجى يكمل مسيرتى ويستلم الرايه من بعدى
أوكى
يالا نبتدى :

الدرس السابع والاخير
إزاى تبقى رذل فى ماتش


دلوقتى أنت قاعد فى كافيه مع أصحابك وبتشوف الماتش إزاى بقى ترذل على الناس اللى موجودة فى المكان
أدخل أقعد أنت وأصحابك وأحجز جنبك كام كرسى وكل اللى ييجى يقعد قوله محجوز
طبعا أنتوا معكوش حد تانى و صاحب الكافيه هييجى يسألك كل شوية افضل إديله أعذار بقى
هما واقفين تحت هما اتصلوا قالوا جايين فى السكة لحد ما يبقى هيولع فيك
قوم أقف كل شوية عشان تدارى على الناس اللى وراك كأنك بتطلع حاجة من جيبك
أو أعمل نفسك بتتكلم فى الموبيل ومتسألش فى حد ويا سلام لو كان معاك علم ولا حاجة
طبعا العلم ده وضيفته التقليدية تشجيع المنتخب
أنت هتستخدمه إستخدام جديد خالص هيبقى وظيفته دلق المشاريب على المتفرجين
والناس اللى هتطلب قهوة وعصير فراولة هتبقى عملت معاك أحلى واجب
كل ما الجارصون يجى يسألك هتشرب أيه قوله كمان شوية
اه قوله متشكر مليش نفس أو خيرك سابق كده يعنى
كأنه عازم حضرتك على العشا ولا من بقية أهلك
حاول تستفز الموجودين وأقعد قول دول أحسن مننا مية مرة دول مقطعينا
دول أكيد هيغلبونا دول عملوا مليون هجمة وإحنا معملناش حاجة
حتى لو كان الماتش لسه فى أوله والكورة متحركتش من نص الملعب
أفتى فى كل كورة وأعملك نفسك ناقد رياضى بس على صوتك شوية
التشكيلة دى غلط المفروض أبو تريكة يلعب ليبرو وعمرو ذكى باك يمين
والمفروض حسن شحاته يطلع عصام الحضرى وينزل إبراهيم سعيد مدافع
ويوقف شادى محمد حارس مرمى
طبعا هتلاقى واحد ولا أتنين مش بعيد الكافيه كله بيقولك لو سمحت خليك فى الماتش أحسن
دول عشان بس غايرين منك متاخدش بالك أنت من الحسد والغيرة دول
دول ولاد الناس الوحشيين اللى بيسموهم أعداء النجاح
أقعد اسأل اللى حواليك كل شوية النتيجة كام كام مع إنك مرزوع فى الكافيه من قبل الماتش بقرن
أو هو إحنا المنتخب اللى لابس لون أيه !! أسئلة غبية على قد ماتقدر بقى
حاول تخنق على الجارصون عشان يغيرلك القناة عشان فى مسلسل أنت متابعه ويغير الماتش
أو حاول تتغابى عليه قوله مثلا
على الصوت عشان مش (شايف)كويس
على فكرة الحركة دى تم تجريبها من قبل وتمت بنجاح
الباشا راح يعلى الصوت وكلنا موتنا من الضحك على غباءه
طبعا كلنا عارفين إن الجمهور عامل قوى ومؤثر
تمت بحمد الله جميع دروس الرزاله الى عندى
أنا شطبت
Red Devil

[Jasper]

هو هيرزل اه على الناس بس هما هيسيبوا الماتش ما انت خلاص ضيعت نصه فى الرزاله عليهم وهيكلوك علقه

[I'm Alive]

وماله ياعم جاسر
بس فى الاخر تحيا
الرزاله الوطنيه ؟

[Jasper]

ده انت رزل بالفطره بقى

[I'm Alive]

أنا الله يسامحك ياكبير