ميلاد القلب ....فى رمضان

**| لولا ●** · 01-08-2009 07:53 PM

السلام عليكم ورحمة الله وبركاته

ميلاد القلب ..... قبل رمضان

رمضان معدش عليه غير أقل من أيام واحنا أكيد كلنا مشتاقنله جدا ...... اللهم بلغنا رمضان أعوام كثيرة وأزمنة مديدة

آمين يارب ....... بس عشان احنا بنحبة ومشتاقينله ، لازم نستعدلة بعد غياب سنة ، لازم يجي يلاقينه في أبهى صورة مستنينة،

عشان نعيش كل لحظة من منه مستمتعين بيه وعشان كدة احنا عايزين نتولد من جديد...... عايزين نعمل ميلاد قلب.....عايزين نحط قلبنا القديم ورا ظهرنا ، عايزين ننسى القلب المكبل بسلاسل الشهوةوقيود ، المعصية عايزين نتحرر من الغفلة والبعد عن ربنا ....... يلا ياجماعة دي فرصتنا عشان نتولد من جديد ونحس بالحياه بطريقة جديدة

يعني انهاردة ده يوم ميلادك ...... ميلادك بطعم جديد للقرآن طعم زي الي ذاقه النبي لما قرأهود وأخواتها فأحس بطقطقة الشيب تدب في رأسه

وذاقه عمر عندما سمع سورة طه فأسلم على الفور

وذاقه كفار قريش لما سمعوا سورة النجم **فَاسْجُدُوا لِلَّهِ وَاعْبُدُوا ** خروا سجدا وهم على كفرهم لعظمة ماسمعوا

ميلادك الجديد يوم ما تحس بطعم الصلاة لما تحس بلذاذتها مستشعرا انها آخر صلاتك قبل موتك

ميلادك الجديديعني انك تنقي قلبك من كل ما يكره الله من حقد ورياء وكبر وإعجاب وتستبدله بتوبة وتوكل وخوف ورجاء لأن قلبك ده ربنا بيبصله **إن الله لاينظر إلى صوركم ولا أموالكم ولكن ينظر إلى قلوبكم وأعمالكم صحيح أخرجه مسلم وابن ماجة وأحمد وفي رواية لمسلم إلى أجسادكم ولا إلى صوركم **

ميلادك الجديد ساعة لما تنخلع من عبادات صارت أقرب الى العادات وحسنات فقدت روح الحسنات فكأنك أسلمت الآن وذقت حلاوة الإيمان الآن

**أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ **

فالآن الآن قبل الا يكون آن..........

قد آن يارب قد آن

ميلادك يعني هزيمة للشيطان بداخلك لذا ينصب لك الشيطان مكائدة

مكيدة التزود من الخير : فيحمل قلبك مالا تطيق ....... ماتخدكش الحماسة وتقول هعمل وهعمل وبعدين من كتر الي انتى كلفت نفسك بيه ماعملتش حاجة(( أحب الأعمال الى الله وأدومها وإن قل ))

مكيدة الأمل المفقود تارة تزيد وتارة تنقص عادي كلنا كدة فالايمان يزيد متياسش

وتباه كده قد حققت مراد الشيطان فيك وتعلم ان المعركة جولات وأن التوبة الصادقة منك تنسف ما سلف** وَأَقِمِ الصَّلاَةَ طَرَفَيِ النَّهَارِ وَزُلَفًا مِّنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ **

قبل الميلاد:

1 : أنت قبل قرآتك معذور وبعدها انت محاسب على كل ما قرأته

2 : ان لأهلك عليك حق وأول حقوقهما ان تدلهم على الخير

3 : العبادة نوعان :

1: سر :ترجوا بها ثواب عبادة السر

2: الجهر : ترجوا بها أجر دعوة غيرك للإقتداء بك

لمضاعفة الثواب بلغ 5 ممن تعرفهم وكلمهم عن رمضان وأهميته

فمع بعض هنحاول نتولد من جديد ......حتى رمضان