مواصفات الزوجة الصالحة قصيدة روعة

**| please smile ●** · 31-07-2009 08:53 PM

السلام عليكم ورحمة الله وبركاته

انا لقيت قصيده لفتت نظري فحبيت اعرضهالكم
بس ياريت تكملوها للاخر

حبيتك لإلتزامك . . . . . . ....... . . . . حبيتك لاحترامك
حبيت فيكي التواضع . . . . . . . . . . والعزة اللي ف كلامك
مبسوط منك لأنك . . . . . .......... . . . إسلامك كل همك
أنا أصلي قابلت بابا . . . . . . ...... . . . . واداني فكرة عنك
******

وسألته عن طباعك . . . . . . .... . . . . . إن كانت يعني هادية
فحكالي عن سماعك . . . . . . .... . . . . . لكلامه وانت راضية
وازاي بتسلي نفسك . . . . . . .... . . . . . بذكرك وانت فاضية
وحلاوة صوت تلاوتك . . . . . . . . . . . . وازاي بتكوني شادية

* * *
وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . ..... . . . . . مطبوعة نسختين
غني كنت أو فقير . . . . . . ...... . . . . . ليك عند بنتي دين
سرك هيكون في بير . . . . . ... . . . . . . معرفش مكانه فين
تفضل دايماً كبير . . . . . . . ....... .. . . . في نظرها حبتين
لو جيت بفلوس كتير . . . . . ...... . . . . . تطمن جت منين

عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . .. . . . . . فسألته يعني إيه؟!
قاللي العادي إللي كان . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان
ده العادي بتاعنا إحنا . . . . .. . . . . . بنربي عليه عشان
لو جينا ولا رحنا . . . . . . ...... . . . . . هنقابل الرحمن
عمرك ما تخاف عليهم . . . . . . . . . . . ولادك في الأمان
أنا بنتي هتربيهم . . . . . . . .... . . . . ع السنة والقرآن
هتشوف ابنك بيصحى . . . . . . . . . . . مادام سمع الأذان
ينزل في الفجر يقرا . . . . . .. . . . . . بالسجدة والانسان
هتشوف في حجاب بناتك . . . . . . . . . . العفة والإحسان
هتشوف إزاي مراتك . . . . . . . . . . . هتعينك إنت كمان

التكملة هجيبها فى موضع تانى لانها طويلةاوى

**| لولا ●** · 31-07-2009 08:59 PM

حبيتك لإلتزامك . . . . . . ....... . . . . حبيتك لاحترامك
حبيت فيكي التواضع . . . . . . . . . . والعزة اللي ف كلامك
مبسوط منك لأنك . . . . . .......... . . . إسلامك كل همك
أنا أصلي قابلت بابا . . . . . . ...... . . . . واداني فكرة عنك

تحفة يا محمود رائعة كلمات جميلة جدا تسلم ايدك