هتفضل فى قلبى

**حياتى من دونك عذاب** · 24-08-2007 07:18 PM

اسم القصه:
هتفضل فى قلبى
الابطال
1.هبه
2.هيثم
3.الام(هبه)
4.الاب(هبه)
5.الاب(هيثم)
6.الدكتور.
7.رانيا.
8.المدير.
نبذه عن الشخصيات
هبه
هى شخصيه رقيقه جدا ورومانسيه وهى حساسه ايضا بتحب الحياه لا يهمها سوى ان الباقين والاشخاص الذين تحبهم يكونو سعداء على حساب نفسها .وهى ايضا فتاه متوسطه الحال من الطبقه المتوسطه تعمل جرسونه فى مطعم وجميع الزبائن يحبونها لرقتها وذوقها فى التعامل .
هيثم
هو شاب وسيم من طبقه فوق المتوسطه ولكنه يحب الاعتماد على النفس واحتمال المسئوليه وكان يحاول ان يلبى كل طلبات عائلته وهو شخص ملىء بالحيويه والنشاط فهو محل الثقه لاى شخص حتى ان مديره الذى يعمل عنده ولم يكمل فتره كبيره الا انه يثق فيه كثيرا فهو رجل بكل معنى الكلمه الكثير من الفتيات يتمنون لو ينظر اليهم ليس لانه شديد الوسامه ولكن لمدى رقته فى التعامل ورجولته مستعد ان يفدى حبيبه بقلبه وروحه.
والده هبه
سيده بسيطه تحب المنزل واسرتها كثيرا مستعده ان تفعل اى شىء فى سبيل ان تعيش اسرتها حياه سعيده.
والد هبه
شخص مكافح جدا .
والد هيثم
شخص حنون قام بدور الاب والام فى وقت واحد نظرا لوفاه والده هيثم وهو فى سن مبكره .
احداث القصه
تبدا فى منزل هبه التى تستيقظ مبكرا وتعد مع عائلتها يفطرو سوا وبتاكل هى بسرعه لان ابن الجيران مستنيها وهو هيثم حبيبها الوحيد الاول والاخير .
هيثم:صباح الخير يا حبيبتى .
هبه:صباح النور يا عمرى عامل ايه ؟ كويس ولا مش كويس رد قولى على فكره انت وحشتنى اوى انت ما بتردش ليه.
هيثم:انتى مديانى فرصه ارد عماله تتكلمى وتسالى اصبرى هرد عليكى
تقاطعه هبه فى الكلام وتقوله
هبه:اعمل ايه اذا كنت باشتاقلك كل ثانيه وبابقى عايزه اقوللك كلام كتير تعرف ان انت حتى وانت معايا بابقى مشتقالك جدا ده انا حتى بغير من شغلك لانك بتعد فيه كتير.
هيثم:يعنى انتى عايزه تفهمينى انك بتحبنى اكتر ما انا بحبك لا طبعا انا حبى ليكى كبير جدا ما حدش حتى يقدر يحسبه ويعرف هو اد ايه لانك ماليه عليا الدنيا كلها.
هبه:معلش انا لازم امشى بسرعه المدير واقفلى انا شكلى اتاخرت.
هيثم:ما انا قلت بلاش الشغل اصلا ليه تبهدلى نفسك انا مبستحملش اشوف حد يبصلك بصه وحشه علشان خاطرى حاولى تسيبيه.
هبه:انت عارف ان مصاريف البيت كتير وبابا مش قادر علينا كلنا انا باخفف عليه بانه ميصرفش عليا وبعدين نكمل كلامنا بعدين انا متاخره ولازم امشى بحبك موت سلام.
هيثم :باى بس هنكمل كلامنا بعدين.
وراح كل واحد الشغل بتاعه لكن كل واحد منهم فى بال التانى وفى قلبه كل واحد مبيفكرش غير فى التانى ومبيحبش غير التانى ومبيشوفش فى دنياه اغلى من التانى.
وهبه فى الشغل جالها تليفون وراحت ردت.
هبه:الو....ايوه يا حبيبى فى حاجه.
هيثم:ايوه يا هبه ازيك انا مش هقدر افوت عليكى بعد الشغل النهارده لان ورايا شغل كتير معلش يا حبيبتى متزعليش.
هبه:لا يا حبيبى ولا يهمك المهم تخلى بالك من نفسك وانا هستناك فى البلاكونه بس اوعى تتاخر.
هيثم:اوكى وانتى متتاخريش فى الشغل ومتروحيش مع حد امشى لوحدك ولو حد عاكسك مترديش اوكى.
تضحك هبه ضحكه رقيقه
هبه:متخافش مفيش غيرك بحبه ومفيش غيرك يملا عينى انا هقفل دلوقتى لان المدير جه ربنا يستر باى باى يا ماما انا هجيب لبابا الدواء وانا جايه.
هيثم:يارب يطردك ونخلص من الشغل ده باى.
المدير:كل ده بتتكلمى فى التليفون انتى جايه تعملى اتصالات ولا جايه تشتغلى ركزى فى شغلك.
هبه:بترد بخوف لا اصل ماما اصدى بابا تعبان وماما كانت بتقولى اجيبله الدواء لان دواه خلص اسفه يا فندم بجد اللى حصل ده مش هيتكرر تانى.
المدير:ابقى سلميلى على هيثم يا هبه ومتكدبيش تانى فاهمه.
هبه: باستغراب حاضر يا فندم.
ومشيت تشوف شغلها.
وروحت هبه بعد انتهاءوقت الشغل واستنت هيثم فى البلاكونه زى ما وعدته وجه احمد بس كان اتاخر اوى وهى قلقت جدا ومش عارفه توصلله بس الحمد الله فى الاخر جه وكانت بتكلمه بهمس .
هبه:ايه يا هيثم اتاخرت اوى كده ليه قلقتنى عليك اوى الشغل كان كتير اوى للدرجه دى .
هيثم:معلش يا حبيبتى الشغل كان كتير اوى بس فى حاجه هقولهالك بكره مفاجاه حلوه جدا بس خليه لبكره لانى تعبان اوى دلوقتى تصبحى على خير.
هبه:لايا هيثم قول انت عارفنى مبعرفش انام الا لما اعرف كل حاجه قول.
هيثم:طاب يلا يا حشريه تصبحى على خير لانى تعبان اوى ادخلى يلا.
هبه:طيب وانت من اهله.
وجه الصبح وهبه مستنيه تعرف المفاجاه.
هبه صحت هيثم الساعه 7 الصبح بالتليفون كل ده علشان تعرف المفاجاه.
والد هيثم:الو... سلامو عليكم من معايا.
هبه:وعليكم السلام يا عمو انا هبه جارتكم .
والد هيثم:ازيك يا بنتى وازاى الوالد ومامتك واخواتك.
هبه:كلنا الحمد الله كويسين يا عمو وحضرتك صحتك عامله ايه.
والد هيثم:خير يا بنتى فى حاجه بابا عايزنى فى حاجه.
هبه:لا يا عمو انا بس كنت عايزه هيثم اساله فى حاجه عنده فى الشركه اصل ابن خالتى عايز يقدم شغل فى الشركه فكنت عايزه اساله على الاجراءات ازاى يقدم وكده يعنى.
والد هيثم:حاضر يا بنتى هحاول اصحيه اصله جى امبارح من الشغل متاخر .
هبه:معلش يا عمو هتعبك معايا.
والد هيثم:لا ولا يهمك يا بنتى الجار للجار.
راح والد هيثم علشان يصحيه بعد محاولات كبيره جدا.
والد هيثم:اهو يا بنتى صحى بعد عذاب كلميه وياريت يفوق ويروح الشغل .
هبه:انا هفوقهولك يا عمو واخليه يروح الشغل.
هيثم:الو..ازيك يا هبه انتى هتفضلى حشريه كده على طول كده ممكن تتعبى بردو مش هقولك دلوقتى ايه المفاجاه.
هبه:انا مش متصله علشان اعرف اصلا انا بس بصحيك .
هيثم:يا سلام انتى بتكدبى صح.
هبه:لا بقول الحقيقه.
هيثم:طاب وحياتى عندك انتى بتكدبى ولا لا.
هبه:حلفتنى بالغالى بكدب بس انت عارف انا بحب اعرف كل حاجه.
هيثم:بس تعرفى لو اعرف انى كل ما اقولك ان فى مفاجاه هصحى على صوتك كنت عملت فيكى كده كل يوم بقولك متروحيش الشغل النهرده علشان عايز اقولك على المفاجاه ماشى .
هبه: بس انا عندى شغل كتير خليها بعد الشغل قوللها دلوقتى ونتكلم فيها بعد الشغل.
هيثم:لا يلا روحى البسى بسرعه ادامك نص ساعه والاقيكى ماشى.
هبه:حاضر شوفت انا مطيعه ازاىو بسمع الكلام قولى اى حاجه عن المفاجاه بتتكلم عن ايه اى معلومه.
هيثم:لابطلى بقى روحى البسى وانتى تعرفى باى.
هبه:اوكى باى.
وراحو المكان اللى دايما بيروحوه جنينه الزهور.
هبه:انا ساكته مش راضيه اسالك على المفاجاه يلا قولى بقى ايه هى.
هيثم:قوليلى الاول انتى بتحبينى اد ايه.
هبه:اد الدنيا واكبرشويه يلا بقى قولى فى ايه ايه هى المفاجاه انا ما نمتش مستنيه المفاجاه قول يلا.
هيثم:خلاص هقولك انتو فاضين فى البيت يوم الخميس الجاى.
هبه:فاضين ازاى يعنى.
هيثم:يعنى موجودين فى البيت ولا هتخرجو.
هبه:لا موجودين اوعى يكون اللى فى بالى.
هيثم:لا اللى فى بالك انا حوشت تمن الشبكه اللى باباكى عايزاها والشقه موجوده بس العروسه موافقه ولا لاء
هبه :موافقه طبعا ده انت لو ما كنتش عملت كده كنت روحت خطبتك انا.
هيثم:وانا اقدر ما اعملش غير كده انتى الانسانه اللى انا عايز اكمل حياتى معاها .
وراح هيثم فعلا لوالدها ووافق وكانت سعاده هبه وهيثم محدش يقدر يوصفها كله فرحان محدش مضايق لانهم اوفى قلبين لبعد واحسن اتنين.
كان فى واحده زميله هيثم فى الشغل كان دايما يلاحظ ان معاملتها معاه مختلفه عن الباقيين دايما مهتمه بيه بتسال عليه على طول وبتكلمه دايما وهبه لاحظت الحكايه دى بردو وهو كان دايما يقولها احنا مجرد زمايل بس هى بتعزنى اكتر شويه دى حتى فرحت اوى لما قلتلها ان احنا خلاص هنرتبط بس مش عارف ليه ما جتش الخطوبه هى قالت انها كانت تعبانه وهبه كان بتصدق وفى يوم راحت هبه لهيثم الشغل مفاجاه وراحت ودخلت مكتبه وفجاه لقت زميلته دى اعده معاه بطريقه غريبه مش طريقه زمايل وشفها هيثم وراحلها على طول .
هيثم:ايه المفاجاه الحلوه دى مش كنتى تقوليلى انك جايه .
هبه:ليه علشان تعرف تظبط نفسك قبل ما اجى.
هيثم:انتى بتغيرى عليا يعنى بتموتى فيا .
هبه: لا مبغيرش اقولك اه بغير وما تقلبهاش هزار انا متاكده منك بس هى مش مستريحلها.
هيثم:والله زى اختى يا هبه انتى بس اللى حبتتى وحياتى وكل حاجه.
هبه:طيب خلاص انا مصدقاك.
هيثم:لا انتى شكلك لسه زعلانه تعالى بس نروح نعد فى اى حته.
وركبو تاكسى ومشيو وهيثم قدر يقنع هبه انهم فعلا صحاب وانها مجرد زميله عزيزه مش اكتر واقتنعت هبه وهما راكبين فجاه اتصدم التاكسى باتوبيس حكومى مليان ناس طبعا الضحايا المصابه اتنقلت على المستشفى وكان من بينهم هبه وهيثم وراحو المستشفى وهيثم كانت حالته اصعب من هبه هبه كانت محتاجه قلب وكان فى مصاب مات لكن قلبه سليم واهله وافقو انها تاخدو وعملت العمليه ولما قدرت تتكلم اعدت تسال عن هيثم ويقولولها هو كويس بس فى العنايه المركزه ولما قدرت تقوم راحت للمرضه تسالها هو فين فى المستشفى ودتها للدكتور المتخصص لحالتها على طول.
الدكتور:اهلا يا انسه هبه اتفضلى .
هبه:اهلا يا دكتور انا عايزه بس ابص على هيثم مش هزعجه ولا حاجه .
الدكتور:للاسف هيثم تعيشى انتى.
هبه:لا انت اكيد بتهزر هيثم لا قولى انك بتهزر او انى بحلم وانهارت هبه خالص واعدت تقول ليه يا هيثم سبتنى اعيش لوحدى بعدك هعيش لمين انا ما ليش غيرك .
واتعصبت هبه جدا وبدات تكسر الحاجات اللى فى الاوده والدكتور طلب مساعده الممرضين علشان تروح اودتها وخدت حقنه مهدئه والصدمه كانت شديده اوى على هبه وجالها بسببها انهيار عصبى وفضلت شهر تعالج نفسيا من الازمه دى رغم الجرح الكبير اللى جواها لكن قدرت تقاوم علشان تخلى بالها من بابا هيثم واول ما خرجت استقالت من شغلها لان هيثم مكنش بيحبه ودورت على شغل تانى يشغلها ولقت شغل كويس .
فى يوم وهبه ماشيه فى مشوارعاللى ليها فيها ذكريات مع هيثم قابلت رانيا زميلته فى الشغل اللى كان بيعزها.
رانيا:ازيك يا هبه عامله ايه؟
هبه:الحمد الله كويسه.
رانيا:البقيه فى حياتك موت هيثم اثر فينا كلنا.
هبه:وحياتك الباقيه.
رانيا:انا كنت عايزه اقولك حاجه.
هبه:اتفضلى.
رانيا:انا عرفت انى كنت سبب خلاف بسيط بينك وبين هيثم انا بحب هيثم وقلت له لكن هو رفض لانه بيحبك انتى ومبيحبش حد غيرك حبه ليكى مالوش حدود انتى حياته ومكنش شايف غيرك انتى كنتى ماليه كل حياته .
وعيطت هبه قوى علشان فكرت قبل كده ولو للحظه ان هيثم ممكن يخونها وشكت فيه.
رانيا:انا اسفه مش قصدى اضايقك.
هبه:انا عارفه بس انتى عارفه هيثم كان كل حياتى كان كل حاجه حلوه فى دنيتى انا بحبه اوى ومش قادره اتقبل انه بعيد عنى.
رانيا:بس هيثم لو شافك فى حالتك دى وانك مش واخده بالك من صحتك كده هيزعل انتى لسه طالعه من عمليه كبيره خدى بالك من نفسك.
هبه:ان شاء الله ربنا يقوينى علشان اقدر ارعى بابا هيثم واعملله كل حاجه حلوه بيحبها.
انتهت المقابله وهبه قررت تسال عن مين اللى اداها قلبها وتشكره ولو اهله محتاجين مساعده تحاول تعملها وراحت للدكتور.
هبه:صباح الخير يا دكتور.
الدكتور:صباح النور يا هبه صحتك عامله ايه؟
هبه:الحمد الله كويسه كنت عايزه اطلب من حضرتك طلب.
الدكتور:اتفضلى.
هبه:انا عايزه اعرف عيله الشخص اللى اتبرعولى بقلبه علشان اشكرهم.
الدكتور:ما تشغليش نفسك عيلتك قامت بالواجب عنك.
هبه:انا عايزه اعرف معلش يا دكتور ارجوك.
الدكتور:مش لازم يا هبه.
هبه:بس انا مصره.
الدكتور:انا خايف على صحتك.
هبه:من ايه يا دكتور!
الدكتور:يعنى لو شوفتى حاله عيلته تضايقى اصله كان شاب قريب من سنك.
هبه:لا ما تخافش يا دكتور.
الدكتور:بتردد اللى اداكى القلب هو وسكت الدكتور.
هبه:مين يا دكتور.
الدكتور:واحد انتى عارفاه كويس اوى.
هبه:انا.....مين؟هو كان فى حد اعرفه فى الحادثه غير هيثم.
وسكتت هبه وفجاه الدكتور قال .
الدكتور:هيثم يا هبه اللى اداكى قلبه.
هبه اتصدمت واعدت تضحك شويه وتعيط شويه والدكتور استغرب منها اوى وحاول يهديها وهى مستمره فى حالتها.
هبه:يعنى فى حاجه جوايا من هيثم حبيبى حتى وهو بعيد عنى بيساعدنى انا فرحانه ان فيا قلبه انا لازم اعيش حياتى الجايه علشانه مش علشان غيره هو قلبى وحياتى وهيفضل قلبه فى قلبى ولا عمرى هحب غيره ولا قلبى هينطق غير باسمه.
النهايه