ايه رايكو يا جماعة لو..................

[ahmed ammar]

ايه رايكو يا جماعة لو كل واحد كتب سؤال عايز يساله والكل يجاوب عليه
اعتقد دى فكرة جميلة وكنا هانستفيد من خبرات بعضنا

وشكرا

[| MonyanA ●]

موضوع هايل وجميل جدا
شكرا على فكرتك يا احمد
اول سؤال عندى
لية دايما بنفتكر الماضى ونندم علية مع ان الحاضر بيكون احسن؟؟؟؟

[ahmed ammar]

شكرا لمرورك انا رايى ان الواحد بيفتكر الماضى لانه بيحس انه لو رجع تانى للماضى ممكن يحقق حاجات كتير كان ممكن يعملها فى الماضى عشان كده بيندم على الماضى الذاهب بلا رجعة
ده رايى انا فى غيرى ممكن يكون رايه احسن منى وارجو التعقيب على رايى وشكرا

[| please smile ●]

الموضوع فكرته جميلة

بصى لان الماضى دايما بيبقى ذكريات مهما تكون جميلة او وحشة
والذكريات لاتنسى تظل محفورة فى العقول
ولو ذكريات حلوة بنفرح بيها
ولو ماضى وحش بنندم عليه بس للاسف ممكن الندم دة ميخلكيش
تفكرى فى الحاضر خالص قعشان كدة لازم ننسى اى حاجة اليمة مرت بينا

[Kool]

ايه يا عم غنيمى العبقريه دى كلها
عاوز كل واحد يحط سؤال
طيب جهز نفسك بقى وانا هجبلك شويه أسأله
بس لما نتيجه التنسيق تبان
علشان اعرف اقولك يا باشمهندس بقلب جرىء
شكرا يا عم على موضوعك

[Dody Doda]

موضوع جميل والسؤال جميل برضه
في اعتقادي اننا بنندم علي ذكرياتنا سواء حلوة او وحشة
لو حلوة بنندم لانها راحت مننا ومش عرفنا نستمتع بيها كويس
لو وحشة بنندم لاننا بنحس اننا كنا ممكن نخليها احسن بس احنا رضينا بالوجه الوحش فيها
تسمحولي ان انا اسال بقي
ممكن اعرف ليه احيانا بنحس بصعوبة في تصديق الشخص الي قدامنا وبنحس دايما انه ممكن يكون بيكدب عليك مع انه ميكنش كدب عليك قبل كده
وياريت محدش يقول ان ده عقدة
لانها لو كانت عقدة كنت تحس ان كل الناس كدابة لكن علشان تحس ان الشخص ده بس هو الي بيكدب عليك ده يكون موضوع تاني

[LovelyGirl55]

so nice

[MeEeGoOoO(•'.'•)]

الاجابه فى كلمتين من وجهه نظرى انا يعنى وهيا

عدم ثقه مش اكتر فى الشخص اللى قدامك وهوا انك بتكون مش بترتاحله او حاجه زى كده بتخليك فاكر ان كل اللى بيقوله كدب مع انه مش بيكون بيكدب

او بتكون سمعت كتير عنه مثلا انه بيكدب فاانتا وانتا معاه مبتبقاش عارف ان كان كلامه كدب ولا لا

دى وجهه نظرى انا

اكيد فى اراء كتير غيرى

[| please smile ●]

بصى للاسف الكدب دلوقتى بقى اسهل حاجة ممكن الواحد يرتكبها
واغلب الاحيان تلاقى الكدب من اقرب الناس
لكن لما يكون واحدة انتى واثقة فيها عمرها مهتكدبب عليكى
لكن للاسف غالبا الثقة دى بتبقى خطا
ومش حكاية معقدة لكن دى مشكلة كبيرة بجد ممكن تخسرى ناس بسبب كدة
الحل ان لو قالت حاجة انتى مش واثقة فيها لازم ترفضيها حتى لو شك بسيط

اسف انى طولت عليكى

سؤال انا بقى

لية ياجماعة اغلب الاصدقاء بيبقوا خاينين؟

[مـيــلانـــو]

انته قولت ليه أصلا أصدقاء

هو فيه صديق خاين ؟؟

انا ممكن أقولك ان جايز انك تلاقى صديق دى نادرة
لكن الصحاب كتير


بس لما تلاقى صديق خاين
انا أصلا معرفش قصدك ايه بالخيانة

بس أكيد فيه عيب منك بردو يخليه يفكر فى كدة

----------------------------

بس سؤال بالمناسبة :

هى الخيانة اللى بيتكلم عنها بين الصحاب
عن ايه بالظبط أو زى ايه يعنى ؟؟


عمرى ماحسيت ان حد خاننى
ولا انا دماغى اللى عالية
ولا محدش يقدر أصلا