رسالة خاصة للمتصفحين بدون ردود ...

**Eng Super Hero** · 20-07-2009 05:09 AM

**Miss Cute** · 20-07-2009 06:58 AM

جميل ان الواحد يرد لو حتى بكلمة شكرا كلمة صغيره بس تحمل شيء كبير

وهقوولك انت كماان شكراا ع موضووعك الجميل ده

**Eng Super Hero** · 21-07-2009 01:15 AM

شكرا ليك على مروك وتفاعلك مع الموضوع

**زويله الصغيره** · 21-07-2009 01:21 AM

ده بيحصل كتير فعلا ومش فى المنتدى هنا بس ده فى منتدايات كتير
بس انا حقولك بيبقى احيانا الواحد مش عنده وقت انه يرد فعلى الاقل بيقرا
وفى ناس بيعجهم المنتدى فيسجلوا على شان ينزلوا المواضيع فى منتدى تانى
فمن الطبيعى ان هما بيقروا الموضوع قبل ما ينزلوه

متشكرين على اهتمامك بالاعضاء

**Eng Super Hero** · 21-07-2009 01:30 AM

شكرا يا زوييله على تفاعلك مع الموضوع

بس دا لو حتى كلمه(( شكرا ))لو الواحد مش فاضى مش هتاخد من وقته كتير

**!..!** · 21-07-2009 02:16 AM

كلامك جميل ..

بس من وجهة نظرى

إن المشكلة مش فى عدم الرد ..

المشكلة هل فعلا اللى قرا الموضوع إستفاد فعلا ولا لأ ؟!

بصراحه انا عن نفسى بتضايق لمّا حد يدخل يرد على موضوع ليّا ويقولى

شكراً .. تقبلى مرورى .................. وهكذا

طيب فين المناقشة ؟؟

أنا طبعا مش بقلل من الأعضاء دى ولا حاجه

بس لما تدخل موضوع ليك وتلاقى الردود اللى فيه ( مجاملات)

الصراحه حاجه تجيب إحبـــاط وإحنا أساسا محبطين من غير حاجة !!

وعلى العموم كتر خيرّهم برضه .. بس إحنا

محتاجين عقول متفتحة وفكر هادف .. علشان نقدّر نفيد ونستفيد ..

بس انا برضه مش كل موضوع هدخله هرد عليه

لأن مش هينفع ارد على كل المواضيع

لأن

أولا : كدا هقعد طول اليوم على النت ومش هقوم ابداااا

ثانيا : فى مواضيع بصراحه مش بتحتاج رد ..( مش اى مواضيع يترد عليها)

وبرضه مش بقلل من قيمة المواضيع ولا من قيمة اصحابها

ثالثا : احيانا الواحد بيكسل يرد بعد يوم شاااااااااق

رابعاً : أحيانا اوقات بفتح صفحه وأجى ارد بعد ما اكتب الرد الاقى النت فصل

او الكمبيوتر يفصل فبنسى ارد تانى .. او بزهق فى حالة إن النت يفصل .

خامساً : انا واحده من الناس مش بحب مشاركاتى تكون شكرا وكدا يعنى لو موضوع فى مناقشه بفضله اكتر بكتير من الموضوع اللى هرد عليه بتقبل مرورى .

.
.
.

وانا رديت على الموضوع اهو

ياريت اكون وضحت لك وجهة نظرى ويمكن تكون وجهة نظر بعض الأعضاء .

**Eng Super Hero** · 21-07-2009 02:50 AM

كلامك صح يا وهم بس عندى تعقيب

1 - مش كل الموضواعات بتحتاج لمناقشه فبيكون الرد عليها لا يتعدى الشكر وما ينفعش يكون غير كدا

2- انتى قلتى ان الواحد ساعات بيكسل يرد بعد يوم شاق
ممكن لو كلمة (( شكرا )) فقط تغنى

3- وانا معاكى ان الاستفاده اهم من الرد بس افرضى انتى استفدى مش لازم تشجعى العضو صاحب الموضوع عشان يحس بنفسه ويستمر فى وضوع المواضيع الهادفه والمهمه ؟؟

4- اما حد يدخل ويقلى شكرا احسن ما تتعدى مشاهدات الموضوع ال50 مشاهده
وما يكنش فيه ولا رد

5- اشكرك على تفاعلك مع الموضوع بجديه