تحذير هام...اوعى تتجوز واحدة مثقفة

[Eng Super Hero]

تحذير هام .. أوعي تخطب واحدة مثقفة ..


الخطيب : حبيبتي .. انتي النهاردة حلوة اوي بجد زي القمر.
الخطيبة : قمر انت بتقول قمر .. انت اتجننت انت متعرفش ان القمر دة كله نتؤات و مرتفعات .. و ان نصفه مظلم .. و ان كمان جاذبيته سدس جاذبية الارض .. يعني انت قصدك تقول اني وحشة و ضلمة و معنديش جاذبية..


الخطيب : حبيبتي نفسي احقق ليكي كل احلامك .. نفسي اجبلك نجمة من السما..
الخطيبة : نجمة .. انت بتقول نجمة .. انت ايه عاوز تخلص مني .. انت مش عارف ان النجوم دي نار و لهب و غاز الهيدروجين و الهيليوم و ان درجة حرارتها عالية جدا لو قربت من الارض ممكن تصهرها .. انت للدرجة دي بتكرهني و عاوز تخلص مني .. ليه؟


الخطيب : حبيبتي : انا خلاص مبقتش اقدر استغني عنك .. انتي خلاص بقيتي بالنسبالي زي الميه و الهوا ..
الخطيبة : انت بتقول ايه؟ انت مش مدرك خطورة اللي بتقوله؟ انت مش عارف ان الميه و الهوا بقوا خلاص ملوثين و بيتسببوا في الامراض .. قصدك يعني ان انا بجبلك المرض .. و انت بقي شايفني السحابة السودا و لا تلوث النيل ..


الخطيب: حبيبتي عيونك جميلة اوي بحب اشوف نفسي فيهم ..
الخطيبة : قصدك ان انا عنيا زي شاشة الكمبيوتر اللي بتطلع اشعاع .. يعني ايه قصدك اني مضرة بصحتك ..


الخطيب : حبيبتي انتي لا زي القمر و لا ميه و لا هوا و لا عاوزة اجيبلك حاجة و لا يهمني اشوف نفسي في عنيكي ..
الخطيبة : ايوة كدة اخيرا فهمتني ..
الخطيب : ايوة طبعا يا حبيبتي .. انا حقوم امشي ..
الخطيبة : اوكي يا حبيبي
الخطيب: اة بالمناسبة نسيت اديكي حاجة مهمة ..
الخطيبة: ايه هيا
الخطيب : دبلتك اهي .. اشوف وشك علي خير و لا اقولك بلاش اشوفه خالص .. اريح ..

عزيزي الرجل .. اوعي تخطب واحدة مثقفة ههههه

[| Mannora ●]

ومالهم المثقافين ...

وكلامها كل صح وملاين عبر حتى....

[Miss Cute]

ههههههههههههههههههههههههه هه


جميله اوووي شكراااا

[| Tears Of The Moon ●]

والله العظيم انا هطلع من هدومى
الله يقرفك يا شيخة

شكرا يا عم اسلام

[المصرية]

هههههههههه
اية البت دى..

[Eng Super Hero]

ههههههههههههههه

انا حذرت وخلاص ومليش دعوه

مشكورين يا جماعه على المرور والردود

[● TiTaNiC LoVeR ●]

ههههههههههه

[| لولا ●]

لالالالالالاء مش ممكن هو فى كده دى بجد خنقتنى بس حلوة منك وشكرا ليك يا اسلام

[Eng Super Hero]

ههههههههههههههههه اه فى كدا

يلا يا لولا لو كنتى مثقفه الحقى نفسك قبل فوات الاوان ههههههههههههههههههههههههه

ميرسى على مرورك

[| John cena ●]

هههههههههههههههههههه