مراتك ولا شغلك !!!!!!!

**● **paradise_z0ne** ●** · 16-07-2009 02:04 AM

***اعترافات مدير ذو خبره طويله***

مراتك .......ولا....... شغلك!!!!!!!!!

(الجواب تحت)

كل نساء العالم يتهمن ازواجهم بانهم بيحبو الشغل أكثر منهم

وأنا اصاله عن نفسي ونيابه عن الرجال أعترف بأن هذا صحيح ........ صحيح ........
صحيح ليه .....؟؟؟؟؟؟

لي أسبابي ومبرراتي التي أرجو منكم التفكير فيها بعين العقل :

أولا ........ الشغل بيصرف علو ... بس أنا اللي بصرف عليها!!!!

ثانيا...... ف الشغل ممكن تزعق براحتك وزعيقك يجيب نتيجه ...

ثالثا ..... ممكن تزوغ من الشغل ف أي وقت من غير ماحد ياخد باله او حد من الزملاء يغطيك
أنما تزوغ من مراتك .... هيهات... انسي....

رابعا ..... ف الشغل عندك مدير ممكن ترضيه لو اشتغلت كويس.....

انما مراتك لو عملت قرد... حمار.. اي حاجه مش ممكن ترضيها !!

خامسا.... ف الشغل من حقك تاخد اجازه.... عندك عارضه واعتيادي

داغير يوم الجمعه ...والعطلات الرسميه.... بصراحه الشغل خفيف ع القلب ....

أنما مع مراتك ... مش ممكن تاخد اجازه... بالعكس دانت لازم تلزق فيها يوم اجازتك والا يبقي نهار اهلك مالوش ملامح ....!!!!!

سادسا .... ف الشغل ممكن تترقي وتاخد منصب بيه... وباشا كمان ويبقي لك مكتب لوحدك .... ومراسل .... وسكرتيره خاصه ... والكل يضرب لك تعظيم سلام ... ف الة ح تعيش زوج وتموت زوج .... واللقب الوحيد اللي ممكن تاخده لما تنادي عليك مراتك وتقولك ... يا بابا ... او... ياحاج ....... ولما تعجز..... تقولك ..... يا بركه

سابعا ..... الشغل لو زهقت منه ممكن تسيبه بدون مشاكل .... وبسهوله .... أنما مع مراتك .... لو روحك طلعت .... لازم تحط ف بقك كوتش وتفكر مليون مره..... ف المحاكم والمؤخر والنفقه... والعيال

ثامنا.... ف الشغل .... لو سبته... او بلغت سن المعاش بتاخد مكافأه كبيره...ومعاش... وحفله تكريم...

أما مراتك لو سبتها قبل ما تموت .... انت الي ح تدفع مكافأه ومؤخر ونفقه وشقه كما وتتحبس لو مادفعتش

تاسعا.... ممكن تغير شغلك وتنتقل لغيره لو لقيت شغل احسن منه .... ف حين انك طووووول الوقت بتشوف بنات احلي ميت مره من مراتك بس ماتقدرش تغيرها .........

عاشرا.... ف الشغل ... متأمن عليك عشان لو حصل لك حاجه.... ولو حصل لك حاجه مراتك هي اللي هاتقبض التأمين

ف النهايه ... بتحب مراتك ولا شغلك ؟؟؟

اكيد مراتي ... احسن يوقع الايميل ده ف ايدها.... تبقي مصيبه

**Spider GirL**(•'.'•) · 16-07-2009 02:34 AM

هههههههههههههههههههه
ايون كدة
هما دول زوجات المصريين
هههههههههههه
شكرا خالد

**Beauty** · 16-07-2009 02:56 AM

لما انت بتكره مراتك اوى كده
اتجوزتها ليه من الاول
توبيك دمه خفيف نايس توبيك

**| MonyanA ●** · 16-07-2009 03:01 AM

ههههههههههههه هو موضوع يضحك قوى بس انا من رأيى ان البيت والعيلة احسن حاجة فى حياه الانسان طب لما يكون عندك 60 سنة يعنى سن المعاش الشغل هيطردك اما مراتك هتحبك اكتر وهتستحملك لما يكون عندك 60 سنة وانت تعبان مراتك هى اللى هتسهر جنبك انما الشغل لأ فكر تانى فى كل الكلام دة

**..●●**آه...لو**●●..** · 16-07-2009 03:59 AM

هو انا لسه هعيش 60 سنه يا دوك
الشغل حلو برضك
خلينا صريحين كفايا ع مراتي ساعتين اخر النهار وبعدين ننام

**| Mannora ●** · 16-07-2009 09:14 AM

هههههههههههههههه

انما الرجاله دول امرهم عجيب...!!

لما انتو يا عينى كده متعذبين...

بتتجوزا مناالاول ليه...

طب ما تعيش كلك لشغلك...واشبع بيه

خليه بقى يأكلكوا ولا يعملكو حاجتكم

ولا يربى ليكو العيال