ايه من القران غيرت تاريخ مصر..!!

[| Mannora ●]

يا جماعه انا حبيت اجيب ليكو موضوع صادفنى كده

بس لاقيته غريب وعجيب بجد زى اللى طول عمرك

تفضل مصدق حاجه وفجأه كده تكتشف انك غلط..

بجد انا استغربت اوى والله اعلم مين الصح..

هذه الايه التى يمر عليها جميع المسلمين مرور الكرام دون التوقف

عندها ومحاوله اكتشاف الحقيقه التى حيرت وماتزال تحير كل

المؤرخين فى مصر والبلاد العربيه,بل والعالم أجمع.

إنها آيه واحده لم ينتبه إليها أحد من كبار المفسرين والمشايخ,رغم

أن مدلولها واضح وضوح الشمس (سبحان الله,على كل شئ قدير).


لقد إحتار المؤرخون فى تحديد هوية فرعون وقومه,فالشائع هو أنه

أحد ملوك مصر فى الدولة الوسطى وأنه مصرى,وأن فرعون هو لقب

الملوك مصر إعتادوا عليه وكل ذلك فى أذهاننا,ولكن!!!

كل هذا غير صحيح أبدا! كيف؟ حسنا,,



لنفتح جميعا القرآن الكريم الذى لايأتيه الباطل أبدا,ونقرأ فى سورة غافر من الآيات 28 إلى 31,بسم الله الرحمن الرحيم (وَقَالَ رَجُلٌ مُؤْمِنٌ

مِنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلاً أَنْ يَقُولَ رَبِّي اللَّهُ وَقَدْ جَاءَكُمْ

بِالْبَيِّنَاتِ مِنْ رَبِّكُمْ وَإِنْ يَكُ كَاذِباً فَعَلَيْهِ كَذِبُهُ وَإِنْ يَكُ صَادِقاً يُصِبْكُمْ بَعْضُ

الَّذِي يَعِدُكُمْ إِنَّ اللَّهَ لا يَهْدِي مَنْ هُوَ مُسْرِفٌ كَذَّابٌ 28 يَا قَوْمِ لَكُمْ

الْمُلْكُ الْيَوْمَ ظَاهِرِينَ فِي الأَرْضِ فَمَنْ يَنصُرُنَا مِنْ بَأْسِ اللَّهِ إِنْ جَاءَنَا قَالَ

فِرْعَوْنُ مَا أُرِيكُمْ إِلاَّ مَا أَرَى وَمَا أَهْدِيكُمْ إِلاَّ سَبِيلَ الرَّشَادِ 29 وَقَالَ الَّذِي

آمَنَ يَا قَوْمِ إِنِّي أَخَافُ عَلَيْكُمْ مِثْلَ يَوْمِ الأَحْزَابِ 30 مِثْلَ دَأْبِ قَوْمِ نُوحٍ

وَعَادٍ وَثَمُودَ وَالَّذِينَ مِنْ بَعْدِهِمْ وَمَا اللَّهُ يُرِيدُ ظُلْماً لِلْعِبَادِ31) صدق الله العظيم.



إن هذه الآيات هى رجاء من رجل مؤمن من آل فرعون يرجو قومه

ويدعوهم للإيمان بالله ويحذرهم من عذاب الله.


ولكن إخوتى الكرام, تأملوا معى جيدا الآيه رقم 31,حيث مؤمن آل

فرعون يحذر قومه إن لم يؤمنوا بالله فسيصيبهم مثل الذى أصاب قوم

نوح وعاد وثمود وكذلك الأقوام من بعدهم من عذاب الله.


وهنا مربط الفرس, لأن معنى هذا أن قوم فرعون على علم ودرايه

ومعرفه تامه ودقيقه بكل الأحداث التى حدثت لأقوام عاشت فى شبه

الجزيره العربيه مثل أقوام نوح وعاد وثمود وغيرهم ممن عاش ومات

فى شبه جزيرة العرب,فكيف بالله يكونوا هؤلاء جميعا مصريين وعلى

علم ودرايه بكل أحداث شبه الجزيره العربيه بل وتوارث معرفة تاريخ

أقوام شبه الجزيره العربيه؟؟؟


إن لم يكونوا هم وفرعونهم وهامانهم جميعا من شبه جزيرة العرب؟

ونحن لم نعثر على برديه أو خرطوشه مصريه عليها إسم أو رسم أى

حدث من تلك التى حدثت لأقوام نوح وعاد وثمود!


إن تلك الآيه الكريمه رقم 31 من سورة غافر توضح بجلاء أن فرعون

وقومه من شبه الجزيره العربيه وهم تحديدا ما أطلق عليهم المؤرخين

إسم الهكسوس وإحتلوا شمال مصر وأغرقهم الله فى اليم ,بل

وطمس على أى أثر لهم, وإختفوا من مصر إلى الأبد .نعم إنها كانت

نهاية الهكسوس من مصر.

ولتأكد ممكن تدخلو على الرابط ده على الوكيبديا..

يرى المرؤخون المسلمين والعرب ان الفراعنه هم العماليق والعماليق

هم يعرفون تاريخيا بالهكسوس ، وهم الذين احتلو مصر لمدة تتراوح

من 150-230 عاما بدءا من عام 1780 وحتى عام 1550 قبل الميلاد ،

وكانوا من الآراميين والعرب البائدة وأطياف من العبرانيين والكنعانيين

والبابليين وغيرهم من الشعوب ، ويذكر هؤلاء المؤرخون أن فرعون

بني إسرائيل كان منهم ، وهؤلاء العماليق تفرع منهم عشيرة هي

من عرفت بعشيرة آل فرعون ، أو قوم فرعون ، ومن هنا ظهرت

التسمية بالفراعنة ، حيث كان يقصد بها العمالقة أو العماليق في أول

الأمر ، ثم جرى العرف في العصور الحديثة خطأ على تسمية ملوك

المصريين أنفسهم بالفراعنة بدلا من إطلاقها على الهكسوس أو

العماليق ، غير أن هذا الرأي يحتاج إلى المزيد من الأدلة التاريخية

والآثرية لإثباته ، برغم كونه أقرب إلى المنطق من الفروضات الأخرى.

كما ان هناك ادله انه لفظه فرعون موجوده فى الجزيره العربيه

وان الى اليوم توجود اقوام وقبائل تحمل هذا اللقب فمثلا:

كلنا رأى مشهد إعدام الرئيس العراقى.لقد كان هناك شخص ممن

حضروا التنفيذ إسمه(منقذ آل فرعون),وقد كان هو المدعى العام فى

قضية الدجيل.إن هذا الشخص من عشيرة آل فرعون بالفرات الأوسط

بالعراق,وبالمناسبه له أخ إسمه عاد آل فرعون.بالله عليكم كيف يكون

إسم فرعون موجود بالعراق وهو أصلا لم يتسمى به أى شخص

مصرى!!!

وايضا هناك شاعر عربي معاصر ومعروف جدا وهو ناصر الفراعنة

المهم هو لقب قبيلته''الفراعنة'' فهذا أمر ملفت للنظر مع أصله العربي

من جزيرة العرب نفسها

(م ن ق و ل)

بجد سبحان الله هنفضل طول عمرنا نغوص ونتعمق فى القران

وعمرنا ما هنجيب اخره..

معجزه الهيه صحيح...

وبجد يا جماعه لو الكلام ده صح..على كده يكون اجددنا

اسمهم المصرين القدماء وليس بالفراعنه...

والله اعلم...!!!

[| لولا ●]

موضوع جامد جدااااااااا يا منار وموضوع زى ده مكانه المجلة الاسلامية لانه مهم جدااااااااااا شكرا لمجهودك يا منار

[| Mannora ●]

شكرا لمرورك يا لولا

واوك معاكى انه فى المجله الاسلاميه...

والمهم انه يكون عجبك...

[..●●آه...لو●●..]

مش مقتنع بانهم من الجزيره العربيه
والايه كمان مش موضحه مش معنى انهم يعرفو معلومات عن مكان يبقى هم من نفس المكان
وبعدين فرعون وسيدنا موسى كانو دايما في مصر وحادثه الاثنى عشر ولما ربنا قابل موسى بوادي طوى
والاماكن دي كلها في مصر
فاذاي بتقولي كانو في الجزيره العربيه
وكمان انت قلتي كلمه جامده اوي في بدايه الموضوع
ان محدش من المفسرين الكبار والعلماء قال اللي انتي ناقلاه
ده طبعا مش تقصير منهم ده يؤكد ان فرعون من مصر مش من الجزيره العربيه
هذا والله اعلم
وده من وجهه نظري الصغنططوطه طبعا
وشكرا عالموضوع

[| MonyanA ●]

شكرا على مجهوك العظيم يا منار بس فية حاجات انا مش فاهماها قوى يمكن لان دماغى مصدع حاليا هرجع اقراه تانى كويس ولو مش فاهمة حاجة هرجعلك

[Spider GirL(•'.'•)]

هو موضوع كويس
لكن ما اقتنعتش
وان رأيي من راىى فهمى
هما عارفين احداث عن الجزيرة العربية لأن فى كل الازمان الاخبار بتتناقل

شكرا منار ع النقل

[| Mannora ●]

[quote=TaFaTeFe;119501]

مش مقتنع بانهم من الجزيره العربيه
والايه كمان مش موضحه مش معنى انهم يعرفو معلومات عن مكان يبقى هم من نفس المكان
وبعدين فرعون وسيدنا موسى كانو دايما في مصر وحادثه الاثنى عشر ولما ربنا قابل موسى بوادي طوى
والاماكن دي كلها في مصر
فاذاي بتقولي كانو في الجزيره العربيه
وكمان انت قلتي كلمه جامده اوي في بدايه الموضوع
ان محدش من المفسرين الكبار والعلماء قال اللي انتي ناقلاه
ده طبعا مش تقصير منهم ده يؤكد ان فرعون من مصر مش من الجزيره العربيه
هذا والله اعلم
وده من وجهه نظري الصغنططوطه طبعا
وشكرا عالموضوع

[/quote

يا تيفا انا ما قولتش ان الاحداث كانت فى الجزيره العربيه

ومعاك حق فى كل اللى انت بتقوله...

انا بس بأقول ان اصل فرعون ده من الجزيره العربيه

وانه مش مصرى بس هما الهكسوس

جم واحتلوا مصر وفرضوا على المصريين احكامهم

يعنى بالمختصر بننفى ان يكون فرعون موسى مصرى الاصل

وده كل الموضوع....

بس لما استقروا فى مصر فتره طويله ايام العصور المظلمه وضعف

الملوك المصرين اطلق فرعون على كل المولوك فى مصر عامه..

وكمان عادى لما العلماء الكبار ما يخدوش بالهم من الايه

يا ابنى القران ده بحر واسع ومعجزه الهيه

وكل يوم بنكتشف منه جديد

مش عارفع انت قؤيت موضوع القطره اللى اكتشافها

عالم مصرى للمياه البيضاء للعين

واللى ساعده سوره سيدنا يوسف

ولسه ولسه هننكتشف

وشكرا لمرور والراى يا باشا

[| Mannora ●]

الله اعلم يا امانى جايز...

وانا وضحت فكره الموضوع فى الرد على مصطفى

ومنوره الموضوع يا قمر....

وكمان هند هتحاول معايا وتتأكد من صحه تفسير الايه

وربنا يقدم اللى فيه الخير ونعرف الاجابه بس لما هند تجيب الرد

ان شاء الله....

[Gana]

بجد الموضوع جامد جدا بس بجد انا مش مقتنعه
لا فىايات اخرى توكد ان الفرعون من مصر واحداث سيدنا موسى كانت فى مصر والله اعلى واعلم

[| Mannora ●]

اولا منوره الموضوع يام جنه...

ويا جماعه والله العظيم انا عارفه ان الاحداث كانت فى مصر

وانا ما قلتش انها مش فى مصر

كل اللى باقوله عن جنسيه فرعون

انه مش مصرى محتل من بره دخل على البلد فقط

بس كل حاجه كانت فى مصر لان القران

ذكر لينا كده وما حدش يقدر يقول كلمه فى كده

كل الحكايه باقول بردو ان لفظ فراعنه لا يطلق على المصريين

بل هم غزاه.....

وده اللى غير التاريخ لان طول عمرنا فاكرين ان اجددنا هم الفراعنه

واجددنا هم المصريين القدماء

وكمان انا وهند حاليا بنتأكد من الايه وتفسيرها والله اعلم فى الاخر

ويا جماعه ابقى اقروا الموضوع بتمعن شويه