ايه الفرق بين الطفل الفافي , والبيئة الطحن ؟؟؟؟؟؟

[LoLo_TmaTem]

طبعا كلنا عرفين الأطفال
كان زمان على ايام جدودنا بيقولو عليهم احباب الله وملايكة الدنيا وكلام زي الفل كدة
تعالو بقة نقارن صنفين من اطفال اليوم في يوم من يومياتهم واحد فافي ( هاي كلس )
والتاني بيئة ( ديرتي كلس )

اليوم اللأول : الصبح (الإستيقاظ المنعش ) :

فافي ( هاي كلس ) :

الولد من دول يصحى على صوت الكناري اللي في اوضته ....

*سو سو سو سو ....*

يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....

بيتفرج على mbc كتيييييييييييير

يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....

( الداده معاها دكتوراه من جامعة استبحص في لندن)

يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها ..... ( اريال .... نسيم الصباح ) !!!!!!

يجيب جزمته من الجزامه ... اللي مليانه جزم وكوتشيهات ... وسبوووز - تقولش دخلت محل لطفي أو توكيل تمبرلاند !!

ينزل يفطر مع مامي ودادي ... والفطار كورن فليكس بطعم الستروبوري او الشوكولات ....

(كورن فيليكس كلووقز .. مش بسكو مصر )

يسلم على مامي ويبوسها بعد ماتكون حطتله دينار بوكس بتاعه وفيه ....
ساندوتشين تشيكن و كيس شيبسي و عصير جهينه او ايزي موزوو .

يسلم على دادي اللي يديله البوكيت موني بالدولار ..... مش يعرفو
حاجه اسمها جنيه طبعا

(ياي جنيه ؟؟؟؟ دي عملة انكردت من زمااان )

يطلع من البيت بعد الداده ماتلبسه الشنطه بتاعة الكتب على ضهره ..

- (بنشوف الشنطه دي مع الخواجات في شرم وبس )-

يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....

- فريدرو جاكو .... فريدرو جاكو ... هايللبّووه


طفل بيئة ( لو ودرتي كلاس ) :

دييييييييب .... اخوه رمى عليه طوبه عشان بقاله ساعتين بيصحي فيه

... وهو ولا هنا ...

طبعا .. مقضيها صرمحه في الشارع للفجر -

العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر

طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع

(عشان كده ماتلاقيش في بيتهم صراصير) ال واحنا الي فكرنها نضافة

بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم

هدومه كلها مكرمشه ... تقولوش طالعه من بق *** -( هو هو )

طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ...

افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!
طبعا ما يعرفش اختراع اسمه الشرابات

دلوقتي معاد حرب كل يوم ..

ماما ... انا عايز مصروفي

مصروف ايه ياااااض ... انت مش واخد امبارح .. ولا كل يوم مصروف مصروف

يعني مافيش اي حاجه ؟؟؟

في دي ..... دييييب ...

( ضربة بالحله على نافوخه )

الباشمهندس الصغير .... مايعرفش فين كتبه ولا كشاكيله اصلا .... عشان كده خد اي كتاب موجود في البيت على اي كشكول ....

مايعرفش يعني ايه قلم ....(غير اللي بياخده على قفاااه )

هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه


وبكرة بقة نكمل يوم تاني والبقية تأتي

[M@GO]

hhhhhhhhhhhhhhhhhhhhhhhhhhhhhhhhh

[LoLo_TmaTem]

ربنا يسعدك دايما ويسعد ايامك ياجميل
بس السؤال بتضحك على التوبيك ولا على الشعر البوحتري المتبعجر بتاعي

[LoLo_TmaTem]

الغريب في الموضوع انه متكرر مليون مرة بس سبحان الله لكل واحد رزق وليه الي بيدخلو يعبره

حببتي يامونا والله

[NHP]

ههههههههههههههههههههههههه ههههههههههههههه والله بالجزمة لو مش سكت قال دادة قالللللللل تسلم ايدك وحلو الموضوع

[No LoVe]

ههههههههههههههههههههههههه ههه

[| Tears Of The Moon ●]

ههههههههههههههههههههههههه هههههه
تسلم ايدك يا طماطم
هههههههههههههههههههه
لأ بجد جامد جامد جامد أخر حاجــة

[| لولا ●]

ههههههههههههههه حلوة اووووى يا لولو تسلم ايدك كلام فى الجووووووووون

[| love ●]

يارب ارحمنا من ارتكاب المعاصى

[| love ●]

lمعلش يا جماعه دى غلطه منى مكنش قاصدى اكتب لتوبيك ده حصل لغبطه
بس سورىىىىىىىىىىىىىىىى بس التوبيك ذى العسل