الحلقة الخامسة_حملة هنتغير بجد

**| Nadooosh ●** · 27-06-2009 05:23 PM

الحلقة الخامسة

عامل ايه ؟
=ياعم اسكت بقى
انت ايه اللى اخرك عليا
ده انا كان فاضلى كام خطوه واذوق الاسلام بجد
+طب بالراحه ياسيدى
انا آسف
=عملت ايه بيها
هتقربنى من جديد
+لا ولكن افتح قلبك
ده انا مجهز كام حلقه

حلوين بجد
=بس برضه زعلان منك
+طب ولو رجعت تانى احسن من الاول
=أ..احسن من الاول
ب..ب.بجد
=انت بتتكلم بجد
+طبعا
افتح قلبك
وسيبها على ربنا
=نعم بالله
+قول الاول انت عملت
ايه فى الفترة اللى فاتت
=يا عم متفكرنيش
انت سبتنى بقيت شغال
يوم طاعه وفرحه
ويوم معاصى
+طب اسألك سؤال
=اتفضل
+انت عاوز تتدخل الجنه
=....!!
=طبعا
+لا بجد عاوز الجنه ؟
=طبعا
+طب تقدر تقول لنفسك ازاى تبدأ
فى طريق الجنه
=الطريق صعب جدا
ولكن حلو اوى
+طب ولو قلت لك ان الطريق سهل جدا
=يا عم اتكلم بواقعيه
هو ايه اللى سهل
طريق الجنه ..!
سهل..
ازاى

+اسمع..
=طيب ازاى
+اصبر..
=ماشى ازاى بقى
+يابنى اسكت شويه عاوز اتكلم بقى
الناس عاوزه تسمع
=...
+ايوه كده
+اسمع بقى
تعرف يعنى ايه تبقى مسلم
=....؟
+اقولك
ان انت علشان
تبقى مسلم
لو معاك فلوس تبنى اسلامك
على 5 عواميد
ولو زى حالاتنا
تبنى اسلامك
على4عواميد
=يعنى ايه ؟
+بنى الاسلام على خمس
ولو معاك فلوس هتحج
ولو معكش غير مفروض عليك الحج
=آه..فهمت
=يانهار ابيض ...!
ده احنا نسينا اهم حاجه
+ايه ..؟؟
=ده احنا لسه ما بدأناش الحلقه
+يا صلاه النبى
يلا مونتاج
3..2..1..
+السلام عليكم
=وعليكم السلام
+عامل ايه مع ربك
=لحمد لله
=ماشى على سطر وسطر

+
=طيب من الاخر
ارجع لربنا ازاى فى اليومين دول
+دافى الحلقه الجايه
بس ندردش مع بعض اول حاجه
+ماتتوبش مرة واحده
=يا عم ماتجننيش
يعنى ايه ؟
+يعنى لو بتعمل معصيه ما
مثلا بتعلى صوتك على والدتك
او والدك
ماتبطلش زعيق وتاخد الحياه جد
ولكن خلهم اصحابك
هزر واضحك معاهم
وخليك ذكى فى الطاعه
وخلى بالك
ان طول ما انت ماشى صح
هتلاقى مطبات
كتيره
=ازاى
+يعنى هتلاقى تريقه
والشيطان يجى لك
كام مرة
يعنى مش هيسيبك فى حالك
والواجب العملى
انك تجيب ورقة وقلم
وتكتب ايه الايجابيات فى شخصيتك
=والسلبيات
+لا الايجابيات
(وياريت كله يكتبها فى مشاركه )
وماتقولش ده غرور
بالعكس خالص اكتب عن نفسك
علشان اعرف انا هعمل ايه بعد كده
=طيب سؤال وبلاش ضرب
+اتفضل
=ايه هدف حلقه النهارده
+هدفها نستعيد لغه الحوار تانى و
اهم حاجه نستعد للحلقات الجايه
لانها مهمه جدا جدا
=تصدق انا كده فهمت
+احمد ربك
=الحمد لله
الحلقه الجايه امتى ..ماتتأخرش
+لا ماتخافش ان شاء الله مش هتأخر

+السلام عليكم
=وعليكم السلام

**| **المقصرة في حق الله** ●** · 27-06-2009 05:29 PM

بصي الاول صعب ان حد يقول الايجابيات اللي فيه لان ممكن فيه حاجة هو شايفاها ميزة تطلع عيب من وجهة نظر حد تاني

المهم بجد الحلقة جميلة جدًا واحنا في مجتمعنا تلاقي الاخين في اوضة واحدة ولكل واحد مع نفسه لازم فعلاً نعيد لغة الحوار

جزاكِ الله خيرًا يا جميل

**!..!** · 27-06-2009 06:20 PM

كنت قريت دراسة عن افتقاد لغة الحوار بين الأباء والأبناء

بس ذكرت سبب واحد اللى هو موضوع الدراسة ( انشغال الابناء بالكمبيوتر

والنت) .. واد ايه الكمبيوتر بيعمل فجوة بين الأسرة ( طبعا البنت او الولد ) مش

فاضين يتكلموا مع الأم او الأب .. يعنى معقول يسيب الكمبيوتر ويكلمهم ؟؟!!!

فى أسباب تانية احب اضيفها

إن أحيانا البنت او الولد بيحسوا ان ألأهل بعيد اوى عنهم ..

وبيفضلوا انهم يحكوا لأصحابهم عن مشاكلهم .. والأهل بيكونوا طبعا بعيد

إما .. ان الاب والام بيشتغلوا ومش فاضين لولادهم

أو .. إن الأهل مش فاهمينهم ولا فاهمين متطلباتهم ولا طموحاتهم وبسيببوا

لأولادهم نوع من الإحباط .. وبالتالى الابن عمره ما هيفكر إنه يتكلم معاهم فى

حاجه او يحكى لهم عن حاجه تخصه ..

وبتظهر المشكله لمّا تحصل مناقشه بينهم .. الأبن بيزعق لهم ( زى ما وضحتى يا

منتوسا ) ومشاكل كتير تحصل بينهم والفجوه تزيد اكتر ..!

لأنه حاسس انهم مش فاهمينه وبيقتصر الكلام معاهم وزى ما قلت انه بيفضل

اصحابه .. او يقعد على الكمبيوتر طول اليوم .. وبيبقى حاسس انه لوحده فى

البيت ..

اعذرينى يا منتوسا على الإطاله ويمكن خرجت عن الموضوع الأساسى

بس يمكن دى من أسباب لإفتقاد لغه الحوار اللى بقت فى حياة كل

واحد فينا .. والبقية تأتى

شكراً ليكِ ..

**| Nadooosh ●** · 29-06-2009 01:36 AM

شكررا يا مقصرة على رايك

بس بجد احنا بس عايزين نحاول اننا نحط عيوبنا ومميزاتنا الى احنا شايفينها وحاسينها

شكرا على مرورك وردك ياقمر

**| Nadooosh ●** · 29-06-2009 01:39 AM

اسباب منطقية نضيف ليها ان الناس بدات تبعد شوية عن ديننا الى بيدعونا لاننا نتقرب من بعض وعلى نكون مع بعض والناس انصرفت عن الدين بالحجات الدنيوية

وعلى رايك فعلا هو انا هسيب الكمبيوتر وهقعد معاهم فى البيت واقعد اتكلم

فعلا كلام منطقى جدا

شكرا وهم على الاهتمام والمرور ورايك المهم قوى

**Astrous** · 29-06-2009 02:16 AM

ياريت الواحد يقدر يقيم نفسه قبل ما يغلط مش يغلط وبعدين يقول انا ايه اللى خلانى اعمل كده بس انا بجد عندى مشكله انى اخطأت زى كل الخطائين واكيد توبت ونفسى احس برضى ربى عنى وياريت كل اللى يغلط يرجع لربنا واكيد التوبه مقبوله
اما بقى لغه الحوار بين الاباء والابناء بقت معدومه لانهم مش فاهمين تفكيرنا ولا اهتمامتنا ودايما نصايح نصايح لما الواحد زهق وهما بردوا كانوا بيغلطوا زينا ليه بقى التقعيد ولو حد من الاباء عرف ان الابناء دول عملوا حاجه وحشه يدنهم ماسكنها ليهم وكل شويه يقولوهم فاكرين عملتوا ايه وخلوا بالكم اوعوا تعملوا كده تانى
نفسى بس الاهل يفهمونا ويحسوا بينا واحنا كمان نحترمهم بجد
اسفه جدا للا طاله ومرسى يا منتوزه ع الحوار الرائع ده