ليــه .. ليــه .. ليــه..؟

**| Tears Of The Moon ●** · 26-06-2009 03:47 PM

ليه ..... ليه ؟

ليه لما نيجى نمشى فى المطر لظروف إستثنائية بنروح رافعين أكتافنا
لفوق ؟
هاتعمل إيه يعنى

ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت
أو راديو السيارة ؟

ليه لما بتكون بطارية الريموت شبه فاضية ، بنضغط على الزراير جامد
؟

ليه لما حد بيهادينا قلم جديد .. أول حاجة وإحنا بنجربه بنكتب إسمنا
؟
ليه بنقول هدية مجانية ..؟ مش المفروض إن الهدية تكون مجانية

ليه لما نكون جوه المنزل والسماء بتمطر بنسأل هو الجو بيمطر بره ؟ هى
عمرها
مطرت جوه

ليه لما واحد يقولنا خلى بالك الحائط لسه الطلاء مانشفش مانصدقوش ونمد
صباعنا
نتأكد ؟

ليه الخدمة
بتكون سريعة لما المطعم يكون مزدحم أكتر من لما يكون نص نص ؟

ليه لما الواحد بيركن السيارة فى موقف فاضى اللى جاى وراك بيركن جنبك
؟

ليه دايما لما حد بيجري يلحق الأتوبيس تلاقيه مبتسم أو بيضحك ؟

ليه بنفتكر إن لما ندوس على زرار الأسانسير كتير هاييجى بسرعة ؟ أو

لو واحد جه بعديك وأنت مستنى الأسانسير بيدوس على زرار الأسانسير ولا
كأنك
موجود ؟

ليه وإحنا بنأكل الطفل الصغير فى فمه بالملعقة .. بنفتح فمنا ؟

ليه دايما عندنا إستعداد تام إننا نصدق أى حد بيكلمنا فى ودانا ..
بيوشوشنا ؟

ليه لما بنتصل بالتليفون .. دايما النمر الغلط مابتكونش مشغولة ؟ وليه
دايما
لوحة أرقام التليفون أو الموبايل بتكون عكس لوحة أرقام الآلة الحاسبة
أو حتى
أرقام الكيبورد ؟ وبمناسبة التليفون ليه لما واحد يعطيك رقم تليفونه
بيقوله
بسرعة ؟

ليه
لما بنصحى من النوم دايما بنحس إن كمية النوم ناقصها عشر دقايق ؟

ليه لما بنهش الدبان بنقول هشششششششششش هو الدبان حايسمعنا

حاجــة عجيبــة

**| Mysterious man ●** · 26-06-2009 03:50 PM

شكرا على الموضوع

**| Tears Of The Moon ●** · 28-06-2009 05:58 PM

شكرا للمرور

**| لولا ●** · 28-06-2009 06:02 PM

ليه لما بنهش الدبان بنقول هشششششششششش هو الدبان حايسمعنا
هههههههههههههههههه موضوع تحفة يا احمد تسلم ايدك والله انا بعمل كل اللى انت قولت عليه ده ومش انا بس لالالالاء كلنا والله شكرا يا قمر لموضوعك

**..●●**آه...لو**●●..** · 28-06-2009 06:57 PM

هههههههههههههههه
علشان هو ده الانسان
تسلم يا احمد ع الموضوع

**● **TiTaNiC LoVeR** ●** · 28-06-2009 07:18 PM

هههههههههههه
اهو بقى
شكرا يا سيدى
على التوبيك

**Beauty** · 29-06-2009 12:49 AM

هو الموضوع بيجى كده بتلقائيه
يعنى بنعمل الحاجات دى من غير مانحس
وبنتعود عليها كمان

**| Nadooosh ●** · 29-06-2009 01:22 AM

ليه لما نيجى نمشى فى المطر لظروف إستثنائية بنروح رافعين أكتافنا
لفوق ؟
هاتعمل إيه يعنى

يمكن الحركة دى بتدفى

ليه لما نحس إن إحنا دخلنا طريق غلط وإحنا سايقين العربية بنخفض صوت
الكاسيت
أو راديو السيارة ؟
عشان منتوترش نكون مركزين فى الطريق
ليه لما بتكون بطارية الريموت شبه فاضية ، بنضغط على الزراير جامد
؟
طب والله احيانا بعملها وفعلا بيقلب
ليه لما حد بيهادينا قلم جديد .. أول حاجة وإحنا بنجربه بنكتب إسمنا
؟
عشان دى اكتر حاجة حافظينها
ليه بنقول هدية مجانية ..؟ مش المفروض إن الهدية تكون مجانية
القصد انها مجانية ومش هتفع عليها حاجة هتاخدها ببلاش

ليه لما واحد يقولنا خلى بالك الحائط لسه الطلاء مانشفش مانصدقوش ونمد
صباعنا
نتأكد ؟
هو كدة الشعب المصرى مغامر وبيحب التجربة طول عمرة اسالنى انا
ليه الخدمة
بتكون سريعة لما المطعم يكون مزدحم أكتر من لما يكون نص نص ؟
عشان بيقوموا نص الجرسونات الى بتبقى نايمة لما المطعم بيكون نص نص
ليه لما الواحد بيركن السيارة فى موقف فاضى اللى جاى وراك بيركن جنبك
؟
عشان العربيتين يدفوا بعض
ليه دايما لما حد بيجري يلحق الأتوبيس تلاقيه مبتسم أو بيضحك ؟
عشان اكيد الناس الى حوالية بتضحك علية وهو بيجرى فابيشاركهم الفرحة
ليه وإحنا بنأكل الطفل الصغير فى فمه بالملعقة .. بنفتح فمنا ؟
انا عن نفسى لو بأكلة سيريلاك هفتح بوقى فعلا بس هدخل المعلقة فى بوقى بردو

ليه
لما بنصحى من النوم دايما بنحس إن كمية النوم ناقصها عشر دقايق ؟
دة اكيد لو ورانا مشوار مش عايزين نروحة
ليه لما بنهش الدبان بنقول هشششششششششش هو الدبان حايسمعنا

اطلع برة يا احمد