انت بتحب ايه في فكك مني؟

[| MonyanA ●]

من 17 ل 22
انت بتحب ايه في فكك مني؟
ان المنتدى دة فية اصحابى وعرفنى على ناس تانية كتير

اكتر قسم بتخشه على فكك مني؟
مش قسم معين على حسب الموضوع اللى بيشدنى وبحب ارد فى كل الاقسام

احلى حاجة في فكك مني؟
الترابط اللى بين الاعضاء وخفة دم بعض الاعضاء

ايه اللي ناقص فكك مني؟
كمان ترابط اكتر بين الاعضاء كلها ومش الاصحاب بس
قسم لتعليم خفايا الكمبيوتر والماسنجر

[| please smile ●]

بص ياريس انا من 17_22

انت بتحب ايه في فكك مني؟

بصراحة بحس انه مختلف شوية

اكتر قسم بتخشه على فكك مني؟

انا وفكك منى وهواك يعنى بشارك فيه كتير


احلى حاجة في فكك مني؟

بردة انه مختلف شوية


ايه اللي ناقص فكك مني؟

بتهيألى انة بس ياريت لو تحاول تغير

التصميم بتاعه يعنى تجددة شوية

[شرقاويه اصيله]

من
14 الى 16 سنه
انت بتحب ايه في فكك مني؟
انه كله شبابى والاعضاء فيه لطاف جدا ومترابطين
اكتر قسم بتخشه على فكك مني؟
كان فى الاول قسم الاشعار بس نظرا لتحجر القلم وانه يابى الكتابه فاصبحت من رواد القسم الاسلامى
احلى حاجة في فكك مني؟
اجابتها زى السؤال الاول
ايه اللي ناقص فكك مني؟
صراحه انا من وجهة نظرى مش ناقصه حاجه
ولو كان ناقصه يبقى ناقصه انى ابقى مشرفه فيه هههههههههههههه

شكرا درش

[المصرية]

انا من 14 الى 16
يعنى تقدر تقول داخلة فى ال 15

بحب فى فكك منى شكله وحلاوته..


اكتر قسم بخشه
الموضوعات العامة..


احلى حاجة فى فكك منى
اعضاااااااااااااؤه الحلوووين

اللى ناقص بقى..
امممممممم
مش عارفة

[| Mysterious man ●]

lن 17 ل22
انت بتحب ايه في فكك مني؟
كل الاعضاء
اكتر قسم بتخشه على فكك مني؟
الكركاتير . الشعر والقصص . والمقالب

احلى حاجة في فكك مني؟
بصراحة كل فكك مني مية مية
ايه اللي ناقص فكك مني؟
القسم التعليمي

[Messi]

23

انت بتحب ايه في فكك مني؟
عشان فيه ناس بحبهم جدا (درش وتيفا شرش واخوه ومجدى سندباد حجازى اسلام ويزوحبيب هارتى وباقى الناس القديمه اللى بجد الواحد شاف معاها ايام حلوه جدا)

اكتر قسم بتخشه على فكك مني؟
زمان كان الرياضى والسياسى وفتره حبيت الحوارات جدا بس للاسف دلوئتى مبقاش فيه جديد ومواضيعه مبقتش زى الاول وهبقى اقول سبب كده العام والدينى برضو بحبهم
احلى حاجة في فكك مني؟
ان انا فيه b-)
لاء بجد هو احلى حاجه فيه انه بيمرض وللا يموت (افهموا انتوا بقى )
ايه اللي ناقص فكك مني؟
والله هو ناقصه كتير
يعنى عندك اول حاجه ناقصه انه يكون فيه10 مصطفى شومان بمعنى انه المفروض يكون فيه 10 ع الاقل بيخافوا ع المنتدى ويهمهم ان المنتدى يبقى كبير مش كل الناس بتدخل عشان تهرج شويه وتفكر فى نفسها مش فى المنتدى
كمان ناقصه من غير زعل يعنى ان الاعمار تكبر شويه انا بحس ان معظم الاعضاء الشغالين كتير اعمارهم صغيره الواحد اما يجيى بيتكلم مبيعرفش يتعامل معاهم اوى(وده السبب بتاع ان الواحد بطل يدخل الحوارات)
ناقصه برضو ان الناس تكون اد كلمتها فى مواضيع كتير بنتفق عليها ومبتمش بتكون لحظه حماس وبس
ناقصه انه مبيقدرش يحافظ على اعضائه بدليل ان فى ناس كتير مشيت ومحدش بقى عارف ايه مصيرها دلوئتى ومفيش حد فى المنتدى بيحاول يسال على سبيل المثال(عمرو جوافه -علياء-ستارلونلى -اريكا-ايسو-وعلى الطريق اعتقد ريرى و بسمه وناس تانيه كتيرجاى دورها ......)

[Lovely Boy]

انا 18 سنه وداخل فى ال19

انت بتحب ايه في فكك مني؟
انا اكتر حاجه بحبها فى فكك منى انه عرفنى بناس كتير محترمه جدا بجد انا بعتبرهم اخواتى وده عمرى الواحد ما يلاقيه فى اى حته غير فكك منى
وكفايه مصطفى شومان بجد انا كنت فى الاول مفكر عشان كنت جديد سهل لو عملت حاجه يقول بجملت يلا غيره وكده

بجد لقيته شخصيه محترمه جدا ومحايده يعنى مش بيسمع لطرف واحد وده
الحمد لله معظم اللى فى المنتدى النشطين بقينا كلنا اخوات

اكتر قسم بتخشه على فكك مني؟

انا وفكك منى وهواك
بس للاسف فى ناس فهمه القسم ده غلط
بيقولوا حب وكلام فارغ بالعكس ممكن الكل يستفاد منه وباذن الله بدايه من شهر 7 شوفوا التطور الكبير اللى هيبقى فى القسم ده
وعلى مسئوليتى الكلام ده

احلى حاجة في فكك مني؟
كل شى فيه حلو بالذات الترابط الجميل بين الاعضاء


ايه اللي ناقص فكك مني؟
1)انا ملاحظ ان فى اقسام معلهاش مشرفين
وحاجه تانيه فى اقسام فيها مشرفين مش بيخشوا خالص او قليل اووووى المفروض يتعم تعديل فى الحكايه دى

فى اقسام ممكن يتم اضافتها تكون جديده
مثلا دلوقتى فى قسم رابطه محبى تامر وعمرو
طيب واحد ذى محمد منير وكاظم الساهر فين
ده مثال

اكبر مشكله ملاحظها من وجهه نظرى
دلوقتى بقيت اشوف الموضوع عدد المشاهدات وبيبقى اسماء الاعضاء اللى شافوه جوه كتير وتلاقى النص بس اللى رادد
طيب لو مكنتش مردتش عشان الموضوع وحش قول وحش قول اى حاجه مش شرط تقول موضوع جميل نفسى لو موضوع وحش نقول بس مش نخش ونخرج بس

يريت كلامى ميزعلش حد اى حد كلامى هيزعله انا اسف له

fokakmeny
نحن نختلف عن الاخرون

[MeEeGoOoO(•'.'•)]

تحديدا ده الكلام اللى كنت عايز اقولهولك يا شومان وزى مايكون احمد قرا افكارى

ياريت نفهم بقى

[| Mannora ●]

من 17 الى 22





انت بتحب ايه في فكك مني؟

كلنا كده زى اسره واحده وكلنا فى سن بعض وكمان فاهمين بعض

والاهم انه اعضاءه محترمه جدا والمواضيع هادفه كده يعنى مش عيال تافهه وبجد انا بأحبه خالص
اكتر قسم بتخشه على فكك مني؟
مش حاجه معينه كل الاقسام عادى بأتجول..كده...

---------------------------------------
احلى حاجة في فكك مني؟
كل حاجه فيه حلوه

-------------------------

ايه اللي ناقص فكك مني؟

نفسى يبقى فى شويه اثاره وحماس فى المنتدى يعنى مسابقه كده يعنى نتلم كلنا فيها او اى حاجه كده تجمع الكل

[| MonyanA ●]

انا رديت قبل كدة بس جاتلى فكرة دلوقتى
اية اللى ناقص فكك منى؟
فية ناس جديدة دخلت اوكى وانا من ضمنهم
ممكن نكون مش اصحاب قوى مع باقى المنتدى
يعنى مش عارفين كل الناس معرفة شخصية
طب لية مانبقاش اصحاب ومش بالكلام بس
يعنى مثلا الاعضاء اللى عندهم رصيد كبييييير لية مايبعتوش مثلا وردة او اى حاجة من اللى بتبعتوها لبعض دى
مش لازم اكون عارفة الواحد عشان ابعتلة
صدقونى الحكاية دى هتزود الترابط بين الاعضاء وهتخليهم مايسيبوش المنتدى
انا عن نفسى مش هسيب المنتدى ان شاء الله حتى لو بقى عمرى60
بس فية ناس بتحب تحس انها محبوبة من الاعضاء

عندى نقطة تانية زى ما ميسى قال بس ماكنتش عايزة اقول كدة
فية ناس كتير نفسها تكون مشرفة
وفية مشرفين او سوبرات مش بيدخلوا المنتدى خالص نهائيا مع انهم المفروض يتابعوا المنتدى على طول
طب لية كدة؟
وبالنسبة لصغر سن الاعضاء فى المنتدى فهما هيكبروا فى يوم من الايام وبالعكس لما يكبروا وهما على طول بيشاركوا فى فكك منى او اى منتدى اكيد دة هيأثر على عقلهم وتفكيرهم للاحسن طبعا فلية احنا مانساعدهمش على كدة

فية كمان حاجة
فى الرد على المواضيع ياريت نقول اسم العضو الحقيقى
يعنى مثلا ( شكرا ليك يا مصطفى)
لان دة بيزود الترابط بين الاعضاء

انا عارفة انى طولت عليكم بس دة كل الكلام اللى فى نفسى
لما يكون في كلام تانى هبقى اقولة
فكرة الموضوع دة بجد هايلة
شكرا ليك يا مصطفى