ذكرى وفاه غالى عليا

[| MonyanA ●]

شكرا ليكى بس انا منى اللى كتبت الموضوع

شكرا ليكى يا love

[nooor]

جزاك الله خير يا مني فعلا احنا كل شويه محتاجين اننا نتذكر اخرتنا عشان نعمل لها ونجتهد في العمل......... بالنسبالي فقدت خالي الله يرحمه وكان عزيز علينا جدا من سنتين وبعديه بنفس المرض خالي التاني اسال الله العلي العظيم ان يوسع قبورهم ويثقل ميزان حسناتهم ويجزيك الف خير يا مني علي الموضوع دا مش جديدعليكي

[| MonyanA ●]

الله يرحمهم ويحسن اليهم
شكرا ليكى يا حبيبتى على المشاركة

[I'm Alive]

أما أنا بقا فهتكلم عن جدتى ام والدى الله يرحمها ويسكنها فسيح جناته
هى أولا توفت وانا عندى 10 سنوات او 11 مش متذكر
بس فعلا موتها أثر فيا بطريقه لا أقدر على وصفها
كانت بتحبنى اكتر من ابنها الى هو والدى
وكنت بالنسبه ليها أبنها الى مخلفتهوش
كانت بتدافع عنى لما أغلط وتوصل بيها الدرجه أنها تقاطع كل الى فى البيت عشانى
كانت مدلعانى
لو فضلت أتكلم عنها مش هقدر أوصف أزاى كانت بتتعامل معايا وأزاى كانت بتحبنى
الله يرحمها
اللهم ما أغفر لها وأدخلها فسيح جناتك
اللهم ما نقها من خطاياها كما ينقى الثوب الابيض من الدنس
اللهم ما أغفر لها ولجميع أموات المسلمين
اللهم ما أمين
أنا أسف أنى طولت عليكم بالكلام

[| MonyanA ●]

الله يرحمها
انا كمان مفتقدة جدتى ام بابا مع انى ماشفتهاش خالص
بس بسمع عنها كلام جميل
يارب احنا كمان الناس تتكلم عننا كلام جميل بعد مماتنا

[LovelyGirl55]

موضوع حلو اوى ومؤثر جدا
طبعا اغلى حاجة عندى كانت وهتكون اخويا الله يرحمه
هو ذكرياتى الحلوة والحاضر اللى بعيشه دلوقتى
الله يرحمه

[| MonyanA ●]

الله يرحمة
وشكرا حبيبتى على المشاركة

[| Mannora ●]

شكرا منى على الموضوع وبجد موضوع هام جدا...

وانا اكتر حاجه مأثره فيا موت عمى كنت فى خمسه ابتدائى وهو متوضى ورايح يصلى ااجمعه ومن غير اى حاجه كده جت ليه سكته ومات

مع انه كان عنده تلاتين سنه وصحته كويسه بس الموت ما بيفرقش وسا عه نصيبك ما بيتأخرش

بجد كانت صدمه ليا كبيره ربنا يرحمه ويرحمنا جميعا ونموت متوضين زيه كده...

وشكرا يا منى على الموضوع

[| MonyanA ●]

يارب تكون ساعة موتنا سهلة يارب
ربنا يرحمة
مافيش احسن من الموتة دى
مع ان فراق الاحباب بيوجعنا قوى
شكرا منار على المشاركة

[| Nadooosh ●]

انا فعلا فقدت واحدة كانت جارتى وكانت اكبر منى بسنة تقريبا

وكانت طيبة قوى وغلبانة قوى قوى قوى وبريئة قوى وبجد الى يتعامل معاها استحالة يصدق ان فى لسة ناس بالطيبة دة او العبط دة

وبصراحة انا مكنتش بقعد معاها كتير ومكنتش بسأل عليها كتير لدرجة اننا ممكن نقول انى كنت بنفضلها وللاسف هيا كانت بتسأل عليا على طول ومهتمة بيا قوى

وفجأة جالها سرطان فى الدم ومكملتش شهر واتوفت

ربنا يرحمها وربنا يسامحنى على اى زعل او جرح سببتهولها

شكرا يا مونيانا بس بجد قلبتى عليا المواجع