أزاى تبقا أرزل واحد فى كليتك (الدرس التانى) أدخل بسرعه

**I'm Alive** · 21-06-2009 12:24 AM

السلام عليكم ورحمه الله
من منطلق مبدأنا الى هو تبقا ازاى أرذل مخلوق فىالدنيا
جبت لحضراتكم الدرس التانى يارب تكونو استفدتم حاجه من الدرس الاول
ويارب تستفيدو من الدرس التانى
وكمان الدرس ده هيفيد ناس كتير وطلبه كتير فى الجامعات
يالا

الحصة التانية
ازاى تبقى رذل فى الكلية

فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل
الحصة الجاية إن شاء الله على الموبايل
هكشف كل أسلحته الفتاكة

**M@GO** · 22-06-2009 03:29 PM

nice

**I'm Alive** · 23-06-2009 02:01 AM

شكرا ليك ياماجد على مرورك

**● **TiTaNiC LoVeR** ●** · 23-06-2009 02:09 AM

نيهاعععععع نيهاعععع نيهاععععع
ضحكات شريره متقطعه

**Dr_Matrix** · 23-06-2009 02:11 AM

هاه هاه هاه هااااااااااااه

انت فاهم الرزاله غلط على فكره خالص

**I'm Alive** · 23-06-2009 03:19 AM

نورت التوبك ياشريف باشريف باشا بمرورك

وعلى فكرة يادكتور ماتريكش أنا مش فاهمها غلط هو ده مفهومها عندى

**| Mannora ●** · 23-06-2009 04:00 AM

على فكره دا انا اكره نفسى لو عملت كده...

دى مش رزاله دا شر رهيب...

حرام عليك علم العيال حاجه حلوه دا ايه الحاجات دى يا ابنى...

**Lovely Boy** · 23-06-2009 04:01 AM

يا محمد شهاده منى ليكى انت يا حبيبى مش محتاج دروس انت فعلا كدا

وبجد دى احلى حاجه فيك

كفايه انت

مش لازم الكل يبقى زيك يا حبيبى

اهم حاجه تسلم على النصايح انا مش عاوز ابقى رزل

**NHP** · 23-06-2009 04:03 AM

ههههههه انا لسة فى المدرسة شكرا على المعلومات لما اطلع كليا بس انا خربة فى المدرسة بجد 9 استدعاء وكان هيجى مرتين رفد ههههههههههههههه بس عملت افلام زى العادة